- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸੰਯੁਕਤ ਰਾਸ਼ਟਰ 'ਚ ਭਾਰਤ ਦਾ ਪਾਕਿਸਤਾਨ 'ਤੇ ਪਲਟਵਾਰ, 'ਲਾਦੇਨ ਨੂੰ ਪਾਲਣ ਵਾਲਾ ਦੇਸ਼ ਕਸ਼ਮੀਰ 'ਤੇ ਨਾ ਦੇਵੇ ਗਿਆਨ'
ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਸ਼ਹਿਬਾਜ਼ ਸ਼ਰੀਫ਼ ਵੱਲੋਂ ਨਿਊਯਾਰਕ 'ਚ ਦਿੱਤੇ ਗਏ ਭਾਸ਼ਣ ਦਾ ਭਾਰਤ ਨੇ ਜਵਾਬ ਦਿੱਤਾ ਹੈ। ਸੰਯੁਕਤ ਰਾਸ਼ਟਰ 'ਚ ਭਾਰਤ ਦੇ ਸਥਾਈ ਮਿਸ਼ਨ ਦੀ ਫਰਸਟ ਸਕੱਤਰ ਪੇਟਲ ਗਹਿਲੋਤ ਨੇ ਅੱਤਵਾਦ ਦੇ ਮੁੱਦੇ ’ਤੇ ਪਾਕਿਸਤਾਨ ਨੂੰ ਜਵਾਬ ਦਿੱਤਾ। ਸੰਯੁਕਤ ਰਾਸ਼ਟਰ 'ਚ ਪੇਟਲ ਗਹਿਲੋਤ ਨੇ ਪਾਕਿਸਤਾਨ ਨੂੰ ਜਵਾਬ ਦਿੰਦਿਆਂ ਕਿਹਾ, “ਅੱਜ ਦੁਪਹਿਰ ਜਨਰਲ ਅਸੈਂਬਲੀ ਨੇ ਪਾਕਿਸਤਾਨ ਦੇ ਪ੍ਰਤੀਨਿਧੀ ਦੀਆਂ ਕੁਝ ਅਜੀਬ ਗੱਲਾਂ ਸੁਣੀਆਂ। ਇਹ ਸਭ ਉਸ ਸਮੇਂ ਹੋਇਆ ਜਦੋਂ ਨਿਊਯਾਰਕ ਸ਼ਹਿਰ ਅਤੇ ਪੂਰੀ ਦੁਨੀਆ ਭਿਆਨਕ 9/11 ਅੱਤਵਾਦੀ ਹਮਲੇ ਦੀ 25ਵੀਂ ਬਰਸੀ ਮਨਾ ਰਹੀ ਹੈ।”
Posted By Sunita
Publish Date: Sat, 26 Sep 2026 11:42 AM (IST)
Updated Date: Sat, 26 Sep 2026 11:43 AM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ - ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਸ਼ਹਿਬਾਜ਼ ਸ਼ਰੀਫ਼ ਵੱਲੋਂ ਨਿਊਯਾਰਕ 'ਚ ਦਿੱਤੇ ਗਏ ਭਾਸ਼ਣ ਦਾ ਭਾਰਤ ਨੇ ਜਵਾਬ ਦਿੱਤਾ ਹੈ। ਸੰਯੁਕਤ ਰਾਸ਼ਟਰ 'ਚ ਭਾਰਤ ਦੇ ਸਥਾਈ ਮਿਸ਼ਨ ਦੀ ਫਰਸਟ ਸਕੱਤਰ ਪੇਟਲ ਗਹਿਲੋਤ ਨੇ ਅੱਤਵਾਦ ਦੇ ਮੁੱਦੇ ’ਤੇ ਪਾਕਿਸਤਾਨ ਨੂੰ ਜਵਾਬ ਦਿੱਤਾ। ਸੰਯੁਕਤ ਰਾਸ਼ਟਰ 'ਚ ਪੇਟਲ ਗਹਿਲੋਤ ਨੇ ਪਾਕਿਸਤਾਨ ਨੂੰ ਜਵਾਬ ਦਿੰਦਿਆਂ ਕਿਹਾ, “ਅੱਜ ਦੁਪਹਿਰ ਜਨਰਲ ਅਸੈਂਬਲੀ ਨੇ ਪਾਕਿਸਤਾਨ ਦੇ ਪ੍ਰਤੀਨਿਧੀ ਦੀਆਂ ਕੁਝ ਅਜੀਬ ਗੱਲਾਂ ਸੁਣੀਆਂ। ਇਹ ਸਭ ਉਸ ਸਮੇਂ ਹੋਇਆ ਜਦੋਂ ਨਿਊਯਾਰਕ ਸ਼ਹਿਰ ਅਤੇ ਪੂਰੀ ਦੁਨੀਆ ਭਿਆਨਕ 9/11 ਅੱਤਵਾਦੀ ਹਮਲੇ ਦੀ 25ਵੀਂ ਬਰਸੀ ਮਨਾ ਰਹੀ ਹੈ।”
ਪੇਟਲ ਗਹਿਲੋਤ ਨੇ ਅੱਗੇ ਕਿਹਾ, “ਇਸ ਸੰਦਰਭ ਨੂੰ ਧਿਆਨ 'ਚ ਰੱਖਣਾ ਜ਼ਰੂਰੀ ਹੈ, ਕਿਉਂਕਿ ਇਸ ਹਮਲੇ ਦਾ ਮਾਸਟਰਮਾਈਂਡ ਓਸਾਮਾ ਬਿਨ ਲਾਦੇਨ ਪਾਕਿਸਤਾਨੀ ਫੌਜ ਦੀ ਮੁੱਖ ਅਕੈਡਮੀ ਦੇ ਬਿਲਕੁਲ ਨੇੜੇ ਰਹਿ ਰਿਹਾ ਸੀ। ਇਹ ਉਹੀ ਸੰਸਥਾ ਹੈ ਜਿਸ ਦੇ ਸਾਹਮਣੇ ਅੱਜ ਪਾਕਿਸਤਾਨ ਦੇ ਪ੍ਰਤੀਨਿਧੀ ਨੇ ਇੰਨਾ ਸਿਰ ਝੁਕਾਇਆ। ਪਰ ਪਾਕਿਸਤਾਨ ਦੇ ਲੋਕ ਜਿਸ ਨੂੰ ਖੁਦ ‘ਫਾਰਮ 47 ਸਰਕਾਰ’ ਕਹਿੰਦੇ ਹਨ, ਉਸ ਤੋਂ ਅਜਿਹੀ ਹੀ ਉਮੀਦ ਕੀਤੀ ਜਾ ਸਕਦੀ ਹੈ।”
ਪਾਕਿਸਤਾਨ ਦੀਆਂ ਗੱਲਾਂ ਦੀ ਦੱਸੀ ਸੱਚਾਈ
ਪਾਕਿਸਤਾਨ ਨੇ ਸੰਯੁਕਤ ਰਾਸ਼ਟਰ 'ਚ ਲੋਕਤੰਤਰਿਕ ਅਧਿਕਾਰਾਂ ਅਤੇ ਮਨੁੱਖੀ ਕਦਰਾਂ-ਕੀਮਤਾਂ ਦੀ ਗੱਲ ਕੀਤੀ ਸੀ। ਇਸ ’ਤੇ ਭਾਰਤ ਨੇ ਪਾਕਿਸਤਾਨ ਦੀ ਰਾਜਧਾਨੀ ਇਸਲਾਮਾਬਾਦ ਦੇ ਹਾਲਾਤਾਂ ਬਾਰੇ ਆਪਣਾ ਪੱਖ ਦੁਨੀਆ ਦੇ ਸਾਹਮਣੇ ਰੱਖਿਆ।
#WATCH | New York | Exercising the right of reply of India on Pakistan PM Shehbaz Sharif's speech, First Secretary in India's Permanent Mission to the UN, Petal Gahlot says, "This afternoon, the General Assembly heard some bizarre remarks from the representative of Pakistan. This happens just a fortnight after New York City and the world marked the 25th anniversary of the horrendous 9-11 terrorist attack. This context is important to keep in mind because its mastermind, Osama bin Laden, was living right on the doorstep of the Pakistani Army's premier academy. This was the very entity which was the subject of such deep genuflection before us today by the representative of Pakistan. But all this is only to be expected from what Pakistanis themselves call a Form 47 government" (Video Source: United Nations)
— ANI (@ANI) September 26, 2026
ਪੇਟਲ ਗਹਿਲੋਤ ਨੇ ਕਿਹਾ, “ਅਸੀਂ ਅਜਿਹੀ ਸਰਕਾਰ ਤੋਂ ਲੋਕਤੰਤਰਿਕ ਅਧਿਕਾਰਾਂ ਅਤੇ ਮਨੁੱਖੀ ਕਦਰਾਂ-ਕੀਮਤਾਂ ਬਾਰੇ ਪਖੰਡੀ ਗੱਲਾਂ ਸੁਣੀਆਂ, ਜਿਸ ਦੀ ਰਾਜਧਾਨੀ 'ਚ ਇਸ ਸਮੇਂ ਆਪਣੇ ਹੀ ਲੋਕਾਂ ਖ਼ਿਲਾਫ਼ ਕਿਲੇਬੰਦੀ ਕੀਤੀ ਜਾ ਰਹੀ ਹੈ।”
ਗਹਿਲੋਤ ਨੇ ਅੱਗੇ ਪਾਕਿਸਤਾਨ ਨੂੰ ਜਵਾਬ ਦਿੰਦਿਆਂ ਕਿਹਾ, “ਮਿਸਟਰ ਪ੍ਰੈਜ਼ੀਡੈਂਟ, ਅਜਿਹਾ ਇਸ ਲਈ ਹੋ ਰਿਹਾ ਹੈ ਕਿਉਂਕਿ ਇਹ ਸਰਕਾਰ ਫੌਜ ਦੀ ਹੈ, ਫੌਜ ਵੱਲੋਂ ਹੈ ਅਤੇ ਫੌਜ ਲਈ ਹੈ। ਉਨ੍ਹਾਂ ਦੇ ਕਠਪੁਤਲੀ ਨੇਤਾ ਆਉਂਦੇ-ਜਾਂਦੇ ਰਹਿ ਸਕਦੇ ਹਨ, ਪਰ ਸਾਨੂੰ ਇਸ ਗੱਲ 'ਚ ਕੋਈ ਭੁਲੇਖਾ ਨਹੀਂ ਹੋਣਾ ਚਾਹੀਦਾ ਕਿ ਅਸਲ ਫੈਸਲੇ ਕੌਣ ਲੈਂਦਾ ਹੈ। ਪਾਕਿਸਤਾਨ ਦੀ ਅਸਲ ਸਥਿਤੀ ਉਸ ਦੇ 27ਵੇਂ ਸੰਵਿਧਾਨਕ ਸੋਧ ਅਤੇ ਉਸ ਦੇ ਅਸਲ ਸ਼ਾਸਕ ਨੂੰ ਮਿਲੀ ਉਮਰ ਭਰ ਦੀ ਛੋਟ ਤੋਂ ਸਪੱਸ਼ਟ ਹੁੰਦੀ ਹੈ।” ਭਾਰਤ ਨੇ ਸੰਯੁਕਤ ਰਾਸ਼ਟਰ ਜਨਰਲ ਅਸੈਂਬਲੀ ਅਤੇ ਸੰਯੁਕਤ ਰਾਸ਼ਟਰ ਦੇ ਹੋਰ ਮੰਚਾਂ ’ਤੇ ਵੀ ਕਈ ਵਾਰ ਜੰਮੂ-ਕਸ਼ਮੀਰ ਬਾਰੇ ਪਾਕਿਸਤਾਨ ਦੇ ਦਾਅਵਿਆਂ ਨੂੰ ਖਾਰਜ ਕੀਤਾ ਹੈ। ਭਾਰਤ ਦਾ ਕਹਿਣਾ ਹੈ ਕਿ ਜੰਮੂ-ਕਸ਼ਮੀਰ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਦੇਸ਼ ਦਾ ਅਟੁੱਟ ਅਤੇ ਅਵਿਭਾਜਿਤ ਹਿੱਸਾ ਰਿਹਾ ਹੈ, ਹੈ ਅਤੇ ਹਮੇਸ਼ਾ ਰਹੇਗਾ।