ਸਰਕਾਰੀ ਬੱਸਾਂ 'ਚ ਸਫਰ ਕਰਨ ਵਾਲਿਆਂ ਲਈ ਅਹਿਮ ਖ਼ਬਰ, ਹੁਣ ਸਮਾਰਟ ਟਰੈਵਲ ਕਾਰਡ ਤੋਂ ਹੋਵੇਗਾ ਕਿਰਾਏ ਦਾ ਭੁਗਤਾਨ; 5 ਤੋਂ 15 ਫ਼ੀਸਦੀ ਮਿਲੇਗੀ ਛੋਟ

ਹਿਮਾਚਲ ਰੋਡ ਟਰਾਂਸਪੋਰਟ ਕਾਰਪੋਰੇਸ਼ਨ (HRTC) ਡਿਜੀਟਲ ਕਿਰਾਏ ਦੇ ਭੁਗਤਾਨ ਦੀ ਸਹੂਲਤ ਲਈ 'ਹਿਮ ਬੱਸ ਸਮਾਰਟ ਟ੍ਰੈਵਲ ਕਾਰਡ' ਪੇਸ਼ ਕਰ ਰਹੀ ਹੈ। ਆਮ ਯਾਤਰੀਆਂ ਨੂੰ 5% ਦੀ ਛੋਟ ਮਿਲੇਗੀ, ਜਦੋਂ ਕਿ ਸੀਨੀਅਰ ਨਾਗਰਿਕਾਂ ਨੂੰ ਇਸ ਕਾਰਡ ਦੀ ਵਰਤੋਂ ਕਰਨ 'ਤੇ 15% ਤੱਕ ਦੀ ਛੋਟ ਮਿਲੇਗੀ। ਮੁੱਖ ਮੰਤਰੀ ਸੁਖਵਿੰਦਰ ਸਿੰਘ ਸੁੱਖੂ 30 ਜੁਲਾਈ ਨੂੰ ਇਸ ਸੇਵਾ ਦੀ ਸ਼ੁਰੂਆਤ ਕਰਨਗੇ। ਇਹ ਲਾਂਚ ਪ੍ਰੋਗਰਾਮ ਸੋਲਨ ਜ਼ਿਲ੍ਹੇ ਦੇ ਕਿਆਰੀਘਾਟ 'ਚ ਸੈਰ-ਸਪਾਟਾ ਨਿਗਮ ਦੇ ਹੋਟਲ ਮੇਘਦੂਤ 'ਚ ਹੋਵੇਗਾ। ਇਸ ਪ੍ਰੋਗਰਾਮ 'ਚ ਉਪ ਮੁੱਖ ਮੰਤਰੀ ਮੁਕੇਸ਼ ਅਗਨੀਹੋਤਰੀ ਅਤੇ HRTC ਦੇ ਉਪ ਚੇਅਰਮੈਨ ਅਜੇ ਵਰਮਾ ਵੀ ਮੌਜੂਦ ਰਹਿਣਗੇ।