ਘਰੇਲੂ ਗੈਸ ਗਾਹਕਾਂ ਲਈ ਜ਼ਰੂਰੀ ਖ਼ਬਰ, 15 ਅਗਸਤ ਤੱਕ ਕਰਵਾ ਲਓ E-KYC ਨਹੀਂ ਤਾਂ ਮਹਿੰਗੇ ਭਾਅ ਮਿਲੇਗਾ ਸਿਲੰਡਰ

ਜਾਗਰਣ ਸੰਵਾਦਦਾਤਾ, ਗਾਜ਼ੀਆਬਾਦ। ਐੱਲ.ਪੀ.ਜੀ. ਖਪਤਕਾਰਾਂ ਨੂੰ 15 ਅਗਸਤ ਤੋਂ ਪਹਿਲਾਂ ਈ-ਕੇਵਾਈਸੀ (E-KYC) ਕਰਵਾਉਣਾ ਲਾਜ਼ਮੀ ਹੈ। ਜੇਕਰ ਸਮੇਂ ਸਿਰ ਈ-ਕੇਵਾਈਸੀ ਨਹੀਂ ਕਰਵਾਈ ਗਈ ਤਾਂ ਮਹਿੰਗੇ ਭਾਅ 'ਤੇ ਸਿਲੰਡਰ ਖਰੀਦਣਾ ਪੈ ਸਕਦਾ ਹੈ, ਜਿਸ ਨਾਲ ਖਪਤਕਾਰਾਂ ਦੀ ਜੇਬ 'ਤੇ ਬੋਝ ਪਵੇਗਾ।

3.5 ਲੱਖ ਖਪਤਕਾਰਾਂ ਨੇ ਨਹੀਂ ਕਰਵਾਈ LPG E-KYC

ਜ਼ਿਲ੍ਹੇ ਵਿੱਚ ਘਰੇਲੂ ਐੱਲ.ਪੀ.ਜੀ. ਗੈਸ ਸਿਲੰਡਰ ਦੇ 12 ਲੱਖ ਕੁਨੈਕਸ਼ਨ ਹਨ,ਜਿਨ੍ਹਾਂ ਵਿੱਚੋਂ 8.50 ਲੱਖ ਖਪਤਕਾਰਾਂ ਨੇ ਹੁਣ ਤੱਕ ਈ-ਕੇਵਾਈਸੀ ਕਰਵਾ ਲਈ ਹੈ। ਲਗਪਗ 30 ਫੀਸਦੀ ਕੁਨੈਕਸ਼ਨਧਾਰਕ ਅਜਿਹੇ ਹਨ, ਜਿਨ੍ਹਾਂ ਨੇ ਹੁਣ ਤੱਕ ਈ-ਕੇਵਾਈਸੀ ਨਹੀਂ ਕਰਵਾਈ ਹੈ।

ਗਾਜ਼ੀਆਬਾਦ ਦੇ ਸਾਰੇ ਖਪਤਕਾਰਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਗੈਸ ਵੰਡ ਕੇਂਦਰ 'ਤੇ ਜਾ ਕੇ ਈ-ਕੇਵਾਈਸੀ ਕਰਵਾ ਲੈਣ। ਇਸ ਤੋਂ ਇਲਾਵਾ ਸਿਲੰਡਰ ਘਰ ਪਹੁੰਚਾਉਣ ਵਾਲੇ ਹਾਕਰ ਦੀ ਮਦਦ ਨਾਲ ਵੀ ਈ-ਕੇਵਾਈਸੀ ਕਰਵਾਈ ਜਾ ਸਕਦੀ ਹੈ। ਇੰਡੇਨ ਗੈਸ ਸਿਲੰਡਰ ਦੇ ਖਪਤਕਾਰ ਘਰ ਬੈਠੇ ਇੰਡੀਅਨ ਆਇਲ ਵਨ ਐਪ (Indane Oil One App) ਦੀ ਮਦਦ ਨਾਲ ਵੀ ਈ-ਕੇਵਾਈਸੀ ਕਰਵਾ ਸਕਦੇ ਹਨ।