- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕੈਬ 10 ਮਿੰਟ ਲੇਟ ਤਾਂ ਡਰਾਈਵਰ ’ਤੇ ₹100 ਜੁਰਮਾਨਾ: ਓਲਾ-ਉਬਰ ਦੇ ਨਵੇਂ ਨਿਯਮ; ਮਹਿਲਾ ਸਵਾਰੀ ਬਿਠਾਉਣ ਤੋਂ ਪਹਿਲਾਂ ਇਜਾਜ਼ਤ ਜ਼ਰੂਰੀ
ਇਨ੍ਹਾਂ ਵਾਹਨਾਂ ’ਚ ਪੈਨਿਕ ਬਟਨ ਅਤੇ ਵਹੀਕਲ ਲੋਕੇਸ਼ਨ ਟ੍ਰੈਕਿੰਗ ਡਿਵਾਈਸ ਲੱਗੇ ਹੋਣਗੇ, ਜਿਸ ਨਾਲ ਉਨ੍ਹਾਂ ਦੀ ਨਿਯਮਤ ਨਿਗਰਾਨੀ ਸੰਭਵ ਹੋਵੇਗੀ। ਪਹਿਲਾਂ ਵਾਹਨ ਦੀ ਉਮਰ ਅੱਠ ਸਾਲ ਨਿਰਧਾਰਤ ਕੀਤੀ ਗਈ ਸੀ ਪਰ ਵਾਹਨ ਮਾਲਕਾਂ ਦੇ ਵਿਰੋਧ ਤੋਂ ਬਾਅਦ ਇਸ ਨੂੰ 12 ਸਾਲ ਕਰ ਦਿੱਤਾ ਗਿਆ ਹੈ। ਇਹ ਵਿਵਸਥਾ ਜਲਦੀ ਹੀ ਲਾਗੂ ਕੀਤੀ ਜਾਵੇਗੀ।
Posted By Anuradha Bains
Publish Date: Sat, 22 Aug 2026 04:29 PM (IST)
Updated Date: Sat, 22 Aug 2026 04:34 PM (IST)
ਵਿਵੇਕ ਸ਼ੁਕਲਾ, ਲਖਨਊ। ਪ੍ਰਦੇਸ਼ ਵਿੱਚ ਕਮਰਸ਼ੀਅਲ ਯਾਤਰੀ ਵਾਹਨਾਂ ਜਿਵੇਂ ਕਿ ਓਲਾ, ਉਬਰ, ਰੈੱਡ ਬੱਸ ਅਤੇ ਇਨ-ਡਰਾਈਵ ਦੇ ਮਾਧਿਅਮ ਨਾਲ ਚੱਲਣ ਵਾਲੇ ਵਾਹਨਾਂ ਦੀ ਰਜਿਸਟ੍ਰੇਸ਼ਨ ਹੁਣ ਟਰਾਂਸਪੋਰਟ ਵਿਭਾਗ ਦੇ ਪੋਰਟਲ 'ਤੇ ਲਾਜ਼ਮੀ ਕਰ ਦਿੱਤੀ ਗਈ ਹੈ। ਨਵੇਂ ਨਿਯਮਾਂ ਅਨੁਸਾਰ, 12 ਸਾਲ ਤੱਕ ਦੇ ਪੁਰਾਣੇ ਵਾਹਨਾਂ ਦੀ ਰਜਿਸਟ੍ਰੇਸ਼ਨ ਕੀਤੀ ਜਾ ਸਕੇਗੀ।
ਇਨ੍ਹਾਂ ਵਾਹਨਾਂ ’ਚ ਪੈਨਿਕ ਬਟਨ ਅਤੇ ਵਹੀਕਲ ਲੋਕੇਸ਼ਨ ਟ੍ਰੈਕਿੰਗ ਡਿਵਾਈਸ ਲੱਗੇ ਹੋਣਗੇ, ਜਿਸ ਨਾਲ ਉਨ੍ਹਾਂ ਦੀ ਨਿਯਮਤ ਨਿਗਰਾਨੀ ਸੰਭਵ ਹੋਵੇਗੀ। ਪਹਿਲਾਂ ਵਾਹਨ ਦੀ ਉਮਰ ਅੱਠ ਸਾਲ ਨਿਰਧਾਰਤ ਕੀਤੀ ਗਈ ਸੀ ਪਰ ਵਾਹਨ ਮਾਲਕਾਂ ਦੇ ਵਿਰੋਧ ਤੋਂ ਬਾਅਦ ਇਸ ਨੂੰ 12 ਸਾਲ ਕਰ ਦਿੱਤਾ ਗਿਆ ਹੈ। ਇਹ ਵਿਵਸਥਾ ਜਲਦੀ ਹੀ ਲਾਗੂ ਕੀਤੀ ਜਾਵੇਗੀ।
ਲਖਨਊ ਵਿੱਚ 10,000 ਤੋਂ ਵੱਧ ਓਲਾ, ਉਬਰ, ਰੈੱਡ ਬੱਸ ਅਤੇ ਇਨ-ਡਰਾਈਵ ਵਰਗੇ ਐਪਸ ਦੇ ਮਾਧਿਅਮ ਨਾਲ ਚੱਲਣ ਵਾਲੇ ਵਾਹਨ ਹਨ। ਉੱਤਰ ਪ੍ਰਦੇਸ਼ ਮੋਟਰ ਵਹੀਕਲ (ਸਮੂਹਕ ਅਤੇ ਵੰਡ ਸੇਵਾ ਪ੍ਰਦਾਤਾ) ਨਿਯਮਾਵਲੀ 2026 ਤਹਿਤ ਟਰਾਂਸਪੋਰਟ ਵਿਭਾਗ ਦੇ ਪੋਰਟਲ 'ਤੇ ਰਜਿਸਟ੍ਰੇਸ਼ਨ ਸ਼ੁਰੂ ਹੋ ਗਈ ਹੈ।
ਇਸ ਰਜਿਸਟ੍ਰੇਸ਼ਨ ਤੋਂ ਬਾਅਦ ਡਿਜੀਟਲ ਪਲੇਟਫਾਰਮ ਤੋਂ ਚੱਲਣ ਵਾਲੇ ਯਾਤਰੀ ਵਾਹਨਾਂ ਦਾ ਅਸਲ ਲੇਖਾ-ਜੋਖਾ ਉਪਲਬਧ ਹੋਵੇਗਾ, ਜਿਸ ਦੀ ਨਿਗਰਾਨੀ ਟਰਾਂਸਪੋਰਟ ਵਿਭਾਗ ਕਰੇਗਾ। ਸਾਰੇ ਵਾਹਨ ਸਮੂਹਾਂ ਨੂੰ ਨਿਰਧਾਰਤ ਪੋਰਟਲ 'ਤੇ ਰਜਿਸਟ੍ਰੇਸ਼ਨ ਕਰਵਾਉਣੀ ਪਵੇਗੀ। ਟਰਾਂਸਪੋਰਟ ਕਮਿਸ਼ਨਰ ਆਸ਼ੂਤੋਸ਼ ਨਿਰੰਜਨ ਨੇ ਕਿਹਾ ਕਿ ਇਸ ਵਿਵਸਥਾ ਦੇ ਲਾਗੂ ਹੋਣ ਨਾਲ ਆਵਾਜਾਈ ’ਚ ਰਾਹਤ ਮਿਲੇਗੀ।
ਜਾਣੋ ਨਵੇਂ ਨਿਯਮ
ਜੇਕਰ ਵਾਹਨ ਬੁੱਕ ਕਰਵਾਉਣ 'ਤੇ 10 ਮਿੰਟਾਂ ’ਚ ਰਿਪੋਰਟਿੰਗ ਨਹੀਂ ਕੀਤੀ ਜਾਂਦੀ ਹੈ ਤਾਂ ਰਾਈਡਰ ਸਬੰਧਤ ਰਾਈਡ ਨੂੰ ਰੱਦ ਕਰ ਸਕਦਾ ਹੈ। ਇਸ ਸਥਿਤੀ ’ਚ ਡਰਾਈਵਰ 'ਤੇ 100 ਰੁਪਏ ਦਾ ਜੁਰਮਾਨਾ ਲੱਗੇਗਾ ਅਤੇ ਰਾਈਡਰ ਨੂੰ ਅਗਲੀ ਬੁਕਿੰਗ ’ਚ ਇਸੇ ਰਕਮ ਦੀ ਰਾਹਤ ਦਿੱਤੀ ਜਾਵੇਗੀ। ਜੇਕਰ ਰਾਈਡਰ ਬੁਕਿੰਗ ਰੱਦ ਕਰਦਾ ਹੈ ਤਾਂ ਕਿਰਾਏ ਦਾ 10 ਫ਼ੀਸਦੀ, ਵੱਧ ਤੋਂ ਵੱਧ 100 ਰੁਪਏ, ਅਗਲੀ ਬੁਕਿੰਗ ਦੇ ਕਿਰਾਏ ਦੇ ਨਾਲ ਵਸੂਲਿਆ ਜਾਵੇਗਾ। ਐਪ ਅਤੇ ਪੋਰਟਲ 'ਤੇ ਇਸ ਕਾਰਵਾਈ ਨੂੰ ਅੱਪਲੋਡ ਕਰਨਾ ਲਾਜ਼ਮੀ ਹੋਵੇਗਾ। ਯਾਤਰੀਆਂ ਤੋਂ ਘੱਟੋ-ਘੱਟ ਤਿੰਨ ਕਿਲੋਮੀਟਰ ਦਾ ਕਿਰਾਇਆ ਲਿਆ ਜਾਵੇਗਾ।
ਜੇਕਰ ਵਾਹਨ ’ਚ ਪੁਰਸ਼ ਯਾਤਰੀ ਹੈ ਤਾਂ ਮਹਿਲਾ ਯਾਤਰੀ ਨੂੰ ਬਿਠਾਉਣ ਤੋਂ ਪਹਿਲਾਂ ਉਸ ਦੀ ਸਹਿਮਤੀ ਲੈਣੀ ਪਵੇਗੀ।
ਜੇਕਰ ਸੰਭਵ ਹੋਵੇ ਤਾਂ ਮਹਿਲਾ ਯਾਤਰੀਆਂ ਕੋਲ ਮਹਿਲਾ ਡਰਾਈਵਰ ਹੋਣੇ ਚਾਹੀਦੇ ਹਨ। ਡਰਾਈਵਰ ਦੇ ਵੇਰਵੇ ਘੱਟੋ-ਘੱਟ ਸੱਤ ਦਿਨਾਂ ਲਈ ਐਪ 'ਤੇ ਅਪਲੋਡ ਕੀਤੇ ਜਾਣਗੇ। ਐਪ ਨੂੰ ਸਟੇਟ ਟ੍ਰਾਂਸਪੋਰਟ ਪੋਰਟਲ ਨਾਲ ਵੀ ਜੋੜਿਆ ਜਾਵੇਗਾ। ਹਰੇਕ ਵਾਹਨ ਦੀ ਇੱਕ ਰੇਟਿੰਗ ਹੋਵੇਗੀ, ਜੋ ਯਾਤਰੀਆਂ ਲਈ ਉਪਲਬਧ ਹੋਵੇਗੀ।
ਕੈਬ ਡਰਾਈਵਰ ਕੋਲ ਘੱਟੋ-ਘੱਟ ਦੋ ਸਾਲ ਦਾ ਡਰਾਈਵਿੰਗ ਤਜ਼ਰਬਾ ਹੋਣਾ ਚਾਹੀਦਾ ਹੈ ਅਤੇ ਪਿਛਲੇ ਤਿੰਨ ਸਾਲਾਂ ’ਚ ਕਿਸੇ ਅਪਰਾਧ ’ਚ ਦੋਸ਼ੀ ਸਾਬਤ ਨਹੀਂ ਹੋਣਾ ਚਾਹੀਦਾ।
ਹਰ ਕੈਬ ਡਰਾਈਵਰ ਨੂੰ 40 ਘੰਟੇ ਦੀ ਸਿਖਲਾਈ ਲੈਣੀ ਲਾਜ਼ਮੀ ਹੋਵੇਗੀ, ਜਿਸ ’ਚ ਐਪ ਦੀ ਵਰਤੋਂ, ਐਮਰਜੈਂਸੀ ਸਹਾਇਤਾ, ਸੁਰੱਖਿਅਤ ਡਰਾਈਵਿੰਗ, ਵਿਵਹਾਰ ਅਤੇ ਰਸਤੇ ਦੀ ਜਾਣਕਾਰੀ ਸ਼ਾਮਲ ਹੋਵੇਗੀ। ਯਾਤਰੀ ਲਾਈਵ ਲੋਕੇਸ਼ਨ ਸਾਂਝੀ ਕਰ ਸਕੇਗਾ ਅਤੇ ਜੇਕਰ ਡਰਾਈਵਰ ਤੈਅ ਰਸਤੇ ਤੋਂ ਹਟਦਾ ਹੈ, ਤਾਂ ਕੰਟਰੋਲ ਰੂਮ ਨੂੰ ਅਲਰਟ ਕੀਤਾ ਜਾਵੇਗਾ।
ਐੱਨ.ਸੀ.ਆਰ. ’ਚ 3,15,218 ਵਾਹਨ ਆਨ-ਬੋਰਡ। ਐਗਰੀਗੇਟਰ ਪਾਲਿਸੀ ਵਿੱਚ ਪੈਟਰੋਲ-ਡੀਜ਼ਲ ਵਾਹਨਾਂ ਦੀ ਜਗ੍ਹਾ ਇਲੈਕਟ੍ਰਿਕ ਵਾਹਨਾਂ ਨੂੰ ਉਤਸ਼ਾਹਿਤ ਕਰਨ ਲਈ ਇਲੈਕਟ੍ਰਿਕ ਵਹੀਕਲ ਟਰਾਂਜ਼ੀਸ਼ਨ 'ਤੇ ਵੀ ਜ਼ੋਰ ਦਿੱਤਾ ਗਿਆ ਹੈ।
ਐੱਨ.ਸੀ.ਆਰ. ਖੇਤਰ ’ਚ ਵਾਹਨ ਪ੍ਰਦੂਸ਼ਣ ਨੂੰ ਕੰਟਰੋਲ ਕਰਨ ਲਈ ਇਲੈਕਟ੍ਰਿਕ ਵਹੀਕਲ ਚਲਾਏ ਜਾਣਗੇ। ਟਰਾਂਸਪੋਰਟ ਵਿਭਾਗ ਨੇ upmyfleet.com ਪੋਰਟਲ 'ਤੇ ਐਗਰੀਗੇਟਰ ਦੀ ਰਜਿਸਟ੍ਰੇਸ਼ਨ ਸ਼ੁਰੂ ਕਰਵਾਈ ਹੈ। ਇਸ ਪੋਰਟਲ 'ਤੇ ਮੌਜੂਦਾ ਸਮੇਂ ’ਚ ਐੱਨ.ਸੀ.ਆਰ. ਖੇਤਰ ਦੇ ਦੋ ਐਗਰੀਗੇਟਰ ਅਤੇ ਉਨ੍ਹਾਂ ਦੇ 3,15,218 ਵਾਹਨ ਆਨ-ਬੋਰਡ ਹਨ।
10 ਮਿੰਟ ’ਚ ਰਿਪੋਰਟਿੰਗ ਨਾ ਹੋਣ 'ਤੇ ਬੁਕਿੰਗ ਰੱਦ
ਹਦਾਇਤ ਹੈ ਕਿ ਵਾਹਨ ਬੁੱਕ ਕਰਵਾਉਣ 'ਤੇ ਜੇਕਰ 10 ਮਿੰਟਾਂ ’ਚ ਰਿਪੋਰਟਿੰਗ ਨਹੀਂ ਕੀਤੀ ਜਾਂਦੀ ਤਾਂ ਰਾਈਡਰ ਸਬੰਧਤ ਰਾਈਡ ਨੂੰ ਰੱਦ ਕਰ ਸਕਦਾ ਹੈ। ਡਰਾਈਵਰ 'ਤੇ 100 ਰੁਪਏ ਦਾ ਜੁਰਮਾਨਾ ਵੀ ਲੱਗੇਗਾ ਅਤੇ ਰਾਈਡਰ ਨੂੰ ਅਗਲੀ ਬੁਕਿੰਗ ਵਿੱਚ ਜੁਰਮਾਨੇ ਦੇ ਬਰਾਬਰ ਰਾਹਤ ਦਿੱਤੀ ਜਾਵੇਗੀ।