ਐਕਸਪ੍ਰੈੱਸਵੇ ’ਤੇ ਨੀਂਦ ’ਚ ਸਫ਼ਰ ਕਰ ਰਹੇ ਯਾਤਰੀਆਂ ’ਤੇ ਟੁੱਟਿਆ ਕਹਿਰ, ਟ੍ਰੇਲਰ ਨਾਲ ਟਕਰਾਈ ਦਿੱਲੀ-ਦਰਭੰਗਾ AC ਬੱਸ; ਚਾਰ ਦੀ ਮੌਤ

ਡਿਜੀਟਲ ਡੈਸਕ, ਪਟਨਾ : ਦਿੱਲੀ ਤੋਂ ਦਰਭੰਗਾ ਦਾ ਸਫ਼ਰ ਕਰ ਰਹੇ ਯਾਤਰੀ ਉਸ ਸਮੇਂ ਗਹਿਰੀ ਨੀਂਦ ’ਚ ਸਨ। ਸ਼ੁੱਕਰਵਾਰ ਤੜਕੇ ਕਰੀਬ ਪੰਜ ਵਜੇ ਗੋਰਖਪੁਰ ਲਿੰਕ ਐਕਸਪ੍ਰੈੱਸਵੇ ’ਤੇ ਅਚਾਨਕ ਜ਼ੋਰਦਾਰ ਟੱਕਰ ਦੀ ਆਵਾਜ਼ ਗੂੰਜੀ। ਅੰਬੇਡਕਰਨਗਰ ਦੇ ਜੈਤਪੁਰ ਥਾਣਾ ਖੇਤਰ ’ਚ ਅੰਬਰਪੁਰ ਟੋਲ ਪਲਾਜ਼ਾ ਨੇੜੇ AC ਸਲੀਪਰ ਬੱਸ ਅੱਗੇ ਜਾ ਰਹੇ ਵਾਹਨ ਨੂੰ ਓਵਰਟੇਕ ਕਰਦੇ ਸਮੇਂ ਟ੍ਰੇਲਰ ਨਾਲ ਟਕਰਾ ਗਈ। ਟੱਕਰ ਇੰਨੀ ਭਿਆਨਕ ਸੀ ਕਿ ਕਰੀਬ 40 ਫੁੱਟ ਲੰਬੀ ਬੱਸ ਦਾ ਖੱਬਾ ਹਿੱਸਾ ਬੁਰੀ ਤਰ੍ਹਾਂ ਨੁਕਸਾਨਿਆ ਗਿਆ। ਹਾਦਸੇ ’ਚ ਚਾਰ ਯਾਤਰੀਆਂ ਦੀ ਮੌਤ ਹੋ ਗਈ, ਜਦਕਿ ਤਿੰਨ ਲੋਕ ਗੰਭੀਰ ਰੂਪ ਨਾਲ ਜ਼ਖ਼ਮੀ ਹੋ ਗਏ।