ਰੂਹ ਕੰਬਾਊ ਵਾਰਦਾਤ : 11ਵੀਂ ਦੀ ਵਿਦਿਆਰਥਣ ਨਾਲ ਕਾਰ, ਟਰੇਨ ਤੇ ਹੋਟਲ 'ਚ ਦਰਿੰਦਗੀ; 8 ਮੁਲਜ਼ਮ ਗ੍ਰਿਫ਼ਤਾਰ

ਵਿੱਕੀ ਆਪਣੇ ਦੋਸਤ ਗਣੇਸ਼ ਨਾਲ ਉੱਥੇ ਪਹੁੰਚਿਆ ਅਤੇ ਜਬਰਦਸਤੀ ਨਸ਼ੀਲਾ ਪਦਾਰਥ ਖੁਆ ਦਿੱਤਾ। ਉਹ ਉਸ ਨੂੰ ਮੈਡਚਲ ਰੇਲਵੇ ਸਟੇਸ਼ਨ ਲੈ ਗਏ, ਜਿੱਥੋਂ ਉਹ ਮਲਕਜਗਿਰੀ ਲੈ ਗਏ ਅਤੇ ਰਸਤੇ ਵਿਚ ਸੈਕਸ ਸ਼ੋਸ਼ਣ ਕੀਤਾ। ਮਲਕਜਗਿਰੀ ਪਹੁੰਚਣ ਤੋਂ ਬਾਅਦ, ਉਹ ਆਟੋ ਵਿਚ ਸਵਾਰ ਹੋਏ। ਹਾਲਾਂਕਿ, ਉਹ ਭੱਜਣ ਵਿਚ ਸਫਲ ਰਹੀ ਅਤੇ ਆਪਣੇ ਘਰ ਪਹੁੰਚ ਗਈ। ਇਸ ਤੋਂ ਪਹਿਲਾਂ ਵੀ ਉਸ ਦਾ ਸੈਕਸ ਸ਼ੋਸ਼ਣ ਹੋ ਚੁੱਕਾ ਸੀ। ਮੁਲਜ਼ਮ ਲੜਕੀ ਨੂੰ ਜਾਣਦੇ ਸਨ। ਉਨ੍ਹਾਂ ਨੇ ਦੋ ਸਾਲਾਂ ਦੌਰਾਨ ਉਸ ਨੂੰ ਨਸ਼ੀਲਾ ਪਦਾਰਥ ਦੇ ਕੇ ਵੱਖ-ਵੱਖ ਸਮਿਆਂ ’ਤੇ ਸੈਕਸ ਸ਼ੋਸ਼ਣ ਕੀਤਾ। ਜਦੋਂ ਪੀੜਤਾ 10ਵੀਂ ਸ਼੍ਰੇਣੀ ਵਿਚ ਪੜ੍ਹਦੀ ਸੀ, ਤਾਂ ਉਹ ਮੁਲਜ਼ਮ ਜੇ. ਵਰੁਣ ਦੇ ਸੰਪਰਕ ਵਿਚ ਆਈ ਸੀ। ਕੁਝ ਮਹੀਨੇ ਪਹਿਲਾਂ, ਮੁਲਜ਼ਮ ਨੇ ਨਸ਼ੀਲਾ ਚਾਕਲੇਟ ਖੁਆ ਕੇ ਕਾਰ ਵਿਚ ਸੈਕਸ ਸ਼ੋਸ਼ਣ ਕੀਤਾ। ਇਕ ਹੋਰ ਨੌਜਵਾਨ ਰੋਮਾਲਾ ਵਰੁਣ, ਜਿਸ ਨੂੰ ਜੇ. ਵਰੁਣ ਨੇ ਮਿਲਵਾਇਆ ਸੀ, ਉਸ ਨੇ ਪੀੜਤਾ ਨੂੰ ਸਿਗਰਟ, ਸ਼ਰਾਬ ਅਤੇ ਗਾਂਜੇ ਦੀ ਆਦੀ ਬਣਾ ਕੇ ਸੈਕਸ ਸ਼ੋਸ਼ਣ ਕੀਤਾ। ਪੀੜਤ ਇੰਸਟਾਗ੍ਰਾਮ ਰਾਹੀਂ ਡੇਵਿਡ ਵਰੁਣ ਨਾਂ ਦੇ ਵਿਅਕਤੀ ਦੇ ਸੰਪਰਕ ਵਿਚ ਆਈ ਸੀ। ਉਸ ਨੇ ਸ਼ਰਾਬ ਪਿਲਾਈ ਅਤੇ ਬਦਸਲੂਕੀ ਕੀਤੀ।