ਭਿਆਨਕ ਸੜਕ ਹਾਦਸਾ: ਕਾਰ ’ਚ ਜ਼ਿੰਦਾ ਸੜੇ ਦੋ ਨੌਜਵਾਨ, ਡਿਵਾਈਡਰ ਨਾਲ ਟੱਕਰ ਤੋਂ ਬਾਅਦ ਲੱਗੀ ਅੱਗ; ਲਾਸ਼ਾਂ ਦੀ ਪਛਾਣ ਕਰਨੀ ਵੀ ਮੁਸ਼ਕਲ

ਜ਼ਿਲ੍ਹੇ ਦੇ ਡੇਰਾਪੁਰ ਦੇ ਮੁੰਗੀਸਾਪੁਰ ਨੇੜੇ ਐਤਵਾਰ ਦੇਰ ਰਾਤ ਇੱਕ ਹਾਦਸਾ ਵਾਪਰ ਗਿਆ। ਇੱਕ ਤੇਜ਼ ਰਫ਼ਤਾਰ ਕਾਰ ਡਿਵਾਈਡਰ ਨਾਲ ਟਕਰਾਈ ਅਤੇ ਉਸ ਨੂੰ ਅੱਗ ਲੱਗ ਗਈ। ਇਸ ਹਾਦਸੇ ’ਚ ਅੱਗ ਲੱਗਣ ਕਾਰਨ ਦੋ ਲੋਕਾਂ ਦੀ ਜਾਨ ਚਲੀ ਗਈ। ਪੁਲਿਸ ਨੇ ਦੱਸਿਆ ਕਿ ਕਾਫੀ ਮੁਸ਼ੱਕਤ ਤੋਂ ਬਾਅਦ ਮ੍ਰਿਤਕਾਂ ਦੀ ਪਛਾਣ ਹੋ ਸਕੀ ਹੈ।

ਤਾਤਿਆ ਟੋਪੇ ਨਗਰ (ਕਾਨਪੁਰ) ਦੇ ਰਹਿਣ ਵਾਲੇ 35 ਸਾਲਾ ਓਮ ਸ਼ੁਕਲਾ, ਉੱਥੋਂ ਦੇ ਹੀ ਮੇਹਰਬਾਨ ਸਿੰਘ ਕਾ ਪੁਰਵਾ (ਕਾਨਪੁਰ) ਦੇ ਰਹਿਣ ਵਾਲੇ ਗੁਰਪ੍ਰੀਤ ਨਾਲ ਫੋਕਸਵੈਗਨ ਵੈਂਟੋ ਕਾਰ ’ਚ ਦਿੱਲੀ ਆਟੋ ਪਾਰਟਸ ਦਾ ਸਾਮਾਨ ਲੈਣ ਗਏ ਸਨ। ਕਾਰ ਗੁਰਪ੍ਰੀਤ ਚਲਾ ਰਿਹਾ ਸੀ।

ਐਤਵਾਰ ਰਾਤ ਨੂੰ ਹੀ ਦੋਵੇਂ ਜਣੇ ਦਿੱਲੀ ਤੋਂ ਕਾਨਪੁਰ ਵਾਪਸ ਪਰਤ ਰਹੇ ਸਨ। ਵਾਪਸੀ ਵੇਲੇ ਦੇਰ ਰਾਤ ਕਰੀਬ ਇੱਕ ਵਜੇ ਜਦੋਂ ਉਹ ਭੜਪੁਰਾ ਮੋੜ ਨੇੜੇ ਪਹੁੰਚੇ ਤਾਂ ਉਸੇ ਵੇਲੇ ਕਾਰ ਬੇਕਾਬੂ ਹੋ ਗਈ ਅਤੇ ਤੇਜ਼ ਰਫ਼ਤਾਰ ’ਚ ਡਿਵਾਈਡਰ ਨਾਲ ਜਾ ਟਕਰਾਈ।

ਡਿਵਾਈਡਰ ਨਾਲ ਕਾਰ ਟਕਰਾਉਣ ਤੋਂ ਬਾਅਦ ਗੱਡੀ ਨੂੰ ਅੱਗ ਲੱਗ ਗਈ ਅਤੇ ਦੋਵੇਂ ਅੰਦਰ ਹੀ ਫਸ ਗਏ। ਆਸ-ਪਾਸ ਤੋਂ ਲੰਘ ਰਹੇ ਵਾਹਨ ਚਾਲਕ ਉੱਥੇ ਇਕੱਠੇ ਹੋ ਗਏ ਅਤੇ ਉਨ੍ਹਾਂ ਨੇ ਪੁਲਿਸ ਨੂੰ ਹਾਦਸੇ ਦੀ ਸੂਚਨਾ ਦਿੱਤੀ।

ਕਾਰ ਦੇ ਅੰਦਰ ਹੀ ਦੋਵੇਂ ਜ਼ਿੰਦਾ ਸੜ ਗਏ

ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਕਿਸੇ ਤਰ੍ਹਾਂ ਅੱਗ 'ਤੇ ਕਾਬੂ ਪਾਇਆ ਪਰ ਉਦੋਂ ਤੱਕ ਦੋਵਾਂ ਦੀ ਮੌਤ ਹੋ ਚੁੱਕੀ ਸੀ। ਦੋਵਾਂ ਦੀਆਂ ਲਾਸ਼ਾਂ ਬੁਰੀ ਤਰ੍ਹਾਂ ਸੜ ਜਾਣ ਕਾਰਨ ਉਨ੍ਹਾਂ ਦੀ ਪਛਾਣ ਨਹੀਂ ਹੋ ਸਕ ਰਹੀ ਸੀ।

ਪੁਲਿਸ ਦਾ ਕਹਿਣਾ ਹੈ ਕਿ ਕਾਫੀ ਜੱਦੋ-ਜਹਿਦ ਤੋਂ ਬਾਅਦ ਸੋਮਵਾਰ ਸਵੇਰੇ ਮ੍ਰਿਤਕਾਂ ਦੀ ਪਛਾਣ ਹੋ ਸਕੀ ਹੈ। ਪੁਲਿਸ ਨੇ ਖ਼ਦਸ਼ਾ ਪ੍ਰਗਟਾਇਆ ਹੈ ਕਿ ਇਹ ਹਾਦਸਾ ਡਰਾਈਵਰ ਨੂੰ ਨੀਂਦ ਦਾ ਝੋਕਾ ਆਉਣ ਕਾਰਨ ਵਾਪਰਿਆ ਹੋ ਸਕਦਾ ਹੈ। ਡੇਰਾਪੁਰ ਦੇ ਇੰਸਪੈਕਟਰ ਧੀਰੇਂਦਰ ਕੁਮਾਰ ਨੇ ਦੱਸਿਆ ਕਿ ਨੀਂਦ ਦੀ ਝਪਕੀ ਆਉਣ ਦਾ ਖ਼ਦਸ਼ਾ ਹੈ। ਮਾਮਲੇ ਵਿੱਚ ਅਗਲੇਰੀ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ।