- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਕੂਲ 'ਚ ਅਧਿਆਪਕ ਦਾ ਖ਼ੌਫ਼ਨਾਕ ਕਾਰਾ, ਮਾਮੂਲੀ ਗੱਲ 'ਤੇ ਮਾਸੂਮ ਵਿਦਿਆਰਥੀ ਦੀ ਕੀਤੀ ਬੇਰਹਮੀ ਨਾਲ ਕੁੱਟਮਾਰ; ਕਿਸੇ ਨੂੰ ਦੱਸਣ 'ਤੇ ਦਿੱਤੀ ਸਕੂਲੋਂ ਕੱਢਣ ਦੀ ਧਮਕੀ
ਕਰਨਾਟਕ ਦੇ ਮੈਸੂਰ 'ਚ ਇੱਕ ਅਧਿਆਪਕ ਵੱਲੋਂ 16 ਸਾਲਾ ਵਿਦਿਆਰਥੀ ਦੀ ਅੱਖ ’ਤੇ ਕਥਿਤ ਤੌਰ ’ਤੇ ਮੁੱਕਾ ਮਾਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੀੜਤ ਵਿਦਿਆਰਥੀ ਦੇ ਪਰਿਵਾਰ ਵੱਲੋਂ ਦਰਜ ਕਰਵਾਈ ਗਈ ਸ਼ਿਕਾਇਤ ਮੁਤਾਬਕ, ਅਧਿਆਪਕ ਦੇ ਇਸ ਹਮਲੇ ਕਾਰਨ ਵਿਦਿਆਰਥੀ ਦੀ ਅੱਖ 'ਚ ਖੂਨ ਦਾ ਥੱਕਾ ਜੰਮ ਗਿਆ।
Posted By Sunita
Publish Date: Tue, 08 Sep 2026 01:53 PM (IST)
Updated Date: Tue, 08 Sep 2026 01:54 PM (IST)
ਡਿਜੀਟਲ ਡੈਸਕ, ਬੈਂਗਲੁਰੂ - ਕਰਨਾਟਕ ਦੇ ਮੈਸੂਰ 'ਚ ਇੱਕ ਅਧਿਆਪਕ ਵੱਲੋਂ 16 ਸਾਲਾ ਵਿਦਿਆਰਥੀ ਦੀ ਅੱਖ ’ਤੇ ਕਥਿਤ ਤੌਰ ’ਤੇ ਮੁੱਕਾ ਮਾਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੀੜਤ ਵਿਦਿਆਰਥੀ ਦੇ ਪਰਿਵਾਰ ਵੱਲੋਂ ਦਰਜ ਕਰਵਾਈ ਗਈ ਸ਼ਿਕਾਇਤ ਮੁਤਾਬਕ, ਅਧਿਆਪਕ ਦੇ ਇਸ ਹਮਲੇ ਕਾਰਨ ਵਿਦਿਆਰਥੀ ਦੀ ਅੱਖ 'ਚ ਖੂਨ ਦਾ ਥੱਕਾ ਜੰਮ ਗਿਆ।
ਪੀੜਤ ਵਿਦਿਆਰਥੀ ਦੀ ਪਛਾਣ ਰੇਹਾਨ ਸ਼ਰੀਫ਼ ਵਜੋਂ ਹੋਈ ਹੈ। ਰਾਹਤ ਦੀ ਗੱਲ ਇਹ ਹੈ ਕਿ ਫਿਲਹਾਲ ਵਿਦਿਆਰਥੀ ਖ਼ਤਰੇ ਤੋਂ ਬਾਹਰ ਦੱਸਿਆ ਜਾ ਰਿਹਾ ਹੈ। ਪੁਲਿਸ ਕੋਲ ਦਰਜ ਸ਼ਿਕਾਇਤ ਮੁਤਾਬਕ, ਅਧਿਆਪਕ ਨੇ ਰੇਹਾਨ ਨਾਲ ਸਿਰਫ਼ ਕੁੱਟਮਾਰ ਹੀ ਨਹੀਂ ਕੀਤੀ, ਸਗੋਂ ਉਸਨੂੰ ਗੰਭੀਰ ਨਤੀਜੇ ਭੁਗਤਣ ਦੀ ਧਮਕੀ ਵੀ ਦਿੱਤੀ।
ਅਧਿਆਪਕ ਨੇ ਵਿਦਿਆਰਥੀ ਨੂੰ ਡਰਾਉਂਦੇ ਹੋਏ ਕਿਹਾ ਕਿ ਜੇਕਰ ਉਸਨੇ ਇਸ ਘਟਨਾ ਬਾਰੇ ਕਿਸੇ ਨੂੰ ਵੀ ਦੱਸਿਆ ਤਾਂ ਉਸਦਾ ਟ੍ਰਾਂਸਫਰ ਸਰਟੀਫਿਕੇਟ (TC) ਕੱਟ ਕੇ ਉਸਨੂੰ ਹਮੇਸ਼ਾ ਲਈ ਸਕੂਲ ਤੋਂ ਕੱਢ ਦਿੱਤਾ ਜਾਵੇਗਾ।
ਪਿਤਾ ਦੀ ਸ਼ਿਕਾਇਤ ’ਤੇ ਪੁਲਿਸ ਨੇ ਦਰਜ ਕੀਤਾ ਮਾਮਲਾ
ਆਪਣੇ ਪੁੱਤਰ ਨਾਲ ਹੋਈ ਕਥਿਤ ਕੁੱਟਮਾਰ ਅਤੇ ਬੇਰਹਿਮੀ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਰੇਹਾਨ ਦੇ ਪਿਤਾ ਵਸੀਮ ਸ਼ਰੀਫ਼ ਨੇ ਤੁਰੰਤ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ। ਉਨ੍ਹਾਂ ਨੇ ਦੋਸ਼ੀ ਅਧਿਆਪਕ ਖ਼ਿਲਾਫ਼ ਸਖ਼ਤ ਕਾਨੂੰਨੀ ਕਾਰਵਾਈ ਦੀ ਮੰਗ ਕੀਤੀ ਹੈ।
ਪਿਤਾ ਦੀ ਸ਼ਿਕਾਇਤ ਦੇ ਆਧਾਰ ’ਤੇ ਮੈਸੂਰ ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਦੋਸ਼ੀ ਅਧਿਆਪਕ ਖ਼ਿਲਾਫ਼ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਫਿਲਹਾਲ ਮਾਮਲੇ ਦੀ ਅਗਲੀ ਜਾਂਚ ਕੀਤੀ ਜਾ ਰਹੀ ਹੈ।