- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਰੂਹ ਕੰਬਾਊ ਘਟਨਾ : ਲਿਵ-ਇਨ 'ਚ ਰਹਿ ਰਹੇ 55 ਸਾਲਾ ਵਿਅਕਤੀ ਨੇ ਪਤਨੀ ਨੂੰ ਮਾਰੀ ਗੋਲੀ; ਗੁੱਸੇ 'ਚ ਆਏ ਪੁੱਤਰ ਨੇ ਪਿਤਾ ਨੂੰ ਉਤਾਰਿਆ ਮੌਤ ਦੇ ਘਾਟ
ਸੰਭਾਗ ਦੇ ਚਿਤੌੜਗੜ੍ਹ ਜ਼ਿਲ੍ਹੇ ਦੇ ਗੰਗਾਰਾਰ ਥਾਣਾ ਖੇਤਰ 'ਚ ਪਰਿਵਾਰਕ ਵਿਵਾਦ ਦੌਰਾਨ ਦੋਹਰੇ ਕਤਲੇਆਮ ਦੀ ਸਨਸਨੀਖੇਜ਼ ਘਟਨਾ ਸਾਹਮਣੇ ਆਈ ਹੈ। ਦੋ ਵਿਆਹ ਕਰਵਾ ਚੁੱਕਾ 55 ਸਾਲਾ ਵਿਅਕਤੀ ਦੂਜੀ ਪਤਨੀ ਨੂੰ ਗੋਲੀ ਮਾਰਨ ਤੋਂ ਬਾਅਦ ਆਪਣੇ ਹੀ ਪੁੱਤਰ ਦੇ ਹੱਥੋਂ ਮਾਰਿਆ ਗਿਆ। ਮਾਂ ਦੀ ਅੱਖਾਂ ਦੇ ਸਾਹਮਣੇ ਕਤਲ ਤੋਂ ਗੁੱਸੇ 'ਚ ਆਏ ਪੁੱਤਰ ਨੇ ਪਿਤਾ 'ਤੇ ਲਾਠੀ ਨਾਲ ਤਾਬੜਤੋੜ ਵਾਰ ਕਰ ਦਿੱਤੇ। ਬਚਾਅ ਕਰਨ ਪਹੁੰਚੀ ਪਿਤਾ ਦੀ ਲਿਵ-ਇਨ ਪਾਰਟਨਰ ਵੀ ਹਮਲੇ 'ਚ ਗੰਭੀਰ ਜ਼ਖ਼ਮੀ ਹੋ ਗਈ। ਇਹ ਘਟਨਾ ਸੋਮਵਾਰ ਰਾਤ ਕਰੀਬ 9 ਵਜੇ ਸੁਵਾਣੀਆਂ ਪਿੰਡ 'ਚ ਵਾਪਰੀ।
Posted By Sunita
Publish Date: Wed, 19 Aug 2026 01:45 PM (IST)
Updated Date: Wed, 19 Aug 2026 01:46 PM (IST)
ਜਾਗਰਣ ਪੱਤਰਕਾਰ, ਉਦੈਪੁਰ - ਸੰਭਾਗ ਦੇ ਚਿਤੌੜਗੜ੍ਹ ਜ਼ਿਲ੍ਹੇ ਦੇ ਗੰਗਾਰਾਰ ਥਾਣਾ ਖੇਤਰ 'ਚ ਪਰਿਵਾਰਕ ਵਿਵਾਦ ਦੌਰਾਨ ਦੋਹਰੇ ਕਤਲੇਆਮ ਦੀ ਸਨਸਨੀਖੇਜ਼ ਘਟਨਾ ਸਾਹਮਣੇ ਆਈ ਹੈ। ਦੋ ਵਿਆਹ ਕਰਵਾ ਚੁੱਕਾ 55 ਸਾਲਾ ਵਿਅਕਤੀ ਦੂਜੀ ਪਤਨੀ ਨੂੰ ਗੋਲੀ ਮਾਰਨ ਤੋਂ ਬਾਅਦ ਆਪਣੇ ਹੀ ਪੁੱਤਰ ਦੇ ਹੱਥੋਂ ਮਾਰਿਆ ਗਿਆ। ਮਾਂ ਦੀ ਅੱਖਾਂ ਦੇ ਸਾਹਮਣੇ ਕਤਲ ਤੋਂ ਗੁੱਸੇ 'ਚ ਆਏ ਪੁੱਤਰ ਨੇ ਪਿਤਾ 'ਤੇ ਲਾਠੀ ਨਾਲ ਤਾਬੜਤੋੜ ਵਾਰ ਕਰ ਦਿੱਤੇ। ਬਚਾਅ ਕਰਨ ਪਹੁੰਚੀ ਪਿਤਾ ਦੀ ਲਿਵ-ਇਨ ਪਾਰਟਨਰ ਵੀ ਹਮਲੇ 'ਚ ਗੰਭੀਰ ਜ਼ਖ਼ਮੀ ਹੋ ਗਈ। ਇਹ ਘਟਨਾ ਸੋਮਵਾਰ ਰਾਤ ਕਰੀਬ 9 ਵਜੇ ਸੁਵਾਣੀਆਂ ਪਿੰਡ 'ਚ ਵਾਪਰੀ।
ਪੁਲਿਸ ਅਨੁਸਾਰ ਭੈਰੂ ਸਿੰਘ ਜੀ ਕਾ ਖੇੜਾ ਨਿਵਾਸੀ ਭਗਵਾਨ ਲਾਲ ਦੇ ਦੋ ਵਿਆਹ ਹੋਏ ਸਨ। ਪਹਿਲੀ ਪਤਨੀ ਲਾਡੂ ਤੋਂ ਉਸ ਦੀਆਂ ਦੋ ਧੀਆਂ ਅਤੇ ਦੂਜੀ ਪਤਨੀ ਭੋਮਲੀ ਤੋਂ ਦੋ ਪੁੱਤਰ ਤੇ ਦੋ ਧੀਆਂ ਹਨ। ਪਿਛਲੇ ਕੁਝ ਸਮੇਂ ਤੋਂ ਭਗਵਾਨ ਲਾਲ ਦੋਵਾਂ ਪਤਨੀਆਂ ਤੋਂ ਵੱਖ ਸੁਵਾਣੀਆਂ 'ਚ 35 ਸਾਲਾ ਤਾਰਾ ਨਾਲ ਲਿਵ-ਇਨ 'ਚ ਰਹਿ ਰਿਹਾ ਸੀ। ਦੋਵੇਂ ਖੇਤ 'ਚ ਰਹਿੰਦੇ ਸਨ।
ਘਰ ਪਰਤਣ ਨੂੰ ਲੈ ਕੇ ਹੋਇਆ ਵਿਵਾਦ
ਸੋਮਵਾਰ ਰਾਤ ਪਰਿਵਾਰਕ ਮੈਂਬਰ ਖੇਤ ਪਹੁੰਚੇ ਅਤੇ ਭਗਵਾਨ ਲਾਲ ਨੂੰ ਘਰ ਪਰਤਣ ਲਈ ਕਿਹਾ। ਸ਼ੁਰੂਆਤ 'ਚ ਗੱਲਬਾਤ ਆਮ ਰਹੀ, ਪਰ ਕੁਝ ਦੇਰ ਬਾਅਦ ਵਿਵਾਦ ਵਧ ਗਿਆ ਅਤੇ ਗਾਲੀ-ਗਲੋਚ ਹੋਣ ਲੱਗੀ। ਇਸੇ ਦੌਰਾਨ ਭਗਵਾਨ ਲਾਲ ਨੇ ਆਪਣੀ ਦੂਜੀ ਪਤਨੀ ਭੋਮਲੀ 'ਤੇ ਕਥਿਤ ਤੌਰ 'ਤੇ ਗੋਲੀ ਚਲਾ ਦਿੱਤੀ। ਗੋਲੀ ਲੱਗਣ ਨਾਲ ਭੋਮਲੀ ਗੰਭੀਰ ਜ਼ਖ਼ਮੀ ਹੋ ਗਈ। ਪੁੱਤਰ ਅਨੁਲ ਅਤੇ ਹੋਰ ਪਰਿਵਾਰਕ ਮੈਂਬਰ ਉਸ ਨੂੰ ਹਸਪਤਾਲ ਲੈ ਕੇ ਰਵਾਨਾ ਹੋਏ, ਪਰ ਰਸਤੇ 'ਚ ਹੀ ਉਸਦੀ ਮੌਤ ਹੋ ਗਈ।
ਮਾਂ ਦੀ ਮੌਤ ਤੋਂ ਭੜਕਿਆ ਪੁੱਤਰ
ਮਾਂ ਦੀ ਮੌਤ ਤੋਂ ਗੁੱਸੇ 'ਚ ਆਏ 22 ਸਾਲਾ ਅਨਿਲ ਨੇ ਕੋਲ ਪਈ ਲਾਠੀ ਚੁੱਕ ਲਈ ਅਤੇ ਪਿਤਾ ਭਗਵਾਨ ਲਾਲ 'ਤੇ ਹਮਲਾ ਕਰ ਦਿੱਤਾ। ਉਸਨੇ ਲਾਠੀ ਨਾਲ ਕਈ ਵਾਰ ਕੀਤੇ, ਜਿਸ ਨਾਲ ਭਗਵਾਨ ਲਾਲ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਇਸੇ ਦੌਰਾਨ ਝਗੜਾ ਰੋਕਣ ਪਹੁੰਚੀ ਭਗਵਾਨ ਲਾਲ ਦੀ ਲਿਵ-ਇਨ ਪਾਰਟਨਰ ਤਾਰਾ 'ਤੇ ਵੀ ਅਨਿਲ ਨੇ ਲਾਠੀ ਨਾਲ ਹਮਲਾ ਕਰ ਦਿੱਤਾ। ਗੰਭੀਰ ਜ਼ਖ਼ਮੀ ਤਾਰਾ ਨੂੰ ਚਿਤੌੜਗੜ੍ਹ ਹਸਪਤਾਲ ਲਿਜਾਇਆ ਗਿਆ। ਮੁੱਢਲੇ ਇਲਾਜ ਤੋਂ ਬਾਅਦ ਹਾਲਤ ਗੰਭੀਰ ਹੋਣ 'ਤੇ ਉਸਨੂੰ ਉਦੈਪੁਰ ਰੈਫਰ ਕਰ ਦਿੱਤਾ ਗਿਆ, ਜਿੱਥੇ ਉਸਦਾ ਇਲਾਜ ਜਾਰੀ ਹੈ।
ਐੱਫ.ਐੱਸ.ਐੱਲ. ਨੇ ਜੁਟਾਏ ਸਬੂਤ, ਦੋ ਲੋਕ ਹਿਰਾਸਤ 'ਚ
ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਗੰਗਾਰਾਰ ਥਾਣਾ ਪੁਲਿਸ ਅਤੇ ਸੀਨੀਅਰ ਅਧਿਕਾਰੀ ਮੌਕੇ 'ਤੇ ਪਹੁੰਚੇ। ਪੁਲਿਸ ਨੇ ਘਟਨਾ ਸਥਾਨ ਦਾ ਜਾਇਜ਼ਾ ਲਿਆ ਅਤੇ ਐੱਫ.ਐੱਸ.ਐੱਲ. ਟੀਮ ਨੇ ਮੌਕੇ ਤੋਂ ਸਬੂਤ ਇਕੱਠੇ ਕੀਤੇ। ਦੋਵਾਂ ਦੀਆਂ لاਸ਼ਾਂ ਨੂੰ ਜ਼ਿਲ੍ਹਾ ਹਸਪਤਾਲ ਦੇ ਮੁਰਦਾਘਰ 'ਚ ਰਖਵਾਇਆ ਗਿਆ।
ਪਿੰਡ 'ਚ ਤਣਾਅ ਦੀ ਸਥਿਤੀ ਨੂੰ ਦੇਖਦਿਆਂ ਵਾਧੂ ਪੁਲਿਸ ਫ਼ੋਰਸ ਵੀ ਤਾਇਨਾਤ ਕਰ ਦਿੱਤੀ ਗਈ ਹੈ। ਪੁਲਿਸ ਨੇ ਦੋਸ਼ੀ ਪੁੱਤਰ ਅਨਿਲ ਅਤੇ ਭਗਵਾਨ ਲਾਲ ਦੀ ਪਹਿਲੀ ਪਤਨੀ ਲਾਡੂ ਨੂੰ ਹਿਰਾਸਤ 'ਚ ਲੈ ਕੇ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਪਰਿਵਾਰਕ ਵਿਵਾਦ ਅਤੇ ਰੰਜਸ਼ ਦੇ ਕੋਣ ਤੋਂ ਵੀ ਜਾਂਚ ਕਰ ਰਹੀ ਹੈ। ਗੰਗਾਰਾਰ ਡੀ.ਐੱਸ.ਪੀ. ਉਦੈ ਸਿੰਘ ਚੁੰਡਾਵਤ ਨੇ ਦੱਸਿਆ ਕਿ ਮੁੱਢਲੀ ਜਾਂਚ 'ਚ ਮਾਮਲਾ ਪਰਿਵਾਰਕ ਵਿਵਾਦ ਨਾਲ ਜੁੜਿਆ ਸਾਹਮਣੇ ਆਇਆ ਹੈ। ਪਰਿਵਾਰਕ ਮੈਂਬਰਾਂ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਪੁਲਿਸ ਇਹ ਵੀ ਜਾਂਚ ਕਰ ਰਹੀ ਹੈ ਕਿ ਵਿਵਾਦ ਅਚਾਨਕ ਹਿੰਸਕ ਹੋਇਆ ਜਾਂ ਇਸ ਦੇ ਪਿੱਛੇ ਪਹਿਲਾਂ ਤੋਂ ਕੋਈ ਰੰਜਸ਼ ਚੱਲ ਰਹੀ ਸੀ।