ਸਮੈਕ ਦੇ ਧੰਦੇ ’ਤੇ ਟੋਕਿਆ ਤਾਂ ਸਕੇ ਭਰਾ ਨੇ ਚਲਾ ਦਿੱਤੀਆਂ ਗੋਲੀਆਂ, ਪੇਟ ’ਚ ਫਸੀਆਂ 2 ਗੋਲੀਆਂ; 11 ਸਾਲ ਜੇਲ੍ਹ ਕੱਟ ਚੁੱਕਾ ਹੈ ਮੁਲਜ਼ਮ

ਘਟਨਾ ਸਬੰਧੀ ਮੁਲਜ਼ਮ ਭਰਾਵਾਂ ਦੀ ਮਾਂ ਰੀਕਾ ਦੇਵੀ ਨੇ ਹੈਰਾਨ ਕਰਨ ਵਾਲਾ ਖ਼ੁਲਾਸਾ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਵੱਡਾ ਪੁੱਤਰ ਪੱਪੂ ਯਾਦਵ ਸਮੈਕ ਦੀ ਤਸਕਰੀ ਤੇ ਨਸ਼ਿਆਂ ਦੇ ਨਾਜਾਇਜ਼ ਕਾਰੋਬਾਰ ’ਚ ਸ਼ਾਮਲ ਸੀ, ਜਿਸ ਦਾ ਛੋਟਾ ਭਰਾ ਵਿਪਿਨ ਸਖ਼ਤ ਵਿਰੋਧ ਕਰਦਾ ਸੀ। ਇਸੇ ਗੱਲ ਨੂੰ ਲੈ ਕੇ ਦੋਵਾਂ ਭਰਾਵਾਂ ਵਿਚਕਾਰ ਲੰਬੇ ਸਮੇਂ ਤੋਂ ਤਣਾਅ ਚੱਲ ਰਿਹਾ ਸੀ। ਬੁੱਧਵਾਰ ਸਵੇਰੇ ਵੀ ਮੁਲਜ਼ਮ ਨੇ ਗੋਲੀ ਚਲਾਈ ਸੀ, ਪਰ ਖ਼ੁਸ਼ਕਿਸਮਤੀ ਨਾਲ ਉਸ ਸਮੇਂ ਕਿਸੇ ਨੂੰ ਗੋਲੀ ਨਹੀਂ ਲੱਗੀ। ਇਸ ਤੋਂ ਬਾਅਦ ਪੂਰਾ ਦਿਨ ਤਿੰਨਾਂ ਭਰਾਵਾਂ ਵਿਚਕਾਰ ਰੁਕ-ਰੁਕ ਕੇ ਕੁੱਟਮਾਰ ਹੁੰਦੀ ਰਹੀ। ਰਾਤ ਹੋਣ ਤੱਕ ਗੁੱਸੇ ’ਚ ਆ ਕੇ ਵੱਡੇ ਭਰਾ ਨੇ ਛੋਟੇ ਭਰਾ ’ਤੇ ਜਾਨਲੇਵਾ ਹਮਲਾ ਕਰ ਦਿੱਤਾ।