- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸ਼ਰਾਬ ਦੇ ਬਣਨ ਤੋਂ ਲੈ ਕੇ ਵਿਕਰੀ ਤੱਕ ਹਰ ਬੋਤਲ 'ਤੇ ਹਰਿਆਣਾ ਸਰਕਾਰ ਦੀ ਨਜ਼ਰ, QR ਕੋਡ ਨਾਲ 'ਟਰੈਕ ਐਂਡ ਟਰੇਸ' ਕਰਨਾ ਹੋਵੇਗਾ ਆਸਾਨ
ਹਰਿਆਣਾ 'ਚ ਹੁਣ ਸ਼ਰਾਬ ਦੇ ਬਣਨ ਤੋਂ ਲੈ ਕੇ ਥੋਕ ਅਤੇ ਪ੍ਰਚੂਨ ਵਿਕਰੀ ਤੱਕ ਹਰ ਬੋਤਲ 'ਤੇ ਸਰਕਾਰ ਦੀ ਨਜ਼ਰ ਰਹੇਗੀ। ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਸ਼ਨੀਵਾਰ ਨੂੰ ਕਿਊਆਰ (QR) ਕੋਡ ਅਧਾਰਤ 'ਟਰੈਕ ਐਂਡ ਟਰੇਸ' ਪ੍ਰਣਾਲੀ ਅਤੇ ਅੱਠ ਆਨਲਾਈਨ ਆਬਕਾਰੀ ਸੇਵਾਵਾਂ ਦੀ ਸ਼ੁਰੂਆਤ ਕਰ ਦਿੱਤੀ ਹੈ। ਇਸ ਦੌਰਾਨ ਵਿਜ਼ਨ-2047, ਸੀਐਮ-ਅਨਾਊਂਸਮੈਂਟ ਅਤੇ ਸੰਕਲਪ ਪੱਤਰ ਦੇ ਐਲਾਨਾਂ ਦੀ ਵੀ ਸਮੀਖਿਆ ਕੀਤੀ ਗਈ।
Posted By Sunita
Publish Date: Sun, 12 Jul 2026 08:41 AM (IST)
Updated Date: Sun, 12 Jul 2026 08:42 AM (IST)
ਰਾਜ ਬਿਊਰੋ, ਚੰਡੀਗੜ੍ਹ - ਹਰਿਆਣਾ 'ਚ ਹੁਣ ਸ਼ਰਾਬ ਦੇ ਬਣਨ ਤੋਂ ਲੈ ਕੇ ਥੋਕ ਅਤੇ ਪ੍ਰਚੂਨ ਵਿਕਰੀ ਤੱਕ ਹਰ ਬੋਤਲ 'ਤੇ ਸਰਕਾਰ ਦੀ ਨਜ਼ਰ ਰਹੇਗੀ। ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਸ਼ਨੀਵਾਰ ਨੂੰ ਕਿਊਆਰ (QR) ਕੋਡ ਅਧਾਰਤ 'ਟਰੈਕ ਐਂਡ ਟਰੇਸ' ਪ੍ਰਣਾਲੀ ਅਤੇ ਅੱਠ ਆਨਲਾਈਨ ਆਬਕਾਰੀ ਸੇਵਾਵਾਂ ਦੀ ਸ਼ੁਰੂਆਤ ਕਰ ਦਿੱਤੀ ਹੈ। ਇਸ ਦੌਰਾਨ ਵਿਜ਼ਨ-2047, ਸੀਐਮ-ਅਨਾਊਂਸਮੈਂਟ ਅਤੇ ਸੰਕਲਪ ਪੱਤਰ ਦੇ ਐਲਾਨਾਂ ਦੀ ਵੀ ਸਮੀਖਿਆ ਕੀਤੀ ਗਈ।
ਮੁੱਖ ਮੰਤਰੀ ਨੇ ਕਿਹਾ ਕਿ ਕਿਊਆਰ ਕੋਡ ਅਧਾਰਤ 'ਟਰੈਕ ਐਂਡ ਟਰੇਸ' ਪ੍ਰਣਾਲੀ ਆਬਕਾਰੀ ਨਿਯਮਾਂ ਦੀ ਪਾਲਣਾ ਨੂੰ ਯਕੀਨੀ ਬਣਾਉਣ ਅਤੇ ਗੈਰ-ਕਾਨੂੰਨੀ ਸ਼ਰਾਬ ਦੇ ਪਸਾਰ 'ਤੇ ਰੋਕ ਲਗਾਉਣ 'ਚ ਸਹਾਇਕ ਹੋਵੇਗੀ। ਇਸ ਤੋਂ ਇਲਾਵਾ ਟੈਕਸ ਚੋਰੀ ਵੀ ਰੁਕੇਗੀ। ਸਮਾਜਿਕ ਅਤੇ ਜਨਤਕ ਸਮਾਗਮਾਂ ਜਿਵੇਂ ਕਿ ਪ੍ਰੋਗਰਾਮਾਂ, ਸੰਗੀਤਕ ਸਮਾਗਮਾਂ ਅਤੇ ਪ੍ਰਦਰਸ਼ਨੀਆਂ 'ਚ ਸ਼ਰਾਬ ਪਰੋਸਣ ਲਈ ਹੁਣ ਆਨਲਾਈਨ ਲਾਇਸੈਂਸ ਲਿਆ ਜਾ ਸਕੇਗਾ।
ਮੈਰਿਜ ਪੈਲੇਸ ਅਤੇ ਬੈਂਕੁਇਟ ਹਾਲਾਂ ਦੀ ਸਾਲਾਨਾ ਰਜਿਸਟ੍ਰੇਸ਼ਨ, ਵਿਕ੍ਰਿਤ ਸਪਿਰਿਟ ਆਊਟਲੈੱਟ ਲਾਇਸੈਂਸ (L-17), ਉਦਯੋਗਿਕ ਅਤੇ ਔਸ਼ਧੀ ਸਪਿਰਿਟ ਕਬਜ਼ਾ ਪਰਮਿਟ (L-42A ਤੋਂ L-42D) ਅਤੇ ਪ੍ਰਚੂਨ ਸ਼ਰਾਬ ਦੀਆਂ ਦੁਕਾਨਾਂ ਦੇ ਸਮੇਂ ਨੂੰ ਵਧਾਉਣ ਦੀ ਮਨਜ਼ੂਰੀ ਲਈ ਵੀ ਆਨਲਾਈਨ ਸੇਵਾਵਾਂ ਸ਼ੁਰੂ ਕੀਤੀਆਂ ਗਈਆਂ ਹਨ।
ਤੈਅ ਸਮਾਂ-ਸੀਮਾ ਦੇ ਅੰਦਰ ਪੋਰਟਲ ਰਾਹੀਂ ਮਨਜ਼ੂਰੀ
ਸੱਤ ਕਾਰਜਕਾਰੀ ਦਿਨਾਂ ਦੀ ਤੈਅ ਸਮਾਂ-ਸੀਮਾ ਦੇ ਅੰਦਰ ਪੋਰਟਲ ਦੇ ਮਾਧਿਅਮ ਰਾਹੀਂ ਮਨਜ਼ੂਰੀ ਦਿੱਤੀ ਜਾਵੇਗੀ। ਮੁੱਖ ਮੰਤਰੀ ਨੇ ਕਿਹਾ ਕਿ ਆਟੋਮੈਟਿਕ ਪ੍ਰੋਸੈਸਿੰਗ (ਸਵੈਚਾਲਿਤ ਪ੍ਰਕਿਰਿਆ) ਦੇ ਕਾਰਨ ਹਰ ਕਦਮ 'ਤੇ ਮਨੁੱਖੀ ਦਖ਼ਲਅੰਦਾਜ਼ੀ ਘੱਟ ਹੋਵੇਗੀ। ਇਸ ਨਾਲ ਪੂਰੀ ਪ੍ਰਕਿਰਿਆ ਬੈਂਕੁਇਟ ਹਾਲ ਸੰਚਾਲਕਾਂ, ਉਦਯੋਗਿਕ ਅਤੇ ਔਸ਼ਧੀ ਸਪਿਰਿਟ ਵਰਤੋਂਕਾਰਾਂ, ਵਿਕ੍ਰਿਤ ਸਪਿਰਿਟ ਵਿਕਰੇਤਾਵਾਂ ਅਤੇ ਪ੍ਰਚੂਨ ਲਾਇਸੈਂਸਧਾਰਕਾਂ ਲਈ ਤੇਜ਼, ਵਧੇਰੇ ਪਾਰਦਰਸ਼ੀ ਅਤੇ ਸੁਵਿਧਾਜਨਕ ਹੋ ਜਾਵੇਗੀ।
ਉਨ੍ਹਾਂ ਨੇ ਨਵੀਂ ਪ੍ਰਣਾਲੀ ਨੂੰ ਪੂਰੇ ਰਾਜ 'ਚ ਪ੍ਰਭਾਵਸ਼ਾਲੀ ਢੰਗ ਨਾਲ ਲਾਗੂ ਕਰਨ ਦੇ ਨਿਰਦੇਸ਼ ਦਿੱਤੇ। ਪ੍ਰੋਗਰਾਮ ਦੌਰਾਨ ਮੁੱਖ ਮੰਤਰੀ ਨੇ ਟੈਕਸ ਦਾਤਾਵਾਂ ਨੂੰ 1 ਜੂਨ ਤੋਂ ਵੈਟ, ਸੀਐਸਟੀ, ਹਰਿਆਣਾ ਜਨਰਲ ਸੇਲਜ਼ ਟੈਕਸ ਐਕਟ ਵਰਗੇ ਪ੍ਰੀ-ਜੀਐਸਟੀ ਟੈਕਸ ਕਾਨੂੰਨਾਂ ਲਈ ਸ਼ੁਰੂ ਕੀਤੀ ਗਈ ਇਕਮੁਸ਼ਤ ਨਿਪਟਾਰਾ ਯੋਜਨਾ ਦਾ ਲਾਭ ਉਠਾਉਣ ਦੀ ਵੀ ਅਪੀਲ ਕੀਤੀ। ਇਸ ਯੋਜਨਾ 'ਚ ਸਾਰੇ ਟੈਕਸ ਦਾਤਾਵਾਂ ਲਈ 100 ਫੀਸਦੀ ਜੁਰਮਾਨਾ ਅਤੇ ਵਿਆਜ ਮੁਆਫ਼ ਕਰ ਦਿੱਤਾ ਗਿਆ ਹੈ। ਵੱਖ-ਵੱਖ ਸਲੈਬਾਂ 'ਚ ਦੇਣਯੋਗ ਟੈਕਸ 'ਚ ਭਾਰੀ ਛੋਟ ਵੀ ਦਿੱਤੀ ਗਈ ਹੈ।
ਜੀਐਸਟੀ ਉਗਰਾਹੀ 'ਚ ਸ਼ਾਨਦਾਰ ਪ੍ਰਦਰਸ਼ਨ
ਹਰਿਆਣਾ ਪਿਛਲੇ ਕਈ ਸਾਲਾਂ ਤੋਂ SGST ਉਗਰਾਹੀ 'ਚ ਸ਼ਾਨਦਾਰ ਵਾਧਾ ਦਰਜ ਕਰ ਰਿਆ ਹੈ। ਸਾਲ 2026-27 ਦੀ ਪਹਿਲੀ ਤਿਮਾਹੀ 'ਚ ਹਰਿਆਣਾ ਦੀ ਐਸਜੀਐਸਟੀ ਉਗਰਾਹੀ 32 ਫੀਸਦੀ ਵਧੀ ਹੈ, ਜੋ ਦੇਸ਼ ਦੇ ਸਾਰੇ ਰਾਜਾਂ 'ਚੋਂ ਸਭ ਤੋਂ ਵੱਧ ਹੈ। ਇਸ ਤੋਂ ਇਲਾਵਾ ਹਰਿਆਣਾ ਨੇ ਸਾਲ 2025-26 'ਚ ਵੀ 22 ਫੀਸਦੀ ਦੀ ਵਿਕਾਸ ਦਰ ਨਾਲ ਦੇਸ਼ ਦੇ ਸਾਰੇ ਰਾਜਾਂ 'ਚੋਂ ਸਭ ਤੋਂ ਵੱਧ ਐਸਜੀਐਸਟੀ ਵਿਕਾਸ ਦਰ ਦਰਜ ਕੀਤੀ ਸੀ।