ਰੌਂਗਟੇ ਖੜ੍ਹੇ ਕਰਨ ਵਾਲਾ ਹਾਦਸਾ : ਘਰ ਬਾਹਰ ਖੇਡ ਰਹੀ ਬੱਚੀ ਉੱਪਰੋਂ ਲੰਘਿਆ ਸਕੂਲ ਬੱਸ ਦਾ ਪਹੀਆ, ਡੇਢ ਸਾਲ ਮਾਸੂਮ ਦੀ ਮੌਕੇ 'ਤੇ ਹੀ ਮੌਤ

ਗੱਡੀ ਦਾ ਪਹੀਆ ਬੱਚੀ ਦੇ ਉੱਪਰੋਂ ਲੰਘ ਗਿਆ, ਜਿਸ ਨਾਲ ਉਸਨੂੰ ਗੰਭੀਰ ਸੱਟਾਂ ਲੱਗੀਆਂ ਅਤੇ ਮੌਕੇ 'ਤੇ ਹੀ ਮੌਤ ਹੋ ਗਈ। ਪੁਲਿਸ ਨੇ 42 ਸਾਲਾ ਡਰਾਈਵਰ ਸਿੱਧਾਰਾਜੂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ।

Posted By alisha

Publish Date: Tue, 29 Sep 2026 12:37 PM (IST)

Updated Date: Tue, 29 Sep 2026 12:46 PM (IST)

ਰੌਂਗਟੇ ਖੜ੍ਹੇ ਕਰਨ ਵਾਲਾ ਹਾਦਸਾ : ਘਰ ਬਾਹਰ ਖੇਡ ਰਹੀ ਬੱਚੀ ਉੱਪਰੋਂ ਲੰਘਿਆ ਸਕੂਲ ਬੱਸ ਦਾ ਪਹੀਆ, ਡੇਢ ਸਾਲ ਮਾਸੂਮ ਦੀ ਮੌਕੇ 'ਤੇ ਹੀ ਮੌਤ

ਡਿਜੀਟਲ ਡੈਸਕ, ਬੈਂਗਲੁਰੂ : ਕਰਨਾਟਕ ਦੇ ਮੈਸੂਰ ਜ਼ਿਲ੍ਹੇ ਵਿੱਚ ਵਾਪਰੇ ਇੱਕ ਦਰਦਨਾਕ ਸੜਕ ਹਾਦਸੇ ਦੌਰਾਨ ਸਕੂਲ ਦੀ ਗੱਡੀ ਹੇਠ ਆਉਣ ਨਾਲ 19 ਮਹੀਨਿਆਂ ਦੀ ਬੱਚੀ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਇਹ ਘਟਨਾ ਉਦੋਂ ਵਾਪਰੀ ਜਦੋਂ ਸ਼ਾਸਤਰੀ ਪਬਲਿਕ ਸਕੂਲ ਦੀ ਇੱਕ ਗੱਡੀ ਚਾਰ ਸਾਲਾ ਬੱਚੇ ਨੂੰ ਉਸਦੇ ਘਰ ਛੱਡਣ ਲਈ ਪਹੁੰਚੀ।

ਜਦੋਂ ਬੱਚੇ ਦੀ ਮਾਂ ਉਸਨੂੰ ਗੱਡੀ ਤੋਂ ਹੇਠਾਂ ਉਤਰਨ ਵਿੱਚ ਮਦਦ ਕਰ ਰਹੀ ਸੀ ਤਾਂ ਗੱਡੀ ਅਚਾਨਕ ਅੱਗੇ ਵਧ ਗਈ। ਇਸ ਦੌਰਾਨ ਨੇੜੇ ਖੜ੍ਹੀ 19 ਮਹੀਨਿਆਂ ਦੀ ਬੱਚੀ ਲਤਿਕਸ਼ਾ ਗੱਡੀ ਦੀ ਲਪੇਟ ਵਿੱਚ ਆ ਗਈ।

ਮੌਕੇ 'ਤੇ ਹੀ ਮੌਤ

ਬੱਚੀ ਦੇ ਪਰਿਵਾਰ ਦਾ ਦੋਸ਼ ਹੈ ਕਿ ਇਹ ਹਾਦਸਾ ਡਰਾਈਵਰ ਦੀ ਲਾਪਰਵਾਹੀ ਅਤੇ ਤੇਜ਼ ਰਫ਼ਤਾਰ ਕਾਰਨ ਵਾਪਰਿਆ ਹੈ। ਉਨ੍ਹਾਂ ਨੇ ਦੋਸ਼ੀ ਡਰਾਈਵਰ ਖ਼ਿਲਾਫ਼ ਸਖ਼ਤ ਕਾਨੂੰਨੀ ਕਾਰਵਾਈ ਦੀ ਮੰਗ ਕੀਤੀ ਹੈ।

ਹਾਦਸੇ ਤੋਂ ਬਾਅਦ ਬੱਚੀ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਹੁਨਸੁਰ ਸਰਕਾਰੀ ਹਸਪਤਾਲ ਲਿਜਾਇਆ ਗਿਆ। ਪੁਲਿਸ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਡਰਾਈਵਰ ਦੀ ਲਾਪਰਵਾਹੀ ਦੀ ਪੂਰੀ ਜਾਂਚ ਤੋਂ ਬਾਅਦ ਅਗਲੀ ਕਾਰਵਾਈ ਕੀਤੀ ਜਾਵੇਗੀ।