- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
GST ਧੋਖਾਧੜੀ: 42 ਫਰਮਾਂ ਨੇ ਕੀਤਾ 330 ਕਰੋੜ ਰੁਪਏ ਦਾ ਇਨਪੁਟ ਟੈਕਸ ਕ੍ਰੈਡਿਟ ਘੋਟਾਲਾ, 33 ਮਾਮਲੇ ਦਰਜ
ਰਾਜ ਵਸਤੂ ਤੇ ਸੇਵਾ ਕਰ (SGST) ਵਿਭਾਗ ਨੇ ਆਗਰਾ ’ਚ 42 ਫਰਜ਼ੀ ਫਰਮਾਂ ਦਾ ਖੁਲਾਸਾ ਕੀਤਾ ਹੈ। ਇਨ੍ਹਾਂ ਫਰਮਾਂ ਨੇ ਕਾਗਜ਼ਾਂ ’ਤੇ 330 ਕਰੋੜ ਰੁਪਏ ਦਾ ਇਨਪੁਟ ਟੈਕਸ ਕ੍ਰੈਡਿਟ (ITC) ਪਾਸ ਆਨ ਕਰਕੇ ਸਰਕਾਰ ਨੂੰ ਰਾਜਸਵ ਦਾ ਨੁਕਸਾਨ ਪਹੁੰਚਾਇਆ।
Posted By Paramjit Kaur
Publish Date: Wed, 07 Oct 2026 10:57 AM (IST)
Updated Date: Wed, 07 Oct 2026 11:01 AM (IST)
ਜਾਗਰਣ ਸੰਵਾਦਦਾਤਾ, ਆਗਰਾ। ਵਸਤੂ ਤੇ ਸੇਵਾ ਕਰ (GST) ’ਚ ਫਰਜ਼ੀ ਫਰਮਾਂ ਵੱਲੋਂ ਇਨਪੁਟ ਟੈਕਸ ਕ੍ਰੈਡਿਟ (ITC) ਪਾਸ ਆਨ ਕਰਕੇ ਸਰਕਾਰ ਨੂੰ ਕਰੋੜਾਂ ਰੁਪਏ ਦੇ ਰਾਜਸਵ ਦਾ ਨੁਕਸਾਨ ਪਹੁੰਚਾਉਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਰਾਜ ਵਸਤੂ ਤੇ ਸੇਵਾ ਕਰ ਵਿਭਾਗ ਨੇ ਇੱਕ ਸਾਲ ’ਚ 42 ਫਰਜ਼ੀ ਫਰਮਾਂ ਨੂੰ ਫੜਿਆ ਹੈ, ਜਿਨ੍ਹਾਂ ਖ਼ਿਲਾਫ਼ 33 ਮਾਮਲੇ ਦਰਜ ਕਰਵਾਏ ਗਏ ਹਨ। ਇਨ੍ਹਾਂ ਵਿੱਚੋਂ 33 ਫਰਮਾਂ ਕੇਂਦਰੀ ਵਸਤੂ ਤੇ ਸੇਵਾ ਕਰ (CGST) ਤੇ 9 ਫਰਮਾਂ ਰਾਜ ਵਸਤੂ ਤੇ ਸੇਵਾ ਕਰ (SGST) ’ਚ ਰਜਿਸਟਰਡ ਸਨ।
ਵਿਭਾਗ ਨੇ GST ਐਕਟ ਦੇ ਤਹਿਤ ਕਾਰਵਾਈ ਕਰਦਿਆਂ ਇਨ੍ਹਾਂ ਫਰਮਾਂ ’ਤੇ 368 ਕਰੋੜ ਰੁਪਏ ਦੀ ਬਕਾਇਆ ਰਕਮ ਨਿਰਧਾਰਤ ਕੀਤੀ ਹੈ। ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਰਾਜ ਵਸਤੂ ਤੇ ਸੇਵਾ ਕਰ ਵਿਭਾਗ ਨੇ ਇੱਕ ਸਾਲ ’ਚ ਦਰਜ ਕਰਵਾਏ 33 ਮਾਮਲੇ
ਵਿਭਾਗ ਵੱਲੋਂ ਰਿਟਰਨਾਂ ਦੀ ਜਾਂਚ ਦੇ ਆਧਾਰ ’ਤੇ ਫੜੀਆਂ ਗਈਆਂ ਫਰਜ਼ੀ ਫਰਮਾਂ ਨੇ ਕਾਗਜ਼ਾਂ ’ਤੇ ਖਰੀਦ ਦਿਖਾ ਕੇ 330 ਕਰੋੜ ਰੁਪਏ ਦਾ ਇਨਪੁਟ ਟੈਕਸ ਕ੍ਰੈਡਿਟ (ITC) ਪਾਸ ਆਨ ਕੀਤਾ ਸੀ। ਅਸਲ ’ਚ ਕੋਈ ਖਰੀਦ ਨਹੀਂ ਕੀਤੀ ਗਈ ਸੀ।
ਇਨ੍ਹਾਂ ’ਚ SGST ’ਚ ਰਜਿਸਟਰਡ ਫਰਮਾਂ ਨੇ 112 ਕਰੋੜ ਰੁਪਏ ਤੇ CGST ’ਚ ਰਜਿਸਟਰਡ ਫਰਮਾਂ ਨੇ 218 ਕਰੋੜ ਰੁਪਏ ਦਾ ITC ਪਾਸ ਆਨ ਕੀਤਾ ਸੀ। ਜਾਣਕਾਰੀ ਮਿਲਣ ਤੋਂ ਬਾਅਦ ਵਿਭਾਗ ਨੇ 16.64 ਕਰੋੜ ਰੁਪਏ ਦਾ ITC ਬਲਾਕ ਵੀ ਕਰਵਾਇਆ। ਇਸ ’ਚ SGST ’ਚ ਰਜਿਸਟਰਡ ਫਰਮਾਂ ਦਾ 12 ਕਰੋੜ ਰੁਪਏ ਤੇ CGST ’ਚ ਰਜਿਸਟਰਡ ਫਰਮਾਂ ਦਾ 4.64 ਕਰੋੜ ਰੁਪਏ ਦਾ ITC ਬਲਾਕ ਕੀਤਾ ਗਿਆ। ਵਿਭਾਗ ਨੇ ਇਸ ਮਿਆਦ ਦੌਰਾਨ 7.7 ਕਰੋੜ ਰੁਪਏ ਦੀ ਰਿਕਵਰੀ ਵੀ ਕੀਤੀ।
GST ਐਕਟ ਦੇ ਤਹਿਤ ਫਰਜ਼ੀ ਫਰਮਾਂ ’ਤੇ 361 ਕਰੋੜ ਰੁਪਏ ਦੀ ਬਕਾਇਆ ਰਕਮ
SGST ’ਚ ਰਜਿਸਟਰਡ ਫਰਮਾਂ ਤੋਂ 6.5 ਕਰੋੜ ਰੁਪਏ ਤੇ CGST ’ਚ ਰਜਿਸਟਰਡ ਫਰਮਾਂ ਤੋਂ 1.1 ਕਰੋੜ ਰੁਪਏ ਦੀ ਰਿਕਵਰੀ ਕੀਤੀ ਗਈ। ਵਿਭਾਗ ਨੇ GST ਐਕਟ ਦੇ ਤਹਿਤ ਕਾਰਵਾਈ ਕਰਦਿਆਂ ਫਰਮਾਂ ’ਤੇ 361 ਕਰੋੜ ਰੁਪਏ ਦੀ ਬਕਾਇਆ ਰਕਮ ਨਿਰਧਾਰਤ ਕੀਤੀ ਹੈ। ਇਸ ’ਚ SGST ਨਾਲ ਰਜਿਸਟਰਡ ਫਰਮਾਂ ’ਤੇ 168 ਕਰੋੜ ਰੁਪਏ ਤੇ CGST ’ਚ ਰਜਿਸਟਰਡ ਫਰਮਾਂ ’ਤੇ 193 ਕਰੋੜ ਰੁਪਏ ਦੀ ਬਕਾਇਆ ਰਕਮ ਹੈ।
ਅਪਰ ਕਮਿਸ਼ਨਰ ਗ੍ਰੇਡ-1 ਪੰਕਜ ਗਾਂਧੀ ਨੇ ਦੱਸਿਆ ਕਿ ਫਰਮਾਂ ਖ਼ਿਲਾਫ਼ ਕਾਰਵਾਈ ਲਗਾਤਾਰ ਜਾਰੀ ਹੈ। ਜ਼ਿਆਦਾਤਰ ਫਰਮਾਂ CGST ’ਚ ਰਜਿਸਟਰਡ ਸਨ। ਪੁਲਿਸ ਨੇ ਸੱਤ ਮਾਮਲਿਆਂ ’ਚ ਗ੍ਰਿਫ਼ਤਾਰੀਆਂ ਵੀ ਕੀਤੀਆਂ ਹਨ।