- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਰਕਾਰੀ ਸਕੂਲਾਂ 'ਚ ਬੱਚਿਆਂ ਦੀ ਬੱਲੇ-ਬੱਲੇ: ਮਿਡ-ਡੇ ਮੀਲ 'ਚ ਸ਼ਾਮਲ ਹੋਵੇਗਾ ਨਵਾਂ ਪੌਸ਼ਟਿਕ ਵਿਕਲਪ, ਪ੍ਰੋਟੀਨ ਨਾਲ ਭਰਪੂਰ ਖੁਰਾਕ ਦੇਣ ਦੀ ਤਿਆਰੀ
ਕੇਂਦਰ ਸ਼ਾਸਿਤ ਪ੍ਰਦੇਸ਼ ਪੁਡੂਚੇਰੀ ਦੇ ਸਰਕਾਰੀ ਸਕੂਲਾਂ 'ਚ ਪੜ੍ਹਨ ਵਾਲੇ ਬੱਚਿਆਂ ਲਈ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਪੁਡੂਚੇਰੀ ਪ੍ਰਸ਼ਾਸਨ ਨੇ ਸਰਕਾਰੀ ਸਕੂਲਾਂ 'ਚ ਮਿਲਣ ਵਾਲੇ ਮਿਡ-ਡੇ ਮੀਲ ਦੀ ਥਾਲੀ 'ਚ ਮੱਛੀ ਤੋਂ ਬਣੇ ਪਕਵਾਨ ਸ਼ਾਮਲ ਕਰਨ ਦਾ ਪ੍ਰਸਤਾਵ ਰੱਖਿਆ ਹੈ। ਪੁਡੂਚੇਰੀ 'ਚ ਸਾਲ 1930 'ਚ ਫਰਾਂਸੀਸੀ ਸ਼ਾਸਨ ਦੌਰਾਨ ਮਿਡ-ਡੇ ਮੀਲ ਯੋਜਨਾ ਸ਼ੁਰੂ ਕੀਤੀ ਗਈ ਸੀ। ਉਸ ਸਮੇਂ ਤੋਂ ਹੁਣ ਤੱਕ ਬੱਚਿਆਂ ਨੂੰ ਖਾਣੇ 'ਚ ਅੰਡੇ ਦਿੱਤੇ ਜਾਂਦੇ ਰਹੇ ਹਨ, ਪਰ ਹੁਣ ਮੱਛੀ ਦੇ ਰੂਪ 'ਚ ਪਹਿਲੀ ਵਾਰ ਮੀਨੂ 'ਚ ਇੱਕ ਮਾਸਾਹਾਰੀ ਵਿਕਲਪ ਸ਼ਾਮਲ ਹੋਣ ਜਾ ਰਿਹਾ ਹੈ।
Posted By Sunita
Publish Date: Sat, 26 Sep 2026 10:25 AM (IST)
Updated Date: Sat, 26 Sep 2026 10:27 AM (IST)
ਡਿਜੀਟਲ ਡੈਸਕ, ਪੁਡੂਚੇਰੀ - ਕੇਂਦਰ ਸ਼ਾਸਿਤ ਪ੍ਰਦੇਸ਼ ਪੁਡੂਚੇਰੀ ਦੇ ਸਰਕਾਰੀ ਸਕੂਲਾਂ 'ਚ ਪੜ੍ਹਨ ਵਾਲੇ ਬੱਚਿਆਂ ਲਈ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਪੁਡੂਚੇਰੀ ਪ੍ਰਸ਼ਾਸਨ ਨੇ ਸਰਕਾਰੀ ਸਕੂਲਾਂ 'ਚ ਮਿਲਣ ਵਾਲੇ ਮਿਡ-ਡੇ ਮੀਲ ਦੀ ਥਾਲੀ 'ਚ ਮੱਛੀ ਤੋਂ ਬਣੇ ਪਕਵਾਨ ਸ਼ਾਮਲ ਕਰਨ ਦਾ ਪ੍ਰਸਤਾਵ ਰੱਖਿਆ ਹੈ। ਪੁਡੂਚੇਰੀ 'ਚ ਸਾਲ 1930 'ਚ ਫਰਾਂਸੀਸੀ ਸ਼ਾਸਨ ਦੌਰਾਨ ਮਿਡ-ਡੇ ਮੀਲ ਯੋਜਨਾ ਸ਼ੁਰੂ ਕੀਤੀ ਗਈ ਸੀ। ਉਸ ਸਮੇਂ ਤੋਂ ਹੁਣ ਤੱਕ ਬੱਚਿਆਂ ਨੂੰ ਖਾਣੇ 'ਚ ਅੰਡੇ ਦਿੱਤੇ ਜਾਂਦੇ ਰਹੇ ਹਨ, ਪਰ ਹੁਣ ਮੱਛੀ ਦੇ ਰੂਪ 'ਚ ਪਹਿਲੀ ਵਾਰ ਮੀਨੂ 'ਚ ਇੱਕ ਮਾਸਾਹਾਰੀ ਵਿਕਲਪ ਸ਼ਾਮਲ ਹੋਣ ਜਾ ਰਿਹਾ ਹੈ।
ਪਾਇਲਟ ਪ੍ਰੋਜੈਕਟ ਦੇ ਤੌਰ ’ਤੇ ਹੋਵੇਗੀ ਸ਼ੁਰੂਆਤ
ਮੱਛੀ ਪਾਲਣ ਮੰਤਰੀ ਦੇ ਦਫ਼ਤਰ ਵੱਲੋਂ ਜਾਰੀ ਬਿਆਨ ਅਨੁਸਾਰ, ਸ਼ੁਰੂਆਤ 'ਚ ਇਸ ਯੋਜਨਾ ਨੂੰ ਪੁਡੂਚੇਰੀ ਅਤੇ ਯਾਨਮ ਖੇਤਰਾਂ ਦੇ ਚੁਣੇ ਹੋਏ ਸਕੂਲਾਂ 'ਚ ਪਾਇਲਟ ਪ੍ਰੋਜੈਕਟ ਦੇ ਤੌਰ ’ਤੇ ਲਾਗੂ ਕੀਤਾ ਜਾਵੇਗਾ।
ਕਿਹੜੇ ਸੂਬਿਆਂ 'ਚ ਪਹਿਲਾਂ ਤੋਂ ਮਿਲ ਰਹੀ ਹੈ ਮੱਛੀ?
ਦੱਸ ਦੇਈਏ ਕਿ ਪੁਡੂਚੇਰੀ ਦੇ ਇਸ ਕਦਮ ਨਾਲ ਇਹ ਉਨ੍ਹਾਂ ਚੁਣੇ ਹੋਏ ਖੇਤਰਾਂ 'ਚ ਸ਼ਾਮਲ ਹੋ ਜਾਵੇਗਾ, ਜਿੱਥੇ ਸਕੂਲੀ ਬੱਚਿਆਂ ਨੂੰ ਮੱਛੀ ਪਰੋਸੀ ਜਾਂਦੀ ਹੈ। ਇਸ ਸਮੇਂ ਲਕਸ਼ਦੀਪ 'ਚ ਨਿਯਮਿਤ ਤੌਰ ’ਤੇ ਮੱਛੀ ਪਰੋਸੀ ਜਾਂਦੀ ਹੈ, ਜਦਕਿ ਕੇਰਲ ਦੇ ਕੁਝ ਚੁਣੇ ਹੋਏ ਸਕੂਲਾਂ 'ਚ ਮੱਛੀ ਅਤੇ ਚਿਕਨ ਵੀ ਦਿੱਤਾ ਜਾਂਦਾ ਹੈ। ਹਾਲਾਂਕਿ, ਇਹ ਪੂਰੇ ਸੂਬੇ 'ਚ ਲਾਜ਼ਮੀ ਨਹੀਂ ਹੈ।