- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਰਕਾਰੀ ਨੌਕਰੀ, ਅਰਬਾਂ ਦੀ ਜਾਇਦਾਦ! ਡਾਕਟਰ ਕੋਲੋਂ ਮਿਲਿਆ ਲਗਜ਼ਰੀ ਕਾਰਾਂ ਤੇ ਸੋਨੇ ਦਾ ਜ਼ਖ਼ੀਰਾ
ਤੇਲੰਗਾਨਾ ਐਂਟੀ-ਕਰਪਸ਼ਨ ਬਿਊਰੋ (ACB) ਨੇ ਨਿਜ਼ਾਮ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਿਜ਼ (NIMS) ਦੇ ਐਡੀਸ਼ਨਲ ਮੈਡੀਕਲ ਸੁਪਰਿੰਟੈਂਡੈਂਟ ਅਤੇ ਪ੍ਰੋਫੈਸਰ ਡਾ. ਨੋਰੀ ਲਕਸ਼ਮੀ ਭਾਸਕਰ ਖ਼ਿਲਾਫ਼ ਚੱਲ ਰਹੇ ਆਮਦਨ ਤੋਂ ਵੱਧ ਜਾਇਦਾਦ ਦੇ ਮਾਮਲੇ ਵਿੱਚ ਆਪਣੀ ਜਾਂਚ ਤੇਜ਼ ਕਰ ਦਿੱਤੀ ਹੈ। ਇਸ ਮਾਮਲੇ ਵਿੱਚ ਤਾਜ਼ਾ ਅਪਡੇਟ ਇਹ ਹੈ ਕਿ ਹਾਲ ਹੀ ਵਿੱਚ ਕੀਤੀ ਗਈ ਛਾਪੇਮਾਰੀ ਦੌਰਾਨ ACB ਨੂੰ ਕਈ ਬੇਨਾਮੀ ਜਾਇਦਾਦਾਂ ਅਤੇ ਵਿੱਤੀ ਲੈਣ-ਦੇਣ ਨਾਲ ਸਬੰਧਤ ਹੈਰਾਨ ਕਰਨ ਵਾਲੇ ਦਸਤਾਵੇਜ਼ ਮਿਲੇ ਹਨ।
Posted By Sunita
Publish Date: Wed, 30 Sep 2026 12:03 PM (IST)
Updated Date: Wed, 30 Sep 2026 12:05 PM (IST)
ਡਿਜ਼ੀਟਲ ਡੈਸਕ, ਹੈਦਰਾਬਾਦ - ਤੇਲੰਗਾਨਾ ਐਂਟੀ-ਕਰਪਸ਼ਨ ਬਿਊਰੋ (ACB) ਨੇ ਨਿਜ਼ਾਮ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਿਜ਼ (NIMS) ਦੇ ਐਡੀਸ਼ਨਲ ਮੈਡੀਕਲ ਸੁਪਰਿੰਟੈਂਡੈਂਟ ਅਤੇ ਪ੍ਰੋਫੈਸਰ ਡਾ. ਨੋਰੀ ਲਕਸ਼ਮੀ ਭਾਸਕਰ ਖ਼ਿਲਾਫ਼ ਚੱਲ ਰਹੇ ਆਮਦਨ ਤੋਂ ਵੱਧ ਜਾਇਦਾਦ ਦੇ ਮਾਮਲੇ ਵਿੱਚ ਆਪਣੀ ਜਾਂਚ ਤੇਜ਼ ਕਰ ਦਿੱਤੀ ਹੈ। ਇਸ ਮਾਮਲੇ ਵਿੱਚ ਤਾਜ਼ਾ ਅਪਡੇਟ ਇਹ ਹੈ ਕਿ ਹਾਲ ਹੀ ਵਿੱਚ ਕੀਤੀ ਗਈ ਛਾਪੇਮਾਰੀ ਦੌਰਾਨ ACB ਨੂੰ ਕਈ ਬੇਨਾਮੀ ਜਾਇਦਾਦਾਂ ਅਤੇ ਵਿੱਤੀ ਲੈਣ-ਦੇਣ ਨਾਲ ਸਬੰਧਤ ਹੈਰਾਨ ਕਰਨ ਵਾਲੇ ਦਸਤਾਵੇਜ਼ ਮਿਲੇ ਹਨ।
ਤਾਜ਼ਾ ਛਾਪਿਆਂ ਵਿੱਚ ਕੀ-ਕੀ ਮਿਲਿਆ?
ਅਦਾਲਤ ਤੋਂ ਸਰਚ ਵਾਰੰਟ ਮਿਲਣ ਤੋਂ ਬਾਅਦ ACB ਦੀਆਂ ਟੀਮਾਂ ਨੇ ਹੈਦਰਾਬਾਦ ਅਤੇ ਇਸ ਦੇ ਆਸ-ਪਾਸ ਕੁੱਲ 5 ਥਾਵਾਂ ’ਤੇ ਛਾਪੇਮਾਰੀ ਕੀਤੀ। ਇਸ ਦੌਰਾਨ NIMS ਸਰਕਾਰੀ ਹਸਪਤਾਲ ਵਿੱਚ ਕੰਮ ਕਰਨ ਵਾਲੇ ਇੱਕ ਨਾਈ ਦੇ ਘਰੋਂ 4.94 ਲੱਖ ਰੁਪਏ ਨਕਦ ਬਰਾਮਦ ਕੀਤੇ ਗਏ। ACB ਇਹ ਜਾਂਚ ਕਰ ਰਹੀ ਹੈ ਕਿ ਡਾਕਟਰ ਨਾਲ ਉਸ ਦੇ ਵਿੱਤੀ ਸਬੰਧ ਕੀ ਹਨ।
ਜਾਂਚ ਏਜੰਸੀ ਨੂੰ ਮਹੇਸ਼ਵਰਮ ਵਿੱਚ ਤਿੰਨ ਖੇਤੀਬਾੜੀ ਜ਼ਮੀਨਾਂ ਦੇ ਦਸਤਾਵੇਜ਼ ਮਿਲੇ ਹਨ, ਜਿਨ੍ਹਾਂ ਦੀ ਅਨੁਮਾਨਿਤ ਬਾਜ਼ਾਰੀ ਕੀਮਤ ਲਗਭਗ 57 ਲੱਖ ਰੁਪਏ ਹੈ। ਇਸ ਤੋਂ ਇਲਾਵਾ ਹੈਦਰਾਬਾਦ ਦੇ ਸਭ ਤੋਂ ਮਹਿੰਗੇ ਅਤੇ ਪੌਸ਼ ਇਲਾਕੇ ਬੰਜਾਰਾ ਹਿਲਜ਼ ਦੀ ‘MLA ਕਾਲੋਨੀ’ ਵਿੱਚ ਇੱਕ ਖਾਲੀ ਪਲਾਟ ਵੀ ਮਿਲਿਆ ਹੈ। ਇਸ ਦੀ ਬੁੱਕ ਵੈਲਿਊ ਲਗਭਗ 2.7 ਕਰੋੜ ਰੁਪਏ ਹੈ, ਜਦਕਿ ਬਾਜ਼ਾਰ ਵਿੱਚ ਇਸ ਦੀ ਕੀਮਤ ਇਸ ਤੋਂ ਕਈ ਗੁਣਾ ਵੱਧ ਦੱਸੀ ਜਾ ਰਹੀ ਹੈ। ਇਹ ਪਲਾਟ ਇੱਕ ਆਊਟਸੋਰਸਿੰਗ ਕਰਮਚਾਰੀ ਡੀ. ਗਣੇਸ਼ ਅਤੇ ਹੋਰ ਸਹਿਯੋਗੀਆਂ ਨਾਲ ਜੁੜਿਆ ਦੱਸਿਆ ਜਾ ਰਿਹਾ ਹੈ।
ਇਹ ਵੀ ਮਿਲਿਆ
ਇਨ੍ਹਾਂ ਸਾਰੀਆਂ ਚੀਜ਼ਾਂ ਤੋਂ ਇਲਾਵਾ 20 ਲੱਖ ਰੁਪਏ ਦੇ ਦੋ ਨਿਵੇਸ਼ ਪੋਰਟਫੋਲੀਓ ਅਤੇ 3 ਲੱਖ ਰੁਪਏ ਦੇ ਹੈਂਡ-ਲੋਨ ਦੀਆਂ ਰਸੀਦਾਂ ਵੀ ਮਿਲੀਆਂ ਹਨ। ACB ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਨ੍ਹਾਂ ਨਵੀਆਂ ਜਾਇਦਾਦਾਂ ਦੇ ਸਾਹਮਣੇ ਆਉਣ ਤੋਂ ਬਾਅਦ ਗ੍ਰਿਫ਼ਤਾਰ ਕੀਤੇ ਗਏ NIMS ਦੇ ਇਸ ਡਾਕਟਰ ਦੀ ਕੁੱਲ ਜਾਇਦਾਦ ਦੀ ਬਾਜ਼ਾਰੀ ਕੀਮਤ 200 ਕਰੋੜ ਰੁਪਏ ਤੋਂ ਵੀ ਵੱਧ ਹੋ ਸਕਦੀ ਹੈ।
ਪਹਿਲਾਂ ਦੀ ਛਾਪੇਮਾਰੀ ਵਿੱਚ ਖੁਲ੍ਹਿਆ ਸੀ ਖਜ਼ਾਨਾ
ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ 22 ਸਤੰਬਰ ਨੂੰ ACB ਨੇ ਏਰ੍ਰਾਗੱਡਾ ਸਥਿਤ ਡਾਕਟਰ ਦੇ ਘਰ ਅਤੇ ਉਨ੍ਹਾਂ ਦੇ ਰਿਸ਼ਤੇਦਾਰਾਂ ਤੇ ਸਹਿਯੋਗੀਆਂ ਦੇ ਟਿਕਾਣਿਆਂ ’ਤੇ ਛਾਪੇਮਾਰੀ ਕੀਤੀ ਸੀ। ਉਸ ਦੌਰਾਨ ਵੀ ਕਈ ਜਾਇਦਾਦਾਂ ਦਾ ਖੁਲਾਸਾ ਹੋਇਆ ਸੀ।
ਮਿਲੀ ਜਾਣਕਾਰੀ ਮੁਤਾਬਕ, ਪਿਛਲੀ ਛਾਪੇਮਾਰੀ ਵਿੱਚ 8 ਰਿਹਾਇਸ਼ੀ ਫਲੈਟ ਅਤੇ ਯਾਦਾਦਰੀ, ਨੰਦੀਗਾਮਾ, ਸ਼ਮੀਰਪੇਟ ਅਤੇ ਵਿਸ਼ਾਖਾਪਟਨਮ ਵਿੱਚ ਚਾਰ ਖਾਲੀ ਪਲਾਟ ਮਿਲੇ ਸਨ।
ਇਸ ਤੋਂ ਇਲਾਵਾ ਬੈਂਕ ਵਿੱਚ 41 ਲੱਖ ਰੁਪਏ, ਪੋਸਟ ਆਫਿਸ ਵਿੱਚ 12 ਲੱਖ ਰੁਪਏ, ਪ੍ਰਾਈਵੇਟ ਫਾਇਨੈਂਸ ਵਿੱਚ 35 ਲੱਖ ਰੁਪਏ ਅਤੇ ਮਿਊਚੁਅਲ ਫੰਡ ਵਿੱਚ 29.55 ਲੱਖ ਰੁਪਏ ਮਿਲੇ ਸਨ। ਲਗਭਗ 517.8 ਗ੍ਰਾਮ ਸੋਨਾ, ਤਿੰਨ ਲਗਜ਼ਰੀ ਗੱਡੀਆਂ—ਜੈਗੁਆਰ, ਔਡੀ ਅਤੇ ਟਾਟਾ ਨੇਕਸਨ—ਚਾਰ ਦੋਪਹੀਆ ਵਾਹਨ ਅਤੇ 5 ਲੱਖ ਰੁਪਏ ਦੇ ਇਲੈਕਟ੍ਰਾਨਿਕ ਗੈਜੇਟਸ ਵੀ ਬਰਾਮਦ ਹੋਏ ਸਨ।
ACB ਇਨ੍ਹਾਂ ਗੱਲਾਂ ਦੀ ਕਰ ਰਹੀ ਹੈ ਜਾਂਚ
ਗੌਰਤਲਬ ਹੈ ਕਿ ਡਾ. ਲਕਸ਼ਮੀ ਭਾਸਕਰ ਖ਼ਿਲਾਫ਼ ਇਹ ਮਾਮਲਾ 21 ਸਤੰਬਰ ਨੂੰ ਭ੍ਰਿਸ਼ਟਾਚਾਰ ਨਿਵਾਰਣ ਐਕਟ ਦੀ ਧਾਰਾ 13(1)(b) ਅਤੇ 13(2) ਤਹਿਤ ਦਰਜ ਕੀਤਾ ਗਿਆ ਸੀ।
ACB ਹੁਣ ਦਸਤਾਵੇਜ਼ਾਂ ਦੀ ਬਾਰੀਕੀ ਨਾਲ ਜਾਂਚ ਕਰ ਰਹੀ ਹੈ ਅਤੇ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਕਿ ਇਹ ਸਾਰੀ ਜਾਇਦਾਦ ਕਿਨ੍ਹਾਂ-ਕਿਨ੍ਹਾਂ ਬੇਨਾਮੀ ਵਿਅਕਤੀਆਂ ਦੇ ਨਾਮ ’ਤੇ ਕਥਿਤ ਤੌਰ ’ਤੇ ਛੁਪਾ ਕੇ ਰੱਖੀ ਗਈ ਸੀ।