- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਰਕਾਰ ਦਾ ਵੱਡਾ ਫ਼ੈਸਲਾ: ਸਕੂਲਾਂ ਤੇ ਕਾਲਜਾਂ ਦੇ 50 ਮੀਟਰ ਦੇ ਦਾਇਰੇ ’ਚ ਜੰਕ ਫੂਡ ’ਤੇ ਪਾਬੰਦੀ
ਐੱਫ਼.ਐੱਸ.ਡੀ.ਏ. ਨੇ ਸ਼ੁੱਕਰਵਾਰ ਨੂੰ ਇੱਕ ਬਿਆਨ ’ਚ ਕਿਹਾ, “ਜਾਂਚ ਦੌਰਾਨ ਖਾਣ-ਪੀਣ ਦੀਆਂ ਚੀਜ਼ਾਂ ਦੀ ਕੁਆਲਿਟੀ, ਸਾਫ਼-ਸਫ਼ਾਈ, ਫੂਡ ਸੇਫਟੀ ਸਟੈਂਡਰਡਾਂ ਦੀ ਪਾਲਣਾ, ਲੇਬਲਿੰਗ ਦੀਆਂ ਲੋੜਾਂ, ਮਿਆਦ ਪੁੱਗ ਚੁੱਕੇ ਫੂਡ ਪ੍ਰੋਡਕਟਸ ਦੀ ਵਿਕਰੀ ਅਤੇ ਫੂਡ ਬਿਜ਼ਨਸ ਆਪਰੇਟਰਾਂ ਦੇ ਲਾਇਸੈਂਸ/ਰਜਿਸਟਰੇਸ਼ਨ ਦੀ ਵੈਧਤਾ ਦੀ ਜਾਂਚ ਕੀਤੀ ਗਈ। ਇਹ ਦੇਖਿਆ ਗਿਆ ਕਿ ਸਕੂਲ ਅਤੇ ਕਾਲਜ ਕੰਪਲੈਕਸ ਦੇ ਅੰਦਰ ਅਤੇ ਆਸ-ਪਾਸ ਮੌਜੂਦ ਕੁਝ ਫੂਡ ਬਿਜ਼ਨਸ ਅਦਾਰੇ ਜ਼ਿਆਦਾ ਫੈਟ, ਸ਼ੂਗਰ ਅਤੇ ਨਮਕ ਵਾਲੇ ਫੂਡ ਪ੍ਰੋਡਕਟਸ ਵੇਚ ਰਹੇ ਸਨ।”
Posted By Anuradha Bains
Publish Date: Sun, 02 Aug 2026 09:52 AM (IST)
Updated Date: Sun, 02 Aug 2026 09:56 AM (IST)
ਡਿਜੀਟਲ ਡੈਸਕ, ਬੈਂਗਲੁਰੂ। ਕਰਨਾਟਕ ਫੂਡ ਸੇਫਟੀ ਐਂਡ ਡਰੱਗ ਐਡਮਿਨਿਸਟਰੇਸ਼ਨ (FSDA) ਵਿਭਾਗ ਨੇ ਇੱਕ ਐਡਵਾਈਜ਼ਰੀ ਜਾਰੀ ਕੀਤੀ ਹੈ, ਜਿਸ ’ਚ ਸੂਬੇ ਦੇ ਸਕੂਲਾਂ ਅਤੇ ਕਾਲਜਾਂ ਦੇ 50 ਮੀਟਰ ਦੇ ਦਾਇਰੇ ਵਿੱਚ ਜ਼ਿਆਦਾ ਚਰਬੀ (ਫੈਟ), ਖੰਡ (ਚੀਨੀ) ਅਤੇ ਲੂਣ (ਨਮਕ) ਵਾਲੇ ਖਾਣ-ਪੀਣ ਵਾਲੇ ਪਦਾਰਥਾਂ ਦੀ ਵਿਕਰੀ 'ਤੇ ਰੋਕ ਲਗਾ ਦਿੱਤੀ ਗਈ ਹੈ।
ਇਹ ਐਡਵਾਈਜ਼ਰੀ ਜੁਲਾਈ ਵਿੱਚ 134 ਸਕੂਲਾਂ ਅਤੇ ਕਾਲਜਾਂ ਦੇ ਆਲੇ-ਦੁਆਲੇ ਮੌਜੂਦ ਫੂਡ ਬਿਜ਼ਨਸ ਅਸਟੈਬਲਿਸ਼ਮੈਂਟਾਂ ਦੇ ਐੱਫ਼.ਐੱਸ.ਡੀ.ਏ. ਵੱਲੋਂ ਕੀਤੇ ਗਏ ਨਿਰੀਖਣਾਂ ਤੋਂ ਬਾਅਦ ਜਾਰੀ ਕੀਤੀ ਗਈ ਹੈ।
ਐਡਵਾਈਜ਼ਰੀ ’ਚ ਕੀ ਕਿਹਾ ਗਿਆ ਹੈ?
ਐੱਫ਼.ਐੱਸ.ਡੀ.ਏ. ਨੇ ਸ਼ੁੱਕਰਵਾਰ ਨੂੰ ਇੱਕ ਬਿਆਨ ’ਚ ਕਿਹਾ, “ਜਾਂਚ ਦੌਰਾਨ ਖਾਣ-ਪੀਣ ਦੀਆਂ ਚੀਜ਼ਾਂ ਦੀ ਕੁਆਲਿਟੀ, ਸਾਫ਼-ਸਫ਼ਾਈ, ਫੂਡ ਸੇਫਟੀ ਸਟੈਂਡਰਡਾਂ ਦੀ ਪਾਲਣਾ, ਲੇਬਲਿੰਗ ਦੀਆਂ ਲੋੜਾਂ, ਮਿਆਦ ਪੁੱਗ ਚੁੱਕੇ ਫੂਡ ਪ੍ਰੋਡਕਟਸ ਦੀ ਵਿਕਰੀ ਅਤੇ ਫੂਡ ਬਿਜ਼ਨਸ ਆਪਰੇਟਰਾਂ ਦੇ ਲਾਇਸੈਂਸ/ਰਜਿਸਟਰੇਸ਼ਨ ਦੀ ਵੈਧਤਾ ਦੀ ਜਾਂਚ ਕੀਤੀ ਗਈ। ਇਹ ਦੇਖਿਆ ਗਿਆ ਕਿ ਸਕੂਲ ਅਤੇ ਕਾਲਜ ਕੰਪਲੈਕਸ ਦੇ ਅੰਦਰ ਅਤੇ ਆਸ-ਪਾਸ ਮੌਜੂਦ ਕੁਝ ਫੂਡ ਬਿਜ਼ਨਸ ਅਦਾਰੇ ਜ਼ਿਆਦਾ ਫੈਟ, ਸ਼ੂਗਰ ਅਤੇ ਨਮਕ ਵਾਲੇ ਫੂਡ ਪ੍ਰੋਡਕਟਸ ਵੇਚ ਰਹੇ ਸਨ।”
ਵਿਭਾਗ ਨੇ ਦੱਸਿਆ ਕਿ ਨਤੀਜਿਆਂ ਦੇ ਆਧਾਰ 'ਤੇ 24 ਜੁਲਾਈ ਨੂੰ ਇੱਕ ਐਡਵਾਈਜ਼ਰੀ ਜਾਰੀ ਕੀਤੀ ਗਈ ਸੀ। ਇਸ ’ਚ ਕਿਹਾ ਗਿਆ ਹੈ ਕਿ ਸਕੂਲ ਅਤੇ ਕਾਲਜ ਕੰਪਲੈਕਸ ਦੇ 50 ਮੀਟਰ ਦੇ ਦਾਇਰੇ ’ਚ ਜ਼ਿਆਦਾ ਫੈਟ, ਚੀਨੀ ਅਤੇ ਨਮਕ ਵਾਲੇ ਖਾਧ ਪਦਾਰਥਾਂ ਦੀ ਵਿਕਰੀ ਨਾ ਕੀਤੀ ਜਾਵੇ, ਸਿਹਤਮੰਦ ਖਾਣ ਦੇ ਬਦਲਾਂ ਨੂੰ ਉਤਸ਼ਾਹਿਤ ਕੀਤਾ ਜਾਵੇ ਅਤੇ ਫੂਡ ਬਿਜ਼ਨਸ ਆਪਰੇਟਰ ਫੂਡ ਸੇਫਟੀ ਨਿਯਮਾਂ ਦੀ ਸਖ਼ਤੀ ਨਾਲ ਪਾਲਣਾ ਕਰਨ।
'ਅਧਿਕਾਰੀ ਐਡਵਾਈਜ਼ਰੀ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਲਾਗੂ ਕਰਵਾਉਣ'
ਐੱਫ਼.ਐੱਸ.ਡੀ.ਏ. ਨੇ ਕਿਹਾ, "ਜ਼ਿਲ੍ਹੇ ਦੇ ਨਿਯੁਕਤ ਅਧਿਕਾਰੀਆਂ ਅਤੇ ਫੂਡ ਸੇਫਟੀ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਗਏ ਹਨ ਕਿ ਉਹ ਪੂਰੇ ਸੂਬੇ ’ਚ ਇਸ ਐਡਵਾਈਜ਼ਰੀ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਲਾਗੂ ਕਰਨ ਅਤੇ ਸਕੂਲ-ਕਾਲਜ ਮੈਨੇਜਮੈਂਟ, ਫੂਡ ਬਿਜ਼ਨਸ ਆਪਰੇਟਰਾਂ ਅਤੇ ਆਮ ਲੋਕਾਂ ’ਚ ਜਾਗਰੂਕਤਾ ਫੈਲਾਉਣ।"
ਵਿਭਾਗ ਨੇ ਸਕੂਲਾਂ ਕੋਲ ਮੌਜੂਦ ਸਾਰੀਆਂ ਖਾਣ-ਪੀਣ ਦੀਆਂ ਦੁਕਾਨਾਂ ਨੂੰ ਫੂਡ ਸੇਫਟੀ ਐਂਡ ਸਟੈਂਡਰਡਜ਼ ਐਕਟ, 2006 ਦੇ ਤਹਿਤ ਲਾਇਸੈਂਸ ਲੈਣ ਅਤੇ ਰਜਿਸਟਰੇਸ਼ਨ ਕਰਵਾਉਣ ਦਾ ਨਿਰਦੇਸ਼ ਦਿੱਤਾ। ਨਾਲ ਹੀ ਇਹ ਵੀ ਕਿਹਾ ਗਿਆ ਕਿ ਫੂਡ ਸੇਫਟੀ ਅਧਿਕਾਰੀ ਸਕੂਲਾਂ ਅਤੇ ਕਾਲਜਾਂ ਦੇ ਆਸ-ਪਾਸ ਨਿਯਮਤ ਤੌਰ 'ਤੇ ਜਾਂਚ ਕਰਨਗੇ।
ਇਸ ’ਚ ਕਿਹਾ ਗਿਆ ਹੈ ਕਿ ਫੂਡ ਸੇਫਟੀ ਐਂਡ ਸਟੈਂਡਰਡਜ਼ ਐਕਟ, 2006 ਅਤੇ ਫੂਡ ਸੇਫਟੀ ਐਂਡ ਸਟੈਂਡਰਡਜ਼ ਰੂਲਜ਼/ਰੈਗੂਲੇਸ਼ਨਜ਼, 2011 ਦੀ ਉਲੰਘਣਾ ਕਰਨ 'ਤੇ ਸੁਧਾਰ ਲਈ ਨੋਟਿਸ ਜਾਰੀ ਕਰਨਾ, ਲਾਇਸੈਂਸ ਸਸਪੈਂਡ ਜਾਂ ਰੱਦ ਕਰਨਾ, ਫੂਡ ਪ੍ਰੋਡਕਟਸ ਜ਼ਬਤ ਕਰਨਾ ਅਤੇ ਲੋੜ ਪੈਣ 'ਤੇ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
ਵਿਭਾਗ ਨੇ ਕਿਹਾ ਕਿ ਜਾਂਚ ’ਚ ਪਾਇਆ ਗਿਆ ਕਿ ਕੁਝ ਸਕੂਲਾਂ ’ਚ ਬੱਚਿਆਂ ਨੂੰ ਜੋ ਖਾਣਾ ਦਿੱਤਾ ਜਾ ਰਿਹਾ ਸੀ, ਉਸ ’ਚ ਰਿਫਾਈਂਡ ਕਾਰਬੋਹਾਈਡ੍ਰੇਟ, ਜਿਵੇਂ ਸਫ਼ੈਦ ਬ੍ਰੈੱਡ, ਪਾਸਤਾ ਅਤੇ ਪ੍ਰੋਸੈਸਡ ਸਨੈਕ ਫੂਡ ਜ਼ਿਆਦਾ ਮਾਤਰਾ ਵਿੱਚ ਸਨ।
ਐੱਫ਼.ਐੱਸ.ਡੀ.ਏ. ਨੇ 24 ਜੁਲਾਈ ਦੀ ਆਪਣੀ ਐਡਵਾਈਜ਼ਰੀ ਵਿੱਚ ਕਿਹਾ, "ਇਸ ਤਰ੍ਹਾਂ ਦੇ ਖਾਣੇ ਨਾਲ ਬਲੱਡ ਸ਼ੂਗਰ ਲੈਵਲ ਤੇਜ਼ੀ ਨਾਲ ਵਧ ਸਕਦਾ ਹੈ। ਪੂਰੇ ਦਿਨ ਲਗਾਤਾਰ ਐਨਰਜੀ ਬਣਾਏ ਰੱਖਣ ਅਤੇ ਧਿਆਨ ਕੇਂਦਰਿਤ ਕਰਨ ਦੀ ਸਮਰੱਥਾ ਨੂੰ ਬਿਹਤਰ ਬਣਾਉਣ ਲਈ ਇਨ੍ਹਾਂ ਖਾਣਿਆਂ ਵਿੱਚ ਲੀਨ ਪ੍ਰੋਟੀਨ ਅਤੇ ਹੈਲਦੀ ਫੈਟ ਨੂੰ ਸ਼ਾਮਲ ਕਰਕੇ ਸੰਤੁਲਨ ਬਣਾਉਣਾ ਜ਼ਰੂਰੀ ਹੈ।"
ਸਕੂਲ ਮੈਨੇਜਮੈਂਟ ਨੂੰ ਦਿੱਤੀ ਗਈ ਹਿਦਾਇਤ
ਇਸ ’ਚ ਕਿਹਾ ਗਿਆ ਹੈ ਕਿ ਸਕੂਲ ਮੈਨੇਜਮੈਂਟ ਨੂੰ ਇਹ ਯਕੀਨੀ ਬਣਾਉਣਾ ਚਾਹੀਦਾ ਹੈ ਕਿ ਸਕੂਲ ਕੰਪਲੈਕਸ ’ਚ ਅਜਿਹੇ ਖਾਧ ਪਦਾਰਥ ਨਾ ਵੇਚੇ ਜਾਣ ਅਤੇ ਮੁੱਖ ਥਾਵਾਂ 'ਤੇ ਸਹੀ ਚਿਤਾਵਨੀ ਵਾਲੇ ਸਾਈਨ ਬੋਰਡ ਪ੍ਰਮੁੱਖਤਾ ਨਾਲ ਲਗਾਏ ਜਾਣ।
ਸਲਾਹ ’ਚ ਕਿਹਾ ਗਿਆ ਹੈ ਕਿ ਸਕੂਲ ਵਿੱਚ ਮਿਲਣ ਵਾਲੇ ਖਾਣੇ ਨੂੰ ਅਨਾਜ ਅਤੇ ਪ੍ਰੋਟੀਨ ਦੇ ਅਜਿਹੇ ਮੇਲ (ਕੰਬੀਨੇਸ਼ਨ) ਦੇ ਤੌਰ 'ਤੇ ਤਿਆਰ ਕੀਤਾ ਜਾਵੇ, ਜਿਨ੍ਹਾਂ ’ਚ ਮਾਈਕ੍ਰੋਨਿਊਟ੍ਰੀਐਂਟਸ ਭਰਪੂਰ ਹੋਣ। ਇਸ ਵਿੱਚ ਕਿਹਾ ਗਿਆ ਹੈ ਕਿ ਮੀਨੂ ਵਿੱਚ ਸਾਬਤ ਅਨਾਜ, ਦਾਲਾਂ, ਮੋਟੇ ਅਨਾਜ (ਮਿਲਟਸ) ਅਤੇ ਦੁੱਧ ਤੇ ਆਂਡੇ ਵਰਗੇ ਜਾਨਵਰਾਂ ਤੋਂ ਮਿਲਣ ਵਾਲੇ ਖਾਧ ਪਦਾਰਥ ਸ਼ਾਮਲ ਹੋਣੇ ਚਾਹੀਦੇ ਹਨ ਅਤੇ ਤਾਜ਼ੀ, ਮੌਸਮੀ ਤੇ ਸਥਾਨਕ ਪੱਧਰ 'ਤੇ ਉਪਲਬਧ ਉਪਜ ਦੀ ਵਰਤੋਂ ਕੀਤੀ ਜਾਣੀ ਚਾਹੀਦੀ ਹੈ।
ਐਡਵਾਈਜ਼ਰੀ ਵਿੱਚ ਅੱਗੇ ਕਿਹਾ ਗਿਆ ਕਿ ਖਾਣੇ ਨੂੰ ਜ਼ਿਆਦਾ ਪੌਸ਼ਟਿਕ ਬਣਾਉਣ ਲਈ ਫੋਰਟੀਫਾਈਡ ਕਣਕ ਦਾ ਆਟਾ, ਚੌਲ, ਦੁੱਧ, ਖਾਣ ਵਾਲਾ ਤੇਲ ਅਤੇ ਡਬਲ ਫੋਰਟੀਫਾਈਡ ਨਮਕ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ ਪਰ ਇਸ ਲਈ ਫੂਡ ਸੇਫਟੀ ਐਂਡ ਸਟੈਂਡਰਡਜ਼ (ਫੋਰਟੀਫਿਕੇਸ਼ਨ ਆਫ਼ ਫੂਡਜ਼) ਰੈਗੂਲੇਸ਼ਨਜ਼, 2018 ਵਿੱਚ ਦੱਸੇ ਗਏ ਮਾਪਦੰਡਾਂ ਦੀ ਸਖ਼ਤੀ ਨਾਲ ਪਾਲਣਾ ਕਰਨੀ ਹੋਵੇਗੀ।