- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਰਕਾਰੀ ਨੌਕਰੀ ਦੀ ਤਿਆਰੀ ਕਰ ਰਹੇ ਨੌਜਵਾਨਾਂ ਲਈ ਖ਼ੁਸ਼ਖ਼ਬਰੀ, ਭਾਰਤੀ ਰੇਲਵੇ ਨੇ ਦਿੱਤੀ ਵੱਡੀ ਰਾਹਤ; ਜਾਰੀ ਕੀਤਾ ਅਧਿਕਾਰਤ ਨੋਟੀਫਿਕੇਸ਼ਨ
ਭਾਰਤੀ ਰੇਲਵੇ 'ਚ ਤਕਨੀਕੀ ਅਤੇ ਨਿਗਰਾਨੀ ਪ੍ਰਬੰਧ ਨੂੰ ਮਜ਼ਬੂਤ ਕਰਨ ਲਈ ਮਨੁੱਖੀ ਸਰੋਤਾਂ ਦੇ ਢਾਂਚੇ 'ਚ ਵੱਡਾ ਬਦਲਾਅ ਕੀਤਾ ਜਾ ਰਿਹਾ ਹੈ। ਵਿੱਤ ਮੰਤਰਾਲੇ ਤੋਂ ਮਨਜ਼ੂਰੀ ਮਿਲਣ ਤੋਂ ਬਾਅਦ ਰੇਲਵੇ 'ਚ ਲੈਵਲ-6 ਅਤੇ ਲੈਵਲ-7 ਦੇ 5,664 ਨਵੇਂ ਅਹੁਦੇ ਸਿਰਜੇ ਗਏ ਹਨ।
Posted By Sunita
Publish Date: Tue, 22 Sep 2026 03:55 PM (IST)
Updated Date: Tue, 22 Sep 2026 03:57 PM (IST)
ਦੀਪਕ ਬਹਲ, ਅੰਬਾਲਾ - ਭਾਰਤੀ ਰੇਲਵੇ 'ਚ ਤਕਨੀਕੀ ਅਤੇ ਨਿਗਰਾਨੀ ਪ੍ਰਬੰਧ ਨੂੰ ਮਜ਼ਬੂਤ ਕਰਨ ਲਈ ਮਨੁੱਖੀ ਸਰੋਤਾਂ ਦੇ ਢਾਂਚੇ 'ਚ ਵੱਡਾ ਬਦਲਾਅ ਕੀਤਾ ਜਾ ਰਿਹਾ ਹੈ। ਵਿੱਤ ਮੰਤਰਾਲੇ ਤੋਂ ਮਨਜ਼ੂਰੀ ਮਿਲਣ ਤੋਂ ਬਾਅਦ ਰੇਲਵੇ 'ਚ ਲੈਵਲ-6 ਅਤੇ ਲੈਵਲ-7 ਦੇ 5,664 ਨਵੇਂ ਅਹੁਦੇ ਸਿਰਜੇ ਗਏ ਹਨ।
ਇਨ੍ਹਾਂ ਅਹੁਦਿਆਂ ਨੂੰ ਪੜਾਅਵਾਰ ਢੰਗ ਨਾਲ ਭਰਨ ਦਾ ਰਾਹ ਸਾਫ਼ ਹੋ ਗਿਆ ਹੈ। ਨਵੇਂ ਮਨਜ਼ੂਰ ਕੀਤੇ ਅਹੁਦਿਆਂ 'ਚ ਲੈਵਲ-6 ਦੇ 2,292 ਅਤੇ ਲੈਵਲ-7 ਦੇ 3,372 ਅਹੁਦੇ ਸ਼ਾਮਲ ਹਨ। ਪਹਿਲੇ ਪੜਾਅ 'ਚ ਇਨ੍ਹਾਂ 'ਚੋਂ 2,832 ਅਹੁਦਿਆਂ 'ਤੇ ਭਰਤੀ ਕੀਤੀ ਜਾਵੇਗੀ। ਇਸ ਦੇ ਨਾਲ ਹੀ ਰੇਲਵੇ 'ਚ ਪਹਿਲਾਂ ਤੋਂ ਖਾਲੀ ਪਏ 21,978 ਅਹੁਦਿਆਂ ਨੂੰ ਭਰਨ ਦੀ ਪ੍ਰਕਿਰਿਆ ਵੀ ਅੱਗੇ ਵਧਾਈ ਜਾਵੇਗੀ।
ਮੌਜੂਦਾ ਖਾਲੀ ਅਹੁਦਿਆਂ 'ਚੋਂ ਲਗਭਗ 80 ਫੀਸਦੀ ਅਹੁਦੇ ਭਰਨ ਤੋਂ ਬਾਅਦ ਨਵੇਂ ਮਨਜ਼ੂਰ ਕੀਤੇ ਅਹੁਦਿਆਂ ਦੇ ਦੂਜੇ ਪੜਾਅ ਦੀ ਭਰਤੀ ਸ਼ੁਰੂ ਕਰਨ ਦਾ ਪ੍ਰਸਤਾਵ ਹੈ। ਇਸ ਤਰ੍ਹਾਂ ਰੇਲਵੇ 'ਚ ਇੱਕ ਪਾਸੇ ਤਕਨੀਕੀ ਅਤੇ ਨਿਗਰਾਨੀ ਪੱਧਰ 'ਤੇ ਨਵੇਂ ਅਹੁਦੇ ਵਧਾਏ ਜਾ ਰਹੇ ਹਨ, ਜਦਕਿ ਦੂਜੇ ਪਾਸੇ ਹੇਠਲੇ ਪੱਧਰ ਦੇ 10,939 ਅਹੁਦੇ ਸਰੰਡਰ ਕਰਕੇ ਅਹੁਦਿਆਂ ਦੇ ਢਾਂਚੇ ਨੂੰ ਨਵੇਂ ਸਿਰੇ ਤੋਂ ਵਿਵਸਥਿਤ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਦਿਵਿਆਂਗ ਕਰਮਚਾਰੀਆਂ ਦੀ ਤਰੱਕੀ ਨਾਲ ਸਬੰਧਤ ਹੁਕਮ ਵੀ ਜਾਰੀ ਕੀਤੇ ਗਏ ਹਨ।
ਜੇਈ-ਐਸਐਸਈ ਦੇ ਹਜ਼ਾਰਾਂ ਅਹੁਦਿਆਂ ਨਾਲ ਮਜ਼ਬੂਤ ਹੋਵੇਗਾ ਤਕਨੀਕੀ ਪ੍ਰਬੰਧ
5,664 ਨਵੇਂ ਅਹੁਦਿਆਂ 'ਚ ਇੰਜੀਨੀਅਰਿੰਗ ਅਤੇ ਆਪਰੇਸ਼ਨ ਨਾਲ ਸਬੰਧਤ ਅਹੁਦਿਆਂ ਦੀ ਵੱਡੀ ਹਿੱਸੇਦਾਰੀ ਹੈ। ਸਿਵਲ ਇੰਜੀਨੀਅਰਿੰਗ 'ਚ 424 ਜੇਈ ਅਤੇ 860 ਐਸਐਸਈ, ਇਲੈਕਟ੍ਰਿਕਲ 'ਚ 364 ਜੇਈ ਅਤੇ 739 ਐਸਐਸਈ, ਮਕੈਨਿਕਲ 'ਚ 265 ਜੇਈ ਅਤੇ 537 ਐਸਐਸਈ ਅਤੇ ਸਿਗਨਲ ਅਤੇ ਟੈਲੀਕਾਮ ਵਿਭਾਗ 'ਚ 336 ਜੇਈ ਅਤੇ 683 ਐਸਐਸਈ ਦੇ ਅਹੁਦੇ ਸ਼ਾਮਲ ਹਨ।
ਆਪਰੇਸ਼ਨ ਅਤੇ ਕਮਰਸ਼ੀਅਲ ਵਿਭਾਗ 'ਚ 533 ਸਟੇਸ਼ਨ ਮਾਸਟਰ/ਕੰਟਰੋਲਰ, 356 ਸਟੇਸ਼ਨ ਸੁਪਰਡੈਂਟ/ਚੀਫ਼ ਕੰਟਰੋਲਰ, 334 ਚੀਫ਼ ਕਮਰਸ਼ੀਅਲ ਕਮ ਟਿਕਟ ਸੁਪਰਵਾਈਜ਼ਰ ਅਤੇ 143 ਕਮਰਸ਼ੀਅਲ ਸੁਪਰਿੰਟੈਂਡੈਂਟ ਦੇ ਅਹੁਦੇ ਹਨ।
ਰੇਲਵੇ ਨੇ 1,023 ਸੁਪਰਨਿਊਮਰੇਰੀ ਅਹੁਦੇ ਸਿਰਜੇ
ਸਟੋਰਜ਼ ਵਿਭਾਗ 'ਚ ਵੀ ਡਿਪੋ ਮਟੀਰੀਅਲ ਸੁਪਰਡੈਂਟ ਅਤੇ ਚੀਫ਼ ਡਿਪੋ ਮਟੀਰੀਅਲ ਸੁਪਰਡੈਂਟ ਦੇ ਅਹੁਦੇ ਸ਼ਾਮਲ ਹਨ। ਦਿਵਿਆਂਗ ਰੇਲਵੇ ਕਰਮਚਾਰੀਆਂ ਦੇ ਤਰੱਕੀ ਸਬੰਧੀ ਅਧਿਕਾਰਾਂ ਨੂੰ ਲੈ ਕੇ ਵੀ ਰੇਲਵੇ ਬੋਰਡ ਨੇ ਮਹੱਤਵਪੂਰਨ ਹੁਕਮ ਜਾਰੀ ਕੀਤਾ ਹੈ। ਰੇਲਵੇ ਬੋਰਡ ਦੇ ਹੁਕਮਾਂ ਤਹਿਤ ਨੋਸ਼ਨਲ ਪ੍ਰਮੋਸ਼ਨ ਲਈ 1,023 ਸੁਪਰਨਿਊਮਰੇਰੀ ਅਹੁਦੇ ਸਿਰਜੇ ਗਏ ਹਨ। ਇਨ੍ਹਾਂ 'ਚ 38 ਗਜ਼ਟਿਡ ਅਤੇ 985 ਨਾਨ-ਗਜ਼ਟਿਡ ਅਹੁਦੇ ਸ਼ਾਮਲ ਹਨ।