- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸ਼ਰਾਬ ਦੇ ਸ਼ੌਕੀਨਾਂ ਲਈ ਚੰਗੀ ਖ਼ਬਰ, ਸਸਤੀ ਹੋਣ ਜਾ ਰਹੀ ਸਕੌਚ ਤੇ ਵਿਸਕੀ; ਗਾਹਕਾਂ ਨੂੰ ਮਿਲੇਗਾ ਫਾਇਦਾ
ਆਗਰਾ ’ਚ ਸ਼ਰਾਬ ਦੇ ਸ਼ੌਕੀਨਾਂ ਲਈ ਚੰਗੀ ਖ਼ਬਰ ਹੈ। ਅਗਲੇ 48 ਘੰਟਿਆਂ ’ਚ ਸਕੌਚ ਤੇ ਵਿਸਕੀ ਸਸਤੀਆਂ ਹੋਣ ਜਾ ਰਹੀਆਂ ਹਨ। ਬ੍ਰਿਟੇਨ ਤੋਂ ਆਯਾਤ ਹੋਣ ਵਾਲੀ ਸ਼ਰਾਬ 'ਤੇ ਕਸਟਮ ਡਿਊਟੀ 150 ਫੀਸਦੀ ਤੋਂ ਘਟ ਕੇ 75 ਫੀਸਦੀ ਹੋ ਗਈ ਹੈ। ਇਸ ਨਾਲ ਕੀਮਤਾਂ ’ਚ ਕਮੀ ਆਵੇਗੀ ਤੇ ਵਿਕਰੀ ਵਧਣ ਦੀ ਉਮੀਦ ਹੈ।
Posted By Paramjit Kaur
Publish Date: Thu, 08 Oct 2026 12:35 PM (IST)
Updated Date: Thu, 08 Oct 2026 12:38 PM (IST)
ਜਾਗਰਣ ਸੰਵਾਦਦਾਤਾ, ਆਗਰਾ। ਸ਼ਰਾਬ ਦੇ ਸ਼ੌਕੀਨਾਂ ਨੂੰ ਆਬਕਾਰੀ ਵਿਭਾਗ ਵੱਲੋਂ ਰਾਹਤ ਮਿਲਣ ਜਾ ਰਹੀ ਹੈ। ਅਗਲੇ 48 ਘੰਟਿਆਂ ’ਚ ਸਕੌਚ ਤੇ ਵਿਸਕੀ ਸਸਤੀਆਂ ਹੋਣ ਜਾ ਰਹੀਆਂ ਹਨ। ਬੁੱਧਵਾਰ ਨੂੰ ਇਹ ਸ਼ਰਾਬ ਸਰਕਾਰੀ ਗੋਦਾਮ ’ਚ ਪਹੁੰਚ ਗਈ। ਬ੍ਰਿਟੇਨ ਤੋਂ ਆਯਾਤ ਹੋਣ ਵਾਲੀ ਸ਼ਰਾਬ 'ਤੇ ਕਸਟਮ ਡਿਊਟੀ 150 ਫੀਸਦੀ ਤੋਂ ਘਟ ਕੇ 75 ਫੀਸਦੀ ਰਹਿ ਗਈ ਹੈ। ਆਗਰਾ ’ਚ ਹਰ ਰੋਜ਼ ਸਕੌਚ ਤੇ ਵਿਸਕੀ ਦੀ ਲਗਭਗ 20 ਤੋਂ 25 ਲੱਖ ਰੁਪਏ ਦੀ ਵਿਕਰੀ ਹੁੰਦੀ ਹੈ, ਜੋ ਹੁਣ ਵੱਧ ਕੇ 35 ਤੋਂ 40 ਲੱਖ ਰੁਪਏ ਹੋਣ ਦੀ ਉਮੀਦ ਹੈ।
ਇਸ ਵਿੱਤੀ ਸਾਲ ’ਚ ਆਬਕਾਰੀ ਵਿਭਾਗ ਨੇ 2,200 ਕਰੋੜ ਰੁਪਏ ਦੀ ਆਮਦਨ ਦਾ ਟੀਚਾ ਰੱਖਿਆ ਹੈ। ਸਭ ਤੋਂ ਵੱਧ ਸਕੌਚ ਤੇ ਵਿਸਕੀ ਬ੍ਰਿਟੇਨ ਤੋਂ ਆਉਂਦੀ ਹੈ। ਪਿਛਲੇ ਮਹੀਨੇ ਤੱਕ ਕਸਟਮ ਡਿਊਟੀ 150 ਫੀਸਦੀ ਸੀ, ਜਿਸ ਕਾਰਨ ਇਨ੍ਹਾਂ ਦੀਆਂ ਕੀਮਤਾਂ ਵਧ ਰਹੀਆਂ ਸਨ। ਹੁਣ ਡਿਊਟੀ ਘਟ ਕੇ 75 ਫੀਸਦੀ ਰਹਿ ਗਈ ਹੈ।
ਘੱਟ ਕੀਮਤ ਵਾਲੀ ਸਕੌਚ ਤੇ ਵਿਸਕੀ ਦੀ ਸਪਲਾਈ ਤੇਜ਼ੀ ਨਾਲ ਕੀਤੀ ਜਾ ਰਹੀ ਹੈ। ਬੁੱਧਵਾਰ ਨੂੰ ਇਹ ਸਾਰੇ ਸਰਕਾਰੀ ਗੋਦਾਮਾਂ ’ਚ ਪਹੁੰਚ ਗਈ। ਹੁਣ ਇਸ ਦੀ ਸਪਲਾਈ ਸ਼ਰਾਬ ਦੀਆਂ ਦੁਕਾਨਾਂ 'ਤੇ ਕੀਤੀ ਜਾ ਰਹੀ ਹੈ। ਇਹ ਕੰਮ 48 ਘੰਟਿਆਂ ’ਚ ਪੂਰਾ ਹੋ ਜਾਵੇਗਾ। ਜ਼ਿਲ੍ਹਾ ਆਬਕਾਰੀ ਅਧਿਕਾਰੀ ਕੇਪੀ ਯਾਦਵ ਨੇ ਦੱਸਿਆ ਕਿ ਬਲੈਕ ਲੇਬਲ, ਰੈੱਡ ਲੇਬਲ, ਗੋਲਡ ਲੇਬਲ, ਬਲੂ ਲੇਬਲ ਸਮੇਤ ਹੋਰ ਬ੍ਰਾਂਡਾਂ ਦੀਆਂ ਕੀਮਤਾਂ ’ਚ ਕਮੀ ਆਈ ਹੈ।
- 3,000 ਰੁਪਏ ਦੀ ਬੋਤਲ ਦੀ ਕੀਮਤ ’ਚ 300 ਰੁਪਏ ਤੱਕ ਦੀ ਕਮੀ।
- 5,000 ਰੁਪਏ ਦੀ ਬੋਤਲ ’ਚ 500 ਰੁਪਏ ਤੱਕ ਦੀ ਕਮੀ।
- 10,000 ਰੁਪਏ ਦੀ ਬੋਤਲ ’ਚ 1,000 ਰੁਪਏ ਤੱਕ ਦੀ ਕਮੀ।
- 15,000 ਰੁਪਏ ਦੀ ਬੋਤਲ ’ਚ 1,500 ਰੁਪਏ ਤੱਕ ਦੀ ਕਮੀ।
ਫੈਕਟ ਫਾਈਲ
- ਜ਼ਿਲ੍ਹੇ ’ਚ 35 ਮਾਡਲ ਸ਼ਾਪ ਹਨ।
- ਜ਼ਿਲ੍ਹੇ ’ਚ 12 ਪ੍ਰੀਮੀਅਮ ਸ਼ਾਪ ਹਨ।
- 265 ਕੰਪੋਜ਼ਿਟ ਸ਼ਾਪ ਹਨ।
- ਹਰ ਰੋਜ਼ ਲਗਭਗ 4 ਕਰੋੜ ਰੁਪਏ ਦੀ ਸ਼ਰਾਬ ਵਿਕਦੀ ਹੈ।
- ਹਰ ਰੋਜ਼ 20 ਤੋਂ 25 ਲੱਖ ਰੁਪਏ ਦੀ ਸਕੌਚ ਤੇ ਵਿਸਕੀ ਵਿਕਦੀ ਹੈ।