ਕੁੱਤਿਆਂ ਦਾ ਖ਼ੌਫ਼......... ਗੇਟ ਖੋਲ੍ਹਦੇ ਹੀ ਔਰਤ ’ਤੇ ਟੁੱਟ ਪਏ 6 ਕੁੱਤੇ, ਕੀਤਾ ਲਹੂ-ਲੁਹਾਣ; ਪਤੀ-ਪਤਨੀ ਖ਼ਿਲਾਫ਼ FIR ਦਰਜ

ਜਾਗਰਣ ਸੰਵਾਦਦਾਤਾ, ਯਮੁਨਾਨਗਰ : ਹਰਿਆਣਾ ਦੇ ਯਮੁਨਾਨਗਰ ਜ਼ਿਲ੍ਹੇ ਦੇ ਮੰਡੌਲੀ ਪਿੰਡ ’ਚ ਘਰ ਦੇ ਬਾਹਰ ਬੇਖ਼ੌਫ਼ ਘੁੰਮ ਰਹੇ ਪਾਲਤੂ ਕੁੱਤਿਆਂ ਦੇ ਦਹਿਸ਼ਤ ਕਾਰਨ ਇੱਕ ਔਰਤ ਗੰਭੀਰ ਰੂਪ ’ਚ ਜ਼ਖ਼ਮੀ ਹੋ ਗਈ। ਔਰਤ ਦਾ ਇਲਾਜ ਚੱਲ ਰਿਹਾ ਹੈ। ਪੁਲਿਸ ਨੇ ਸ਼ਿਕਾਇਤ ਦੇ ਆਧਾਰ ’ਤੇ ਕੁੱਤੇ ਪਾਲਣ ਵਾਲੇ ਸੰਜੇ ਤੇ ਉਸ ਦੀ ਪਤਨੀ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ। ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ’ਚ ਮੰਡੌਲੀ ਵਾਸੀ ਸ਼ਹੀਦਾ ਨੇ ਦੱਸਿਆ ਕਿ ਪਿੰਡ ’ਚ ਸੰਜੇ ਤੇ ਉਸ ਦੀ ਪਤਨੀ ਸ਼ੈਲੀ ਨੇ ਆਪਣੇ ਘਰ ’ਚ ਪੰਜ-ਛੇ ਕੁੱਤੇ ਪਾਲ ਰੱਖੇ ਹਨ।