ਮੈਨਪੁਰੀ ’ਚ ਨੇਪਾਲ ਜਾ ਰਿਹਾ ਟੈਂਕਰ ਪਲਟਿਆ, ਗੈਸ ਲੀਕ ਹੋਣ ਨਾਲ ਮਚੀ ਹਲਚਲ; ਰਸਤਾ ਬੰਦ

ਜਾਗਰਣ ਸੰਵਾਦਦਾਤਾ, ਮੈਨਪੁਰੀ : ਮਥੁਰਾ ਰਿਫਾਈਨਰੀ ਤੋਂ ਇੱਕ ਹਜ਼ਾਰ ਕਿਲੋ ਗੈਸ ਲੈ ਕੇ ਨੇਪਾਲ ਜਾ ਰਿਹਾ ਟੈਂਕਰ ਮੰਗਲਵਾਰ ਸਵੇਰੇ ਦੰਨਾਹਾਰ ਖੇਤਰ ਦੇ ਸ਼ਿਕੋਹਾਬਾਦ-ਮੈਨਪੁਰੀ ਮਾਰਗ ’ਤੇ ਹਿਮਾਯੂੰਪੁਰ ਨੇੜੇ ਬੇਕਾਬੂ ਹੋ ਕੇ ਸੜਕ ਕਿਨਾਰੇ ਪਲਟ ਗਿਆ। ਟੈਂਕਰ ਪਲਟਣ ਕਾਰਨ ਵਾਲਵ ਖ਼ਰਾਬ ਹੋ ਗਿਆ, ਜਿਸ ਕਾਰਨ ਗੈਸ ਲੀਕ ਹੋਣ ਲੱਗੀ। ਇਸ ਨਾਲ ਇਲਾਕੇ ਵਿੱਚ ਅਫ਼ਰਾ-ਤਫ਼ਰੀ ਮਚ ਗਈ। ਪੁਲਿਸ ਅਤੇ ਫਾਇਰ ਬ੍ਰਿਗੇਡ ਦੀ ਟੀਮ ਨੇ ਲਗਭਗ ਇੱਕ ਕਿਲੋਮੀਟਰ ਤੱਕ ਵਾਹਨਾਂ ਦੀ ਆਵਾਜਾਈ ਰੋਕ ਕੇ ਰਾਹਤ ਕਾਰਜ ਸ਼ੁਰੂ ਕਰ ਦਿੱਤਾ ਹੈ। ਸੋਮਵਾਰ ਰਾਤ 12:30 ਵਜੇ ਮਥੁਰਾ ਰਿਫਾਈਨਰੀ ਤੋਂ ਇੱਕ ਕੈਪਸੂਲ ਟੈਂਕਰ ਇੱਕ ਹਜ਼ਾਰ ਕਿਲੋ ਗੈਸ ਲੈ ਕੇ ਨੇਪਾਲ ਲਈ ਰਵਾਨਾ ਹੋਇਆ ਸੀ।

ਮਥੁਰਾ ਤੋਂ ਨੇਪਾਲ ਜਾਂਦੇ ਸਮੇਂ ਵਾਪਰਿਆ ਹਾਦਸਾ

ਮੰਗਲਵਾਰ ਸਵੇਰੇ ਜਦੋਂ ਟੈਂਕਰ ਸ਼ਿਕੋਹਾਬਾਦ-ਮੈਨਪੁਰੀ ਮਾਰਗ ’ਤੇ ਦੰਨਾਹਾਰ ਖੇਤਰ ’ਚ ਪਿੰਡ ਹਿਮਾਯੂੰਪੁਰ ਨੇੜੇ ਪਹੁੰਚਿਆ ਤਾਂ ਕਰੀਬ ਸਾਢੇ ਨੌਂ ਵਜੇ ਚਾਲਕ ਦਾ ਟੈਂਕਰ ਤੋਂ ਕੰਟਰੋਲ ਤੋਂ ਬਾਹਰ ਗਿਆ। ਟੈਂਕਰ ਬੇਕਾਬੂ ਹੋ ਕੇ ਸੜਕ ਕਿਨਾਰੇ ਖੇਤ ’ਚ ਜਾ ਕੇ ਪਲਟ ਗਿਆ। ਟੈਂਕਰ ਦਾ ਵਾਲਵ ਖ਼ਰਾਬ ਹੋਣ ਕਾਰਨ ਗੈਸ ਲੀਕ ਹੋਣ ਲੱਗੀ।

ਪੁਲਿਸ ਨੇ ਰਸਤਾ ਬੰਦ ਕੀਤਾ, ਫਾਇਰ ਬ੍ਰਿਗੇਡ ਦੀ ਟੀਮ ਰਾਹਤ ਕਾਰਜ ’ਚ ਜੁਟੀ

ਗੈਸ ਦੀ ਬਦਬੂ ਫੈਲਣ ਕਾਰਨ ਸਥਾਨਕ ਲੋਕਾਂ, ਰਾਹਗੀਰਾਂ ਤੇ ਵਾਹਨ ਚਾਲਕਾਂ ’ਚ ਅਫ਼ਰਾ-ਤਫ਼ਰੀ ਮਚ ਗਈ। ਸੂਚਨਾ ਮਿਲਣ ’ਤੇ ਦੰਨਾਹਾਰ ਦੇ ਇੰਸਪੈਕਟਰ ਸ਼ਤਰੁੰਜਯ ਕੁਮਾਰ ਸਿੰਘ ਫਾਇਰ ਵਿਭਾਗ ਦੀਆਂ ਦੋ ਟੀਮਾਂ ਨਾਲ ਮੌਕੇ ’ਤੇ ਪਹੁੰਚੇ। ਪੁਲਿਸ ਨੇ ਲਗਭਗ ਇੱਕ ਕਿਲੋਮੀਟਰ ਦੇ ਇਲਾਕੇ ’ਚ ਬੈਰੀਕੇਡਿੰਗ ਕਰਵਾ ਕੇ ਵਾਹਨਾਂ ਦੀ ਆਵਾਜਾਈ ਪੂਰੀ ਤਰ੍ਹਾਂ ਰੋਕ ਦਿੱਤੀ ਹੈ। ਜਾਣਕਾਰੀ ਮਿਲਣ ’ਤੇ ਐੱਚਪੀ ਗੈਸ ਕੰਪਨੀ ਦੇ ਅਧਿਕਾਰੀ ਵੀ ਮੌਕੇ ’ਤੇ ਪਹੁੰਚ ਗਏ ਹਨ। ਟੀਮ ਵੱਲੋਂ ਬਚਾਅ ਤੇ ਰਾਹਤ ਕਾਰਜ ਜਾਰੀ ਹੈ।