ਕੜ੍ਹੀ-ਚੌਲ ਵੇਚਣ ਵਾਲੇ ਨੇ ਕੀਤੀ ਕਰੋੜਾਂ ਦੀ ਠੱਗੀ, ਬਣ ਬੈਠਾ ਆਲੀਸ਼ਾਨ ਫਾਰਮਹਾਊਸ ਤੇ ਲਗਜ਼ਰੀ ਕਾਰਾਂ ਦਾ ਮਾਲਕ

ਪੁਲਿਸ ਜਾਂਚ ਮੁਤਾਬਕ ਰਾਜੇਸ਼ ਨੂੰ ਉਸਦੇ ਦੋਸਤ ਪ੍ਰਮੋਦ ਕੰਬੋਜ ਨੇ ਬਲੂਮ ਕੰਪਨੀ ਨਾਮ ਦੇ ਪੋਰਟਲ ਨਾਲ ਜੋੜਿਆ ਸੀ। ਉਸ ਨੇ ਸ਼ੁਰੂ ਵਿੱਚ 7,500 ਰੁਪਏ ਨਿਵੇਸ਼ ਕੀਤੇ। ਕੰਪਨੀ ਬੰਦ ਹੋਣ ਤੋਂ ਬਾਅਦ ਉਸ ਨੇ ਦੂਜੀ ਸਕੀਮ ਵਿੱਚ 2 ਲੱਖ ਰੁਪਏ ਨਿਵੇਸ਼ ਕੀਤੇ ਅਤੇ ਇਸ ਤੋਂ ਬਾਅਦ ਕਥਿਤ ਤੌਰ ’ਤੇ ਨਿਵੇਸ਼ਕਾਂ ਦਾ ਨੈੱਟਵਰਕ ਖੜ੍ਹਾ ਕਰਨ ਵਿੱਚ ਜੁਟ ਗਿਆ। ਚੰਡੀਗੜ੍ਹ, ਮੋਹਾਲੀ ਅਤੇ ਹੋਰ ਸ਼ਹਿਰਾਂ ਵਿੱਚ ਸੈਮੀਨਾਰ ਕਰਵਾ ਕੇ ਲੋਕਾਂ ਨੂੰ ਨਿਵੇਸ਼ ਲਈ ਜੋੜਿਆ ਗਿਆ। ਵੱਡਾ ਨੈੱਟਵਰਕ ਬਣਾਉਣ ਤੋਂ ਬਾਅਦ ਰਾਜੇਸ਼ ਨੂੰ ਕੰਪਨੀ ਵਿੱਚ ਸੀਨੀਅਰ ਪ੍ਰਾਜੈਕਟ ਹੈੱਡ ਦੀ ਜ਼ਿੰਮੇਵਾਰੀ ਮਿਲਣ ਦੀ ਗੱਲ ਸਾਹਮਣੇ ਆਈ ਹੈ। ਰਾਜੇਸ਼ ਨੇ ਕਥਿਤ ਤੌਰ ’ਤੇ ਦਾਅਵਾ ਕੀਤਾ ਸੀ ਕਿ ਕੰਪਨੀ ਵੱਲੋਂ ਉਸ ਨੂੰ ਮਰਸਡੀਜ਼ ਕਾਰ ਤੋਹਫ਼ੇ ਵਿੱਚ ਦਿੱਤੀ ਗਈ ਅਤੇ ਉਸ ਨੇ ਥੋੜ੍ਹੇ ਸਮੇਂ ਵਿੱਚ 2 ਕਰੋੜ ਰੁਪਏ ਕਮਾ ਲਏ।