PM ਮੋਦੀ ਦਾ ਅਨੋਖਾ ਅੰਦਾਜ਼: ਲਾਲ ਜੋਧਪੁਰੀ ਬੰਧੇਜ ਤੋਂ ਲੈ ਕੇ 'ਟਾਈ-ਐਂਡ-ਡਾਈ' ਪੱਗ ਤੱਕ, ਆਜ਼ਾਦੀ ਦਿਵਸ 'ਤੇ ਹਰ ਸਾਲ ਬਦਲਦਾ ਰਿਹਾ ਹੈ ਪ੍ਰਧਾਨ ਮੰਤਰੀ ਦਾ ਲੁੱਕ

80ਵੇਂ ਆਜ਼ਾਦੀ ਦਿਵਸ ਦੇ ਮੌਕੇ 'ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਹਰ ਵਾਰ ਦੀ ਤਰ੍ਹਾਂ ਆਪਣੇ ਵੱਖਰੇ ਅਤੇ ਖ਼ਾਸ ਅੰਦਾਜ਼ 'ਚ ਨਜ਼ਰ ਆਏ। ਆਜ਼ਾਦੀ ਦਿਵਸ ਦੇ ਮੌਕੇ 'ਤੇ ਉਨ੍ਹਾਂ ਨੇ ਲਾਲ ਕਿਲ੍ਹੇ ਦੀ ਇਤਿਹਾਸਕ ਫ਼ਸੀਲ ਤੋਂ ਲਗਾਤਾਰ 13ਵੀਂ ਵਾਰ ਰਾਸ਼ਟਰ ਨੂੰ ਸੰਬੋਧਨ ਕੀਤਾ। ਇਸ ਇਤਿਹਾਸਕ ਪਲ 'ਚ ਉਨ੍ਹਾਂ ਨੇ ਰਵਾਇਤੀ ਲਾਲ ਰੰਗ ਦੀ ਟਾਈ-ਐਂਡ-ਡਾਈ (ਬੰਧੇਜ) ਪੱਗ ਬੰਨ੍ਹ ਕੇ ਭਾਰਤ ਦੀ ਅਮੀਰ ਸੱਭਿਆਚਾਰਕ ਵਿਰਸੇ ਨੂੰ ਨਮਨ ਕੀਤਾ।

ਡਿਜੀਟਲ ਡੈਸਕ, ਨਵੀਂ ਦਿੱਲੀ - 80ਵੇਂ ਆਜ਼ਾਦੀ ਦਿਵਸ ਦੇ ਮੌਕੇ 'ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਹਰ ਵਾਰ ਦੀ ਤਰ੍ਹਾਂ ਆਪਣੇ ਵੱਖਰੇ ਅਤੇ ਖ਼ਾਸ ਅੰਦਾਜ਼ 'ਚ ਨਜ਼ਰ ਆਏ। ਆਜ਼ਾਦੀ ਦਿਵਸ ਦੇ ਮੌਕੇ 'ਤੇ ਉਨ੍ਹਾਂ ਨੇ ਲਾਲ ਕਿਲ੍ਹੇ ਦੀ ਇਤਿਹਾਸਕ ਫ਼ਸੀਲ ਤੋਂ ਲਗਾਤਾਰ 13ਵੀਂ ਵਾਰ ਰਾਸ਼ਟਰ ਨੂੰ ਸੰਬੋਧਨ ਕੀਤਾ। ਇਸ ਇਤਿਹਾਸਕ ਪਲ 'ਚ ਉਨ੍ਹਾਂ ਨੇ ਰਵਾਇਤੀ ਲਾਲ ਰੰਗ ਦੀ ਟਾਈ-ਐਂਡ-ਡਾਈ (ਬੰਧੇਜ) ਪੱਗ ਬੰਨ੍ਹ ਕੇ ਭਾਰਤ ਦੀ ਅਮੀਰ ਸੱਭਿਆਚਾਰਕ ਵਿਰਸੇ ਨੂੰ ਨਮਨ ਕੀਤਾ।

ਪੀ.ਐੱਮ. ਮੋਦੀ ਦਾ ਰਾਜਸਥਾਨੀ ਅਤੇ ਗੁਜਰਾਤੀ ਲੁੱਕ

ਪ੍ਰਧਾਨ ਮੰਤਰੀ ਮੋਦੀ ਨੇ ਆਪਣੇ ਚਿੱਟੇ ਕੁੜਤੇ ਅਤੇ ਚਾਕਲੇਟ ਬ੍ਰਾਊਨ ਵੇਸਟ (ਜੈਕੇਟ) ਨਾਲ ਇਹ ਰਵਾਇਤੀ ਪੱਗ ਪਹਿਨੀ, ਜੋ ਰਾਜਸਥਾਨੀ ਅਤੇ ਗੁਜਰਾਤੀ ਸੱਭਿਆਚਾਰ 'ਚ ਆਮ ਹੈ। ਇਸ ਦੇ ਨਾਲ ਹੀ, ਉਨ੍ਹਾਂ ਨੇ ਆਪਣੀ ਜੈਕੇਟ 'ਤੇ ਕੇਸਰੀ, ਹਰੇ ਅਤੇ ਚਿੱਟੇ ਰੰਗ ਦਾ ਤਿਰੰਗਾ ਪਾਕੇਟ ਸਕੁਏਅਰ ਵੀ ਲਗਾਇਆ ਸੀ।

ਆਜ਼ਾਦੀ ਦਿਵਸ ਦੇ ਸਮਾਰੋਹ 'ਚ ਪ੍ਰਧਾਨ ਮੰਤਰੀ ਦੀਆਂ ਪੱਗਾਂ ਹਮੇਸ਼ਾ ਤੋਂ ਹੀ ਲੋਕਾਂ ਦੇ ਖਿੱਚ ਦਾ ਕੇਂਦਰ ਰਹੀਆਂ ਹਨ। ਪਿਛਲੇ ਸਾਲ (2025) ਉਨ੍ਹਾਂ ਨੇ ਸੰਤਰੀ, ਪੀਲੇ ਅਤੇ ਹਰੇ ਰੰਗਾਂ ਦੀ ਝਲਕ ਵਾਲੀ ਚਮਕਦਾਰ ਰਾਜਸਥਾਨੀ ਲਹਿਰੀਆ ਪੱਗ ਪਹਿਨੀ ਸੀ।

ਬੀਤੇ ਸਾਲਾਂ 'ਚ ਪੀ.ਐੱਮ. ਨੇ ਪਹਿਨੀਆਂ ਪੱਗਾਂ

ਉੱਥੇ ਹੀ 2023 'ਚ ਉਨ੍ਹਾਂ ਨੇ ਪੀਲੇ, ਹਰੇ ਅਤੇ ਲਾਲ ਰੰਗ ਦੇ ਸ਼ੇਡਜ਼ ਵਾਲੀ ਬਾਂਧਣੀ ਪ੍ਰਿੰਟ ਪੱਗ ਨੂੰ ਕਾਲੀ ਵੀ-ਨੈੱਕ ਜੈਕੇਟ ਨਾਲ ਪਹਿਨਿਆ ਸੀ, ਜਦੋਂ ਕਿ 2022 'ਚ ਉਨ੍ਹਾਂ ਨੇ ਲਾਲ ਮੋਟਿਫ ਅਤੇ ਲਹਿਰਾਉਂਦੀ ਪੂਛ ਵਾਲੀ ਕੇਸਰੀ ਪੱਗ ਚੁਣੀ ਸੀ।

ਸਾਲ 2021 'ਚ ਉਨ੍ਹਾਂ ਨੇ ਕਰੀਮ ਅਤੇ ਕੇਸਰੀ ਰੰਗ ਦੀ ਪੱਗ ਪਹਿਨੀ, ਜਦੋਂ ਕਿ 2020 'ਚ ਕੋਵਿਡ-19 ਮਹਾਮਾਰੀ ਦੇ ਸਮੇਂ ਉਨ੍ਹਾਂ ਨੇ ਕੇਸਰੀ ਬਾਰਡਰ ਵਾਲੇ ਚਿੱਟੇ ਸਕਾਰਫ਼ ਨਾਲ ਚਿਹਰਾ ਢੱਕਿਆ ਸੀ।

ਭਾਰਤੀ ਪਰੰਪਰਾ ਅਤੇ ਰੰਗਾਂ ਦੀ ਵਿਭਿੰਨਤਾ

ਜ਼ਿਕਰਯੋਗ ਹੈ ਕਿ 2014 'ਚ ਪ੍ਰਧਾਨ ਮੰਤਰੀ ਬਣਨ ਤੋਂ ਬਾਅਦ ਆਪਣੇ ਪਹਿਲੇ ਆਜ਼ਾਦੀ ਦਿਵਸ ਭਾਸਣ ਦੌਰਾਨ ਉਨ੍ਹਾਂ ਨੇ ਗੂੜ੍ਹੇ ਲਾਲ ਰੰਗ ਦੀ ਜੋਧਪੁਰੀ ਬਾਂਧੇਜ ਪੱਗ ਪਹਿਨੀ ਸੀ।

ਇਸ ਤੋਂ ਬਾਅਦ 2015 ਦੀ ਪੀਲੀ-ਬਹੁਰੰਗੀ ਕ੍ਰਿਸ-ਕ੍ਰਾਸ ਪੱਗ, 2016 ਦੀ ਗੁਲਾਬੀ-ਪੀਲੀ ਟਾਈ-ਐਂਡ-ਡਾਈ, 2017 ਦੀ ਗੂੜ੍ਹੇ ਲਾਲ-ਪੀਲੇ ਰੰਗ ਦੀ ਪੱਗ ਅਤੇ 2018 ਦੀ ਖ਼ਾਸ ਕੇਸਰੀ ਪੱਗ ਤੱਕ, ਹਰ ਸਾਲ ਉਨ੍ਹਾਂ ਦੇ ਇਸ ਪਹਿਰਾਵੇ ਨੇ ਭਾਰਤੀ ਪਰੰਪਰਾ ਅਤੇ ਰੰਗਾਂ ਦੀ ਵਿਭਿੰਨਤਾ ਨੂੰ ਬਾਖ਼ੂਬੀ ਪ੍ਰਦਰਸ਼ਿਤ ਕੀਤਾ ਹੈ।

(ਨਿਊਜ਼ ਏਜੰਸੀ ਪੀ.ਟੀ.ਆਈ. ਦੇ ਇਨਪੁਟ ਨਾਲ)