NEET ਤੇ JEE ਦੀ ਮੁਫ਼ਤ ਕੋਚਿੰਗ ਅਕਤੂਬਰ 'ਚ ਹੋਵੇਗੀ ਸ਼ੁਰੂ, ਹਰ ਵਿਦਿਆਰਥੀ ਨੂੰ ਮਿਲੇਗਾ ਨਿੱਜੀ AI ਟਿਊਟਰ

ਜਾਗਰਣ ਬਿਊਰੋ, ਨਵੀਂ ਦਿੱਲੀ : ਸਭ ਕੁਝ ਠੀਕ ਰਿਹਾ ਤਾਂ ਅਕਤੂਬਰ ਤੱਕ ਦੇਸ਼ ਵਿੱਚ ਆਨਲਾਈਨ ਮੁਫ਼ਤ ਕੋਚਿੰਗ ਦੀ ਸ਼ੁਰੂਆਤ ਹੋ ਸਕਦੀ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਐਲਾਨ ਤੋਂ ਬਾਅਦ ਸਿੱਖਿਆ ਮੰਤਰਾਲਾ ਇਸ ਯੋਜਨਾ ਨੂੰ ਲਾਗੂ ਕਰਨ ਲਈ ਤੇਜ਼ੀ ਨਾਲ ਕੰਮ ਕਰ ਰਿਹਾ ਹੈ। ਇਸ ਦੀ ਜ਼ਿੰਮੇਵਾਰੀ IIT ਮਦਰਾਸ ਅਤੇ ਇਸ ਦੇ Excellence AI Centre for Education (Bodhan AI) ਨੂੰ ਸੌਂਪੀ ਗਈ ਹੈ। ਪੇਸ਼ ਕੀਤੀ ਜਾ ਰਹੀ ਯੋਜਨਾ ਮੁਤਾਬਕ ਇਸ ਨੂੰ UPI ਦੀ ਤਰਜ਼ ’ਤੇ ਸ਼ੁਰੂ ਕੀਤਾ ਜਾ ਸਕਦਾ ਹੈ। ਸਕੈਨ ਕਰਦੇ ਹੀ ਵਿਦਿਆਰਥੀਆਂ ਨੂੰ ਸਬੰਧਤ ਵਿਸ਼ੇ ਨਾਲ ਜੁੜੀ ਪੂਰੀ ਅਧਿਐਨ ਸਮੱਗਰੀ ਮਿਲ ਸਕੇਗੀ। ਇਸ ਦੇ ਨਾਲ ਹਰ ਵਿਦਿਆਰਥੀ ਨੂੰ ਇੱਕ AI ਟਿਊਟਰ ਵੀ ਮੁਹੱਈਆ ਕਰਵਾਇਆ ਜਾਵੇਗਾ, ਜੋ ਪੜ੍ਹਾਈ ਦੌਰਾਨ 24 ਘੰਟੇ ਮਦਦ ਲਈ ਉਪਲਬਧ ਰਹੇਗਾ।