ਸਾਬਕਾ PM ਮਨਮੋਹਨ ਸਿੰਘ ਨੂੰ ਸੰਮਨ ਕਰਨ ਵਾਲੇ ਜੱਜ ਭਰਤ ਪਰਾਸ਼ਰ ਹੁਣ ਦਿੱਲੀ High Court ’ਚ, ਕੌਣ ਹਨ 7 ਨਵੇਂ ਜੱਜ?

ਟ੍ਰਾਇਲ ਕੋਰਟ ਤੋਂ ਹਾਈ ਕੋਰਟ ਪਹੁੰਚਣ ਵਾਲੇ ਜੱਜ ਭਰਤ ਪਰਾਸ਼ਰ ਸਭ ਤੋਂ ਚਰਚਿਤ ਨਾਮ ਹਨ। ਉਨ੍ਹਾਂ ਨੇ ਹੀ ਕੋਲਾ ਬਲਾਕ ਘਪਲਾ ਮਾਮਲੇ ’ਚ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੂੰ ਸੰਮਨ ਕੀਤਾ ਸੀ। 2014 ’ਚ ਸੁਪਰੀਮ ਕੋਰਟ ਨੇ ਉਨ੍ਹਾਂ ਨੂੰ ਕੋਲ ਬਲਾਕ ਮਾਮਲਿਆਂ ਦਾ ਵਿਸ਼ੇਸ਼ ਜੱਜ ਬਣਾਇਆ ਸੀ। ਉਹ ਪਟਿਆਲਾ ਹਾਊਸ ’ਚ ਐਡੀਸ਼ਨਲ ਸੈਸ਼ਨ ਜੱਜ ਰਹੇ ਤੇ ਬਾਅਦ ’ਚ ਦਿੱਲੀ ਹਾਈ ਕੋਰਟ ਦੇ ਜੁਆਇੰਟ ਰਜਿਸਟਰਾਰ ਰਹੇ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਨਾਲਸਾ ਦਾ ਮੈਂਬਰ ਸਕੱਤਰ ਨਿਯੁਕਤ ਕੀਤਾ ਗਿਆ ਤੇ ਉਹ ਸੁਪਰੀਮ ਕੋਰਟ ’ਚ ਆਫਿਸਰ ਆਨ ਸਪੈਸ਼ਲ ਡਿਊਟੀ ਵਜੋਂ ਵੀ ਤਾਇਨਾਤ ਰਹੇ ਹਨ। ਜੱਜ ਅਰੁਣ ਭਾਰਦਵਾਜ ਹਾਈ ਕੋਰਟ ਦੇ ਜੱਜ ਵਜੋਂ ਨਿਯੁਕਤੀ ਤੋਂ ਠੀਕ ਪਹਿਲਾਂ ਤੱਕ ਦਿੱਲੀ ਹਾਈ ਕੋਰਟ ਦੇ ਰਜਿਸਟਰਾਰ ਜਨਰਲ ਦੀ ਜ਼ਿੰਮੇਵਾਰੀ ਸੰਭਾਲ ਰਹੇ ਸਨ। ਇਸ ਤੋਂ ਪਹਿਲਾਂ ਸੁਪਰੀਮ ਕੋਰਟ ਨੇ ਉਨ੍ਹਾਂ ਨੂੰ ਭਰਤ ਪਰਾਸ਼ਰ ਦੀ ਥਾਂ ਕੋਲ ਘਪਲਾ ਮਾਮਲੇ ਦਾ ਵਿਸ਼ੇਸ਼ ਜੱਜ ਨਿਯੁਕਤ ਕੀਤਾ ਸੀ। ਉਨ੍ਹਾਂ ਨੂੰ ਹਾਈ ਕੋਰਟ ਪ੍ਰਸ਼ਾਸਨ ਦਾ ਪੂਰਾ ਤਜਰਬਾ ਹੈ।