ਕੋਰਟ ਦੇ ਬਾਹਰ ਦਿਨ ਦਿਹਾੜੇ ਫਾਇਰਿੰਗ, ਬਦਮਾਸ਼ਾਂ ਨੇ ਗੈਂਗਸਟਰ ਵਿਨੋਦ ਕਾਨਾ ਨੂੰ 14 ਗੋਲੀਆਂ ਮਾਰ ਕੇ ਉਤਾਰਿਆ ਮੌਤ ਦੇ ਘਾਟ

ਹਿਸਾਰ ਕੋਰਟ ਦੇ ਮੁੱਖ ਗੇਟ 'ਤੇ ਵਿਨੋਦ ਕਾਨਾ ਵੀਰਵਾਰ ਨੂੰ ਆਪਣੀ ਪੇਸ਼ੀ ਭੁਗਤਣ ਤੋਂ ਬਾਅਦ ਸਾਥੀਆਂ ਸਮੇਤ ਬਾਹਰ ਨਿਕਲ ਰਿਹਾ ਸੀ। ਇਸ ਦੌਰਾਨ ਘਾਤ ਲਗਾ ਕੇ ਬੈਠੇ ਦੋ ਹਮਲਾਵਰਾਂ ਨੇ ਗੇਟ 'ਤੇ ਹੀ ਅਚਾਨਕ ਹਮਲਾ ਕਰ ਦਿੱਤਾ ਅਤੇ ਇੱਕ ਤੋਂ ਬਾਅਦ ਇੱਕ ਕਰੀਬ 14 ਤੋਂ 15 ਰਾਊਂਡ ਫਾਇਰਿੰਗ ਕੀਤੀ। ਹਮਲਾਵਰ ਫਾਇਰਿੰਗ ਕਰਨ ਤੋਂ ਬਾਅਦ ਵਕੀਲਾਂ ਦੀ ਪਾਰਕਿੰਗ 'ਚੋਂ ਨਿਕਲ ਕੇ ਭੱਜਣ ਲੱਗੇ ਤਾਂ ਵਿਨੋਦ ਦੇ ਇੱਕ ਸਾਥੀ ਨੇ ਉਸ ਦਾ ਪਿੱਛਾ ਕੀਤਾ। ਇੱਕ ਹਮਲਾਵਰ ਨੇ ਇਸ ਸਮੇਂ ਵਿਨੋਦ ਦੇ ਸਾਥੀ 'ਤੇ ਗੋਲੀ ਚਲਾ ਦਿੱਤੀ ਅਤੇ ਗੋਲੀ ਜਾਂਘ 'ਤੇ ਲੱਗੀ। ਗੋਲੀ ਲੱਗਣ ਦੇ ਬਾਵਜੂਦ ਜ਼ਖ਼ਮੀ ਨੇ ਹਮਲਾਵਰ ਨੂੰ ਪਾਰਕਿੰਗ 'ਚ ਹੀ ਫੜ ਲਿਆ।