- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਪੈਰ ਬੰਨ੍ਹੇ ਤੇ ਮੂੰਹ 'ਚ ਤੁੰਨਿਆ ਕੱਪੜਾ... ਵਾਰ-ਵਾਰ ਰੋ ਰਿਹਾ ਸੀ 2 ਮਹੀਨੇ ਦਾ ਬੱਚਾ, ਮਾਂ ਨੇ ਬੇਰਹਿਮੀ ਨਾਲ ਕੀਤਾ ਕਤਲ
ਏਸੀਪੀ ਸ਼ੰਕਰ ਰੈੱਡੀ ਨੇ ਦੱਸਿਆ ਕਿ ਜਦੋਂ ਪੁਲਿਸ ਟੀਮ ਮੌਕੇ 'ਤੇ ਪਹੁੰਚੀ ਤਾਂ ਉੱਥੇ ਮਿਲੇ ਸਬੂਤ ਪ੍ਰੇਸ਼ਾਨ ਕਰਨ ਵਾਲੇ ਸਨ। ਬੱਚੇ ਦੇ ਮੂੰਹ ਵਿੱਚ ਕੱਪੜਾ ਤੁੰਨਿਆ ਹੋਇਆ ਸੀ ਅਤੇ ਉਸ ਦੇ ਪੈਰ ਰੱਸੀ ਨਾਲ ਬੱਝੇ ਹੋਏ ਸਨ। ਗੰਭੀਰ ਸੱਟਾਂ ਕਾਰਨ ਮਾਸੂਮ ਦੀ ਮੌਤ ਹੋ ਚੁੱਕੀ ਸੀ।
Posted By alisha
Publish Date: Wed, 25 Feb 2026 03:48 PM (IST)
Updated Date: Wed, 25 Feb 2026 03:58 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਤੇਲੰਗਾਨਾ ਵਿੱਚ ਮੰਗਲਵਾਰ ਨੂੰ ਇੱਕ ਬੇਹੱਦ ਹੈਰਾਨ ਕਰਨ ਵਾਲੀ ਅਤੇ ਦੁਖਦਾਈ ਘਟਨਾ ਸਾਹਮਣੇ ਆਈ ਹੈ। ਇੱਕ ਨਿਰਮਾਣ ਅਧੀਨ (Under Construction) ਅਪਾਰਟਮੈਂਟ ਵਿੱਚ ਇੱਕ ਮਾਂ ਨੇ ਆਪਣੇ ਮਹਿਜ਼ ਦੋ ਮਹੀਨਿਆਂ ਦੇ ਬੱਚੇ ਦਾ ਬੜੀ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ।
ਪੁਲਿਸ ਅਨੁਸਾਰ, ਇਸ ਘਟਨਾ ਦੀ ਜਾਣਕਾਰੀ 24 ਫਰਵਰੀ ਨੂੰ ਦੁਪਹਿਰ ਕਰੀਬ 12 ਵਜੇ 'ਡਾਇਲ 100' 'ਤੇ ਆਈ ਇੱਕ ਕਾਲ ਤੋਂ ਮਿਲੀ। ਸੂਚਨਾ ਮਿਲੀ ਸੀ ਕਿ ਆਊਟਰ ਰਿੰਗ ਰੋਡ ਨੇੜੇ ਸਪੀਡ ਸਨਰੈਲੀ ਅਪਾਰਟਮੈਂਟ ਵਿੱਚ ਇੱਕ ਬੱਚੇ ਦੀ ਸ਼ੱਕੀ ਹਾਲਤ ਵਿੱਚ ਮੌਤ ਹੋ ਗਈ ਹੈ।
ਪੁਲਿਸ ਨੂੰ ਮਿਲੇ ਰੂਹ ਕੰਬਾਊ ਸਬੂਤ
ਏਸੀਪੀ ਸ਼ੰਕਰ ਰੈੱਡੀ ਨੇ ਦੱਸਿਆ ਕਿ ਜਦੋਂ ਪੁਲਿਸ ਟੀਮ ਮੌਕੇ 'ਤੇ ਪਹੁੰਚੀ ਤਾਂ ਉੱਥੇ ਮਿਲੇ ਸਬੂਤ ਪ੍ਰੇਸ਼ਾਨ ਕਰਨ ਵਾਲੇ ਸਨ। ਬੱਚੇ ਦੇ ਮੂੰਹ ਵਿੱਚ ਕੱਪੜਾ ਤੁੰਨਿਆ ਹੋਇਆ ਸੀ ਅਤੇ ਉਸ ਦੇ ਪੈਰ ਰੱਸੀ ਨਾਲ ਬੱਝੇ ਹੋਏ ਸਨ। ਗੰਭੀਰ ਸੱਟਾਂ ਕਾਰਨ ਮਾਸੂਮ ਦੀ ਮੌਤ ਹੋ ਚੁੱਕੀ ਸੀ।
ਪਿਤਾ ਨੇ ਦੱਸੀ ਹੱਡਬੀਤੀ
ਇਸ ਮਾਮਲੇ ਦੀ ਸ਼ਿਕਾਇਤ 21 ਸਾਲਾ ਰਾਜੇਂਦਰ ਆਦਿਵਾਸੀ ਨੇ ਕੀਤੀ, ਜੋ ਮੱਧ ਪ੍ਰਦੇਸ਼ ਦੇ ਸਾਗਰ ਜ਼ਿਲ੍ਹੇ ਦਾ ਰਹਿਣ ਵਾਲਾ ਹੈ। ਰਾਜੇਂਦਰ ਇੱਥੇ ਮਜ਼ਦੂਰੀ ਕਰਦਾ ਹੈ ਅਤੇ ਆਪਣੀ ਪਤਨੀ ਮਮਤਾ ਅਹਿਰਵਾਰ (20) ਅਤੇ 2 ਮਹੀਨਿਆਂ ਦੇ ਬੇਟੇ ਸੂਰਿਆ ਨਾਲ ਇੱਕ ਕੱਚੇ ਕਮਰੇ ਵਿੱਚ ਰਹਿ ਰਿਹਾ ਸੀ।
ਰਾਜੇਂਦਰ ਨੇ ਪੁਲਿਸ ਨੂੰ ਦੱਸਿਆ, ਸਵੇਰੇ ਉਹ ਕੰਮ 'ਤੇ ਗਿਆ ਸੀ ਅਤੇ ਬੱਚਾ ਉਸ ਦੀ ਪਤਨੀ ਕੋਲ ਸੀ। ਜਦੋਂ ਉਹ ਸਵੇਰੇ 11 ਵਜੇ ਵਾਪਸ ਆਇਆ ਤਾਂ ਉਸ ਨੇ ਦੇਖਿਆ ਕਿ ਉਸ ਦੀ ਪਤਨੀ ਅੱਗ ਕੋਲ ਬੈਠੀ ਸੀ ਅਤੇ ਬੱਚੇ ਨੂੰ ਸਾੜਨ ਦੀ ਕੋਸ਼ਿਸ਼ ਕਰ ਰਹੀ ਸੀ।ਜਦੋਂ ਉਸ ਨੇ ਪਤਨੀ ਨੂੰ ਪਾਸੇ ਧੱਕ ਕੇ ਦੇਖਿਆ ਤਾਂ ਬੱਚੇ ਦੀ ਮੌਤ ਹੋ ਚੁੱਕੀ ਸੀ।
ਕਤਲ ਦੀ ਵਜ੍ਹਾ: ਬੱਚੇ ਦਾ ਲਗਾਤਾਰ ਰੋਣਾ
ਪੁੱਛਗਿੱਛ ਦੌਰਾਨ ਪੁਲਿਸ ਨੂੰ ਪਤਾ ਲੱਗਾ ਕਿ ਬੱਚਾ ਪਿਛਲੇ ਕੁਝ ਦਿਨਾਂ ਤੋਂ ਲਗਾਤਾਰ ਰੋ ਰਿਹਾ ਸੀ, ਜਿਸ ਕਾਰਨ ਮਮਤਾ ਕਾਫੀ ਪ੍ਰੇਸ਼ਾਨ ਸੀ। ਬੱਚੇ ਨੂੰ ਰੋਣ ਤੋਂ ਰੋਕਣ ਲਈ ਉਸ ਨੇ ਕਥਿਤ ਤੌਰ 'ਤੇ ਉਸ ਦੇ ਮੂੰਹ ਵਿੱਚ ਕੱਪੜਾ ਤੁੰਨ ਦਿੱਤਾ ਅਤੇ ਪੈਰ ਬੰਨ੍ਹ ਦਿੱਤੇ। ਜਦੋਂ ਬੱਚੇ ਦਾ ਦਮ ਘੁੱਟਣ ਕਾਰਨ ਮੌਤ ਹੋ ਗਈ ਤਾਂ ਉਸ ਨੇ ਲਾਸ਼ ਨੂੰ ਅੱਗ ਵਿੱਚ ਸੁੱਟਣ ਦੀ ਕੋਸ਼ਿਸ਼ ਕੀਤੀ। ਪੁਲਿਸ ਨੇ ਮੁਲਜ਼ਮ ਮਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ ਅਤੇ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।