- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਰਹੱਦ ਵੀ ਨਹੀਂ ਰੋਕ ਸਕੀ ਪਿਆਰ ਨੂੰ: 'ਆਪ੍ਰੇਸ਼ਨ ਸਿੰਦੂਰ' ਤੋਂ ਬਾਅਦ 150 ਪਾਕਿਸਤਾਨੀ ਦੁਲਹਨਾਂ ਨੇ ਭਾਰਤ ’ਚ ਰਚਾਇਆ ਵਿਆਹ
ਘੱਟੋ-ਘੱਟ 150 ਪਾਕਿਸਤਾਨੀ ਦੁਲਹਨਾਂ ਮਸਕਟ, ਕੋਲੰਬੋ, ਢਾਕਾ, ਦੁਬਈ ਅਤੇ ਕਤਰ ਤੋਂ ਕਨੈਕਟਿੰਗ ਫਲਾਈਟ ਲੈ ਕੇ ਭਾਰਤ ਦੇ ਸ਼ਹਿਰਾਂ ਨਾਗਪੁਰ, ਜੋਧਪੁਰ, ਅਹਿਮਦਾਬਾਦ, ਰਾਏਪੁਰ, ਪੁਣੇ ਅਤੇ ਭੋਪਾਲ ਪਹੁੰਚੀਆਂ, ਤਾਂ ਜੋ ਉਹ 'ਸਿੰਦੂਰ' ਦੇ ਅਟੁੱਟ ਬੰਧਨ ’ਚ ਬੱਝ ਸਕਣ। ਦੱਸ ਦੇਈਏ ਕਿ ਗ੍ਰਹਿ ਮੰਤਰਾਲੇ ਵੱਲੋਂ ਦਿੱਤੀ ਗਈ ਵਿਸ਼ੇਸ਼ ਛੋਟ ਕਾਰਨ ਹੀ ਇਹ ਯਾਤਰਾਵਾਂ ਸੰਭਵ ਹੋ ਸਕੀਆਂ।
Posted By Anuradha Bains
Publish Date: Sun, 23 Aug 2026 01:01 PM (IST)
Updated Date: Sun, 23 Aug 2026 01:04 PM (IST)
ਡਿਜੀਟਲ ਡੈਸਕ, ਨਾਗਪੁਰ। ਆਪ੍ਰੇਸ਼ਨ ਸਿੰਦੂਰ ਤੋਂ ਬਾਅਦ ਪਾਕਿਸਤਾਨ ਨਾਲ ਸਰਹੱਦਾਂ ਬੰਦ ਹੋਣ ਕਾਰਨ, ਪ੍ਰੇਮ ਸਬੰਧ ਅਧੂਰੇ ਰਹਿ ਗਏ ਸਨ ਅਤੇ ਟਕਰਾਅ ਦੇ ਮੱਦੇਨਜ਼ਰ ਪ੍ਰਬੰਧਿਤ ਵਿਆਹ ਹੋਣ ਦੀ ਸੰਭਾਵਨਾ ਘੱਟ ਜਾਪਦੀ ਸੀ। ਵਾਹਗਾ-ਅਟਾਰੀ ਗੇਟ ਬੰਦ ਕਰ ਦਿੱਤੇ ਗਏ ਸਨ ਅਤੇ ਇੰਤਜ਼ਾਰ ਔਖਾ ਸੀ, ਪਰ ਕੁਝ ਮਹੀਨੇ ਪਹਿਲਾਂ, ਉਮੀਦ ਦੀ ਇੱਕ ਕਿਰਨ ਫਿਰ ਤੋਂ ਉੱਭਰੀ।
ਘੱਟੋ-ਘੱਟ 150 ਪਾਕਿਸਤਾਨੀ ਦੁਲਹਨਾਂ ਮਸਕਟ, ਕੋਲੰਬੋ, ਢਾਕਾ, ਦੁਬਈ ਅਤੇ ਕਤਰ ਤੋਂ ਕਨੈਕਟਿੰਗ ਫਲਾਈਟ ਲੈ ਕੇ ਭਾਰਤ ਦੇ ਸ਼ਹਿਰਾਂ ਨਾਗਪੁਰ, ਜੋਧਪੁਰ, ਅਹਿਮਦਾਬਾਦ, ਰਾਏਪੁਰ, ਪੁਣੇ ਅਤੇ ਭੋਪਾਲ ਪਹੁੰਚੀਆਂ, ਤਾਂ ਜੋ ਉਹ 'ਸਿੰਦੂਰ' ਦੇ ਅਟੁੱਟ ਬੰਧਨ ’ਚ ਬੱਝ ਸਕਣ। ਦੱਸ ਦੇਈਏ ਕਿ ਗ੍ਰਹਿ ਮੰਤਰਾਲੇ ਵੱਲੋਂ ਦਿੱਤੀ ਗਈ ਵਿਸ਼ੇਸ਼ ਛੋਟ ਕਾਰਨ ਹੀ ਇਹ ਯਾਤਰਾਵਾਂ ਸੰਭਵ ਹੋ ਸਕੀਆਂ।
ਪਾਕਿਸਤਾਨ ਤੋਂ ਭਾਰਤ ਆਈਆਂ ਦੁਲਹਨਾਂ
ਦੁਲਹਨਾਂ ਨਾਲ ਪਾਕਿਸਤਾਨੀ ਰਿਸ਼ਤੇਦਾਰਾਂ ਨੂੰ ਆਉਣ ਦੀ ਇਜਾਜ਼ਤ ਤਾਂ ਸੀ ਪਰ ਉਨ੍ਹਾਂ ਨੇ ਤੈਅ ਸਮੇਂ ਦੇ ਅੰਦਰ-ਅੰਦਰ ਵਾਪਸ ਪਰਤਣਾ ਸੀ, ਜਿਸ ਕਾਰਨ ਇਹ ਵਿਆਹ ਕਾਫ਼ੀ ਸਾਦਗੀ ਨਾਲ ਹੋਏ। ਆਮ ਤੌਰ 'ਤੇ ਭਾਰਤ ਦਾ ਵੀਜ਼ਾ ਰੱਖਣ ਵਾਲੇ ਪਾਕਿਸਤਾਨੀ ਵਾਘਾ ਬਾਰਡਰ ਤੋਂ ਆਸਾਨੀ ਨਾਲ ਆ-ਜਾ ਸਕਦੇ ਹਨ ਪਰ ਜ਼ਮੀਨੀ ਸਰਹੱਦਾਂ ਬੰਦ ਹੋਣ ਕਾਰਨ ਉਨ੍ਹਾਂ ਨੂੰ ਹੁਣ ਹਵਾਈ ਜਹਾਜ਼ ਰਾਹੀਂ ਘੁੰਮ ਕੇ ਆਉਣਾ ਪਿਆ। ਇਸ ਸਾਲ ਅਪ੍ਰੈਲ ਤੋਂ ਜੂਨ ਦੇ ਵਿਚਕਾਰ ਦੁਲਹਨਾਂ ਆਪਣੇ ਲਗਭਗ 450 ਰਿਸ਼ਤੇਦਾਰਾਂ ਨਾਲ ਭਾਰਤ ਆਈਆਂ।
ਭਾਰਤ ਪਹੁੰਚਣ ਲਈ ਕਰਨੀ ਪਈ ਜਦੋ-ਜਹਿਦ
ਲੰਬੇ ਸਮੇਂ ਦੇ ਵੀਜ਼ੇ 'ਤੇ ਭਾਰਤ ਵਿੱਚ ਰਹਿ ਰਹੇ ਇੰਕੇਸ਼ ਜਸ਼ਨਾਣੀ ਦੀ ਮੰਗਣੀ 'ਪ੍ਰੀ-ਸਿੰਦੂਰ' ਦੌਰ ਵਿੱਚ ਹੋਈ ਸੀ ਅਤੇ ਉਨ੍ਹਾਂ ਨੇ ਪਿਛਲੇ ਸਾਲ ਹੀ ਵਿਆਹ ਦੀ ਯੋਜਨਾ ਬਣਾਈ ਸੀ। ਉਨ੍ਹਾਂ ਦੀ ਹੋਣ ਵਾਲੀ ਪਤਨੀ ਆਰਤੀ ਸਿੰਧ ਦੀ ਖਾਨਪੁਰ ਤਹਿਸੀਲ ਤੋਂ ਇੱਕ ਮੁਸ਼ਕਲ ਸਫ਼ਰ ਤੈਅ ਕਰਕੇ ਮਈ 2025 ਵਿੱਚ ਵਾਘਾ ਬਾਰਡਰ ਤੋਂ ਸਿਰਫ਼ ਇੱਕ ਕਿਲੋਮੀਟਰ ਦੂਰ ਹੀ ਪਹੁੰਚੀ ਸੀ, ਕਿ ਭਾਰਤ ਨੇ ਅਟਾਰੀ ਗੇਟ ਬੰਦ ਕਰ ਦਿੱਤਾ।
ਇੱਕ ਸਾਲ ਤੋਂ ਵੱਧ ਸਮੇਂ ਬਾਅਦ ਆਰਤੀ ਮਸਕਟ ਹੁੰਦੇ ਹੋਏ ਨਾਗਪੁਰ ਪਹੁੰਚੀ ਅਤੇ ਮਾਰਚ ਵਿੱਚ ਵਿਆਹ ਕੀਤਾ। ਵੀਜ਼ਾ ਪਾਬੰਦੀਆਂ ਕਾਰਨ ਉਨ੍ਹਾਂ ਦੇ ਨਾਲ ਸਿਰਫ਼ ਉਨ੍ਹਾਂ ਦੇ ਭਰਾ ਹੀ ਆ ਸਕੇ ਅਤੇ ਉਨ੍ਹਾਂ ਦੇ ਮਾਤਾ-ਪਿਤਾ ਉੱਥੇ ਹੀ ਰਹਿ ਗਏ। ਉਹ ਕਹਿੰਦੀ ਹੈ, "ਕਾਸ਼ ਬਾਰਡਰ ਖੁੱਲ੍ਹ ਜਾਣ ਅਤੇ ਮੈਂ ਉਨ੍ਹਾਂ ਨੂੰ ਇੱਕ ਵਾਰ ਮਿਲ ਸਕਾਂ।"
ਦੁਲਹਨ ਹੀ ਨਹੀਂ ਸਗੋਂ ਲਾੜਾ ਵੀ ਪਾਕਿਸਤਾਨ ਤੋਂ ਭਾਰਤ ਆਇਆ
ਭਾਰਤ ਆਉਣ ਵਾਲੀਆਂ ਉਡਾਣਾਂ ਵਿੱਚ ਇੱਕ ਲਾੜਾ ਵੀ ਸ਼ਾਮਲ ਸੀ। ਸਿੰਧ ਦੇ ਘੋਟਕੀ ਤੋਂ ਰਾਭੇਲ ਜਸਵਾਣੀ ਆਪਣੇ ਮਾਤਾ-ਪਿਤਾ ਨਾਲ ਨਾਗਪੁਰ ਵਿੱਚ ਸ਼੍ਰੀਆ ਨਾਲ ਵਿਆਹ ਕਰਨ ਲਈ ਭਾਰਤ ਆਏ ਸਨ ਅਤੇ ਉਦੋਂ ਤੋਂ ਇੱਥੇ ਹੀ ਰਹਿ ਰਹੇ ਹਨ। ਉਨ੍ਹਾਂ ਕਿਹਾ, "ਮੈਂ ਭਾਰਤ ਵਿੱਚ ਵੱਸਣਾ ਚਾਹੁੰਦਾ ਹਾਂ ਅਤੇ ਬਾਰਡਰ ਖੁੱਲ੍ਹਣ 'ਤੇ ਆਪਣੇ ਮਾਤਾ-ਪਿਤਾ ਨੂੰ ਵੀ ਇੱਥੇ ਲਿਆਉਣਾ ਚਾਹੁੰਦਾ ਹਾਂ।"