- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮਹਿੰਗਾ ਨਾਨ-ਸਟਿਕ ਪੈਨ ਵੀ ਹੋ ਸਕਦੈ ਖ਼ਰਾਬ, ਵਰਤੋਂ ਸਮੇਂ ਭੁੱਲ ਕੇ ਵੀ ਨਾ ਕਰੋ ਇਹ 4 ਵੱਡੀਆਂ ਗ਼ਲਤੀਆਂ
ਰਸੋਈ ਵਿੱਚ ਖਾਣਾ ਬਣਾਉਣ ਦੇ ਕੰਮ ਨੂੰ ਆਸਾਨ ਬਣਾਉਣ ਲਈ ਅਸੀਂ ਕਈ ਤਰ੍ਹਾਂ ਦੇ ਬਰਤਨਾਂ ਅਤੇ ਉਪਕਰਨਾਂ ਦੀ ਵਰਤੋਂ ਕਰਦੇ ਹਾਂ। ਇਨ੍ਹਾਂ ਵਿੱਚੋਂ ਇੱਕ ਹੈ ਨਾਨ-ਸਟਿਕ ਪੈਨ, ਜਿਸ ਦੀ ਵਰਤੋਂ ਇਸ ਲਈ ਕੀਤੀ ਜਾਂਦੀ ਹੈ ਤਾਂ ਜੋ ਖਾਣਾ ਇਸ ਨਾਲ ਚਿਪਕੇ ਨਾ। ਪਰ ਕਈ ਵਾਰ ਅਸੀਂ ਅਜਿਹੀਆਂ ਗ਼ਲਤੀਆਂ ਕਰ ਬੈਠਦੇ ਹਾਂ, ਜਿਨ੍ਹਾਂ ਕਾਰਨ ਨਾਨ-ਸਟਿਕ ਪੈਨ ਦੀ ਕੋਟਿੰਗ ਉਤਰਨ ਲੱਗਦੀ ਹੈ।
Posted By Sunita
Publish Date: Sat, 17 Oct 2026 04:13 PM (IST)
Updated Date: Sat, 17 Oct 2026 04:14 PM (IST)
ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ - ਰਸੋਈ ਵਿੱਚ ਖਾਣਾ ਬਣਾਉਣ ਦੇ ਕੰਮ ਨੂੰ ਆਸਾਨ ਬਣਾਉਣ ਲਈ ਅਸੀਂ ਕਈ ਤਰ੍ਹਾਂ ਦੇ ਬਰਤਨਾਂ ਅਤੇ ਉਪਕਰਨਾਂ ਦੀ ਵਰਤੋਂ ਕਰਦੇ ਹਾਂ। ਇਨ੍ਹਾਂ ਵਿੱਚੋਂ ਇੱਕ ਹੈ ਨਾਨ-ਸਟਿਕ ਪੈਨ, ਜਿਸ ਦੀ ਵਰਤੋਂ ਇਸ ਲਈ ਕੀਤੀ ਜਾਂਦੀ ਹੈ ਤਾਂ ਜੋ ਖਾਣਾ ਇਸ ਨਾਲ ਚਿਪਕੇ ਨਾ।ਪਰ ਕਈ ਵਾਰ ਅਸੀਂ ਅਜਿਹੀਆਂ ਗ਼ਲਤੀਆਂ ਕਰ ਬੈਠਦੇ ਹਾਂ, ਜਿਨ੍ਹਾਂ ਕਾਰਨ ਨਾਨ-ਸਟਿਕ ਪੈਨ ਦੀ ਕੋਟਿੰਗ ਉਤਰਨ ਲੱਗਦੀ ਹੈ।
ਗਰਮ ਪੈਨ ’ਤੇ ਤੁਰੰਤ ਠੰਢਾ ਪਾਣੀ ਪਾਉਣਾ
ਕੀ ਤੁਹਾਨੂੰ ਵੀ ਗਰਮ ਬਰਤਨਾਂ ਨੂੰ ਧੋਣ ਲਈ ਉਨ੍ਹਾਂ ’ਤੇ ਤੁਰੰਤ ਠੰਢਾ ਪਾਣੀ ਪਾਉਣ ਦੀ ਆਦਤ ਹੈ? ਜੇ ਹਾਂ, ਤਾਂ ਇਹ ਆਦਤ ਨਾਨ-ਸਟਿਕ ਪੈਨ ਨੂੰ ਖ਼ਰਾਬ ਕਰ ਸਕਦੀ ਹੈ। ਦਰਅਸਲ, ਪੈਨ ਦੇ ਤਾਪਮਾਨ ਵਿੱਚ ਅਚਾਨਕ ਤਬਦੀਲੀ ਆਉਣ ਨਾਲ ਇਸ ਦੀ ਸਤ੍ਹਾ ਨੂੰ ਨੁਕਸਾਨ ਪਹੁੰਚ ਸਕਦਾ ਹੈ। ਵਿਗਿਆਨ ਦੀ ਭਾਸ਼ਾ ਵਿੱਚ ਇਸ ਨੂੰ ‘ਥਰਮਲ ਸ਼ਾਕ’ ਕਿਹਾ ਜਾਂਦਾ ਹੈ।
ਖੁਰਦਰੇ ਸਕ੍ਰਬ ਨਾਲ ਰਗੜਨਾ
ਕਈ ਲੋਕਾਂ ਦੀ ਆਦਤ ਹੁੰਦੀ ਹੈ ਕਿ ਉਹ ਹਰ ਬਰਤਨ ਨੂੰ ਇੱਕੋ ਖੁਰਦਰੇ ਸਕ੍ਰਬ ਨਾਲ ਸਾਫ਼ ਕਰਦੇ ਹਨ। ਪਰ ਨਾਨ-ਸਟਿਕ ਪੈਨ ਨੂੰ ਇਸ ਤਰ੍ਹਾਂ ਰਗੜਨ ਨਾਲ ਇਸ ਦੀ ਕੋਟਿੰਗ ਉਤਰਨ ਲੱਗਦੀ ਹੈ। ਇਸ ਕਾਰਨ ਪੈਨ ਕੁਝ ਹੀ ਸਮੇਂ ਵਿੱਚ ਆਪਣੀ ਨਾਨ-ਸਟਿਕ ਖ਼ੂਬੀ ਗੁਆ ਬੈਠਦਾ ਹੈ। ਅਜਿਹੇ ਪੈਨ ਨੂੰ ਹਮੇਸ਼ਾ ਨਰਮ ਸਪੰਜ ਅਤੇ ਹਲਕੇ ਡਿਸ਼ਵਾਸ਼ਿੰਗ ਲਿਕਵਿਡ ਨਾਲ ਹੀ ਧੋਣਾ ਚਾਹੀਦਾ ਹੈ।
ਤੇਜ਼ ਅੱਗ ’ਤੇ ਵਰਤੋਂ ਕਰਨਾ
ਨਾਨ-ਸਟਿਕ ਪੈਨ ਵਿੱਚ ਖਾਣਾ ਪਕਾਉਂਦੇ ਸਮੇਂ ਤੇਜ਼ ਅੱਗ ਰੱਖਣ ਨਾਲ ਇਸ ਦੀ ਕੋਟਿੰਗ ਖ਼ਰਾਬ ਹੋ ਸਕਦੀ ਹੈ। ਇਸ ਦੀ ਸਹੀ ਵਰਤੋਂ ਲਈ ਹਲਕੀ ਜਾਂ ਦਰਮਿਆਨੀ ਅੱਗ ’ਤੇ ਖਾਣਾ ਪਕਾਉਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ, ਪੈਨ ਨੂੰ ਗੈਸ ’ਤੇ ਗਰਮ ਕਰਨ ਲਈ ਵੀ ਜ਼ਿਆਦਾ ਦੇਰ ਤੱਕ ਨਹੀਂ ਰੱਖਣਾ ਚਾਹੀਦਾ।
ਸਟੀਲ ਦੇ ਬਰਤਨਾਂ ਦੀ ਵਰਤੋਂ ਕਰਨਾ
ਜੇ ਤੁਸੀਂ ਨਾਨ-ਸਟਿਕ ਪੈਨ ਵਿੱਚ ਖਾਣਾ ਬਣਾਉਂਦੇ ਸਮੇਂ ਸਟੀਲ ਦੇ ਚਮਚੇ ਜਾਂ ਕਾਂਟੇ ਦੀ ਵਰਤੋਂ ਕਰਦੇ ਹੋ, ਤਾਂ ਸਾਵਧਾਨ ਹੋ ਜਾਓ। ਅਜਿਹਾ ਕਰਨ ਨਾਲ ਪੈਨ ਦੀ ਕੋਟਿੰਗ ਉਤਰਨ ਲੱਗ ਸਕਦੀ ਹੈ। ਪੈਨ ’ਤੇ ਪੈਣ ਵਾਲੇ ਛੋਟੇ-ਛੋਟੇ ਨਿਸ਼ਾਨ ਵੀ ਕੋਟਿੰਗ ਨੂੰ ਨੁਕਸਾਨ ਪਹੁੰਚਣ ਦਾ ਸੰਕੇਤ ਹੋ ਸਕਦੇ ਹਨ।
ਡਿਸ਼ਵਾਸ਼ਰ ਵਿੱਚ ਧੋਣਾ
ਇਸ ਤਰ੍ਹਾਂ ਦੇ ਪੈਨ ਨੂੰ ਡਿਸ਼ਵਾਸ਼ਰ ਵਿੱਚ ਧੋਣ ਤੋਂ ਬਚਣਾ ਚਾਹੀਦਾ ਹੈ। ਆਮ ਪਾਣੀ ਨਾਲ ਧੋਣ ਸਮੇਂ ਵੀ ਸਖ਼ਤ ਡਿਟਰਜੈਂਟ ਦੀ ਵਰਤੋਂ ਨਾ ਕਰੋ। ਹਮੇਸ਼ਾ ਨਰਮ ਸਪੰਜ ਨਾਲ ਹਲਕੇ ਹੱਥਾਂ ਨਾਲ ਹੀ ਇਸ ਨੂੰ ਸਾਫ਼ ਕਰੋ।
ਪੈਨ ਦੇ ਨਾਲ ਹੋਰ ਬਰਤਨ ਰੱਖਣਾ
ਰਸੋਈ ਵਿੱਚ ਨਾਨ-ਸਟਿਕ ਪੈਨ ਰੱਖਣ ਲਈ ਵੱਖਰੀ ਥਾਂ ਹੋਣੀ ਚਾਹੀਦੀ ਹੈ, ਜਿੱਥੇ ਇਸ ਨੂੰ ਸਟੀਲ ਦੇ ਹੋਰ ਬਰਤਨਾਂ ਦੇ ਨਾਲ ਨਾ ਰੱਖਿਆ ਜਾਵੇ। ਅਜਿਹਾ ਇਸ ਲਈ ਕਿਉਂਕਿ ਪੈਨ ਦੇ ਉੱਪਰ ਹੋਰ ਬਰਤਨ ਰੱਖਣ ਨਾਲ ਰਗੜ ਪੈ ਸਕਦੀ ਹੈ, ਜਿਸ ਕਾਰਨ ਇਸ ਦੀ ਕੋਟਿੰਗ ਉਤਰ ਸਕਦੀ ਹੈ।