- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਕੂਲ ’ਚ ਪੜ੍ਹਾਈ ਦੌਰਾਨ ਦੌੜਿਆ ਕਰੰਟ: ਹਾਈ-ਟੈਨਸ਼ਨ ਤਾਰ ਦੀ ਲਪੇਟ ’ਚ ਆਉਣ ਨਾਲ ਦੋ ਬੱਚਿਆਂ ਦੀ ਹਾਲਤ ਨਾਜ਼ੁਕ, ਮਚੀ ਹਫੜਾ-ਦਫੜੀ
ਘਟਨਾ ਤੋਂ ਬਾਅਦ ਸਕੂਲ ਕੰਪਲੈਕਸ ਵਿੱਚ ਚੀਕ-ਚਿਹਾੜਾ ਅਤੇ ਹਫੜਾ-ਦਫੜੀ ਮੱਚ ਗਈ। ਆਨਨ-ਫਾਨਨ ਵਿੱਚ ਦੋ ਬੱਚਿਆਂ ਨੂੰ ਇਲਾਜ ਲਈ ਸ਼੍ਰੀ ਕ੍ਰਿਸ਼ਨਾ ਮੈਡੀਕਲ ਕਾਲਜ ਹਸਪਤਾਲ (SKMCH) ’ਚ ਦਾਖ਼ਲ ਕਰਵਾਇਆ ਗਿਆ ਹੈ, ਜਿੱਥੇ ਉਨ੍ਹਾਂ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ।
Posted By Anuradha Bains
Publish Date: Fri, 09 Oct 2026 02:59 PM (IST)
Updated Date: Fri, 09 Oct 2026 03:03 PM (IST)
ਕੇਸ਼ਵ ਕੁਮਾਰ, ਮੁਜ਼ੱਫਰਪੁਰ। ਅਹੀਆਪੁਰ ਥਾਣਾ ਖੇਤਰ ਦੇ ਬੜਾਜਗਰਨਾਥ ਇਲਾਕੇ ਤੋਂ ਇੱਕ ਦਿਲ ਕੰਬਾਊ ਘਟਨਾ ਸਾਹਮਣੇ ਆਈ ਹੈ। ਇੱਥੇ ਸਥਿਤ ਇੱਕ ਸਰਕਾਰੀ ਸਕੂਲ ’ਚ ਸ਼ੁੱਕਰਵਾਰ ਨੂੰ 11 ਹਜ਼ਾਰ ਵੋਲਟ ਦੇ ਹਾਈ-ਟੈਨਸ਼ਨ ਬਿਜਲੀ ਦੇ ਤਾਰ ਦੀ ਲਪੇਟ ਵਿੱਚ ਆਉਣ ਨਾਲ ਕਈ ਵਿਦਿਆਰਥੀ ਗੰਭੀਰ ਰੂਪ ਵਿੱਚ ਝੁਲਸ ਗਏ।
ਘਟਨਾ ਤੋਂ ਬਾਅਦ ਸਕੂਲ ਕੰਪਲੈਕਸ ਵਿੱਚ ਚੀਕ-ਚਿਹਾੜਾ ਅਤੇ ਹਫੜਾ-ਦਫੜੀ ਮੱਚ ਗਈ। ਆਨਨ-ਫਾਨਨ ਵਿੱਚ ਦੋ ਬੱਚਿਆਂ ਨੂੰ ਇਲਾਜ ਲਈ ਸ਼੍ਰੀ ਕ੍ਰਿਸ਼ਨਾ ਮੈਡੀਕਲ ਕਾਲਜ ਹਸਪਤਾਲ (SKMCH) ’ਚ ਦਾਖ਼ਲ ਕਰਵਾਇਆ ਗਿਆ ਹੈ, ਜਿੱਥੇ ਉਨ੍ਹਾਂ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ।
ਦੱਸ ਦਈਏ ਕਿ ਝੁਲਸੀਆਂ ਬੱਚੀਆਂ ਵਿੱਚ ਸੰਜਨਾ (14 ਸਾਲ) ਅਤੇ ਨੰਦਿਨੀ (12 ਸਾਲ) ਸ਼ਾਮਲ ਹਨ। ਸੰਜਨਾ ਬਿਜਲੀ ਦਾ ਕਰੰਟ ਲੱਗਣ ਕਾਰਨ ਸਕੂਲ ਦੀ ਕੰਧ ਨਾਲ ਟਕਰਾ ਗਈ, ਜਿਸ ਨਾਲ ਉਸ ਦਾ ਸਿਰ ਵੀ ਫਟ ਗਿਆ ਹੈ। ਡਾਕਟਰ ਨੇ ਸਥਿਤੀ ਗੰਭੀਰ ਦੱਸੀ ਹੈ ਅਤੇ ਆਈ.ਸੀ.ਯੂ. (ICU) ਵਿੱਚ ਦਾਖ਼ਲ ਕਰਕੇ ਇਲਾਜ ਸ਼ੁਰੂ ਕਰ ਦਿੱਤਾ ਹੈ। ਉੱਥੇ ਹੀ ਨੰਦਿਨੀ ਵੀ ਝੁਲਸੀ ਹੋਈ ਹੈ।
ਸਕੂਲ ਕੰਪਲੈਕਸ ’ਚ ਮਚੀ ਹਫੜਾ-ਦਫੜੀ
ਜਾਣਕਾਰੀ ਅਨੁਸਾਰ, ਦੁਪਹਿਰ ਦੇ ਸਮੇਂ ਬੱਚੇ ਸਕੂਲ ਵਿੱਚ ਮੌਜੂਦ ਸਨ, ਉਦੋਂ ਕੰਪਲੈਕਸ ਦੇ ਉੱਪਰ ਜਾਂ ਲਾਗਿਓਂ ਲੰਘ ਰਿਹਾ 11 ਹਜ਼ਾਰ ਵੋਲਟ ਦਾ ਹਾਈ-ਟੈਨਸ਼ਨ ਤਾਰ ਅਚਾਨਕ ਸੁਰੱਖਿਆ ਮਾਪਦੰਡਾਂ ਦੀ ਅਣਦੇਖੀ ਕਾਰਨ ਹਾਦਸੇ ਦਾ ਕਾਰਨ ਬਣ ਗਿਆ।
ਕਈ ਵਿਦਿਆਰਥੀ ਬਿਜਲੀ ਦੇ ਕਰੰਟ ਨਾਲ ਝੁਲਸ ਗਏ ਅਤੇ ਸੜ ਗਏ। ਬੱਚਿਆਂ ਦੀਆਂ ਚੀਕਾਂ ਸੁਣ ਕੇ ਸਕੂਲ ਸਟਾਫ਼ ਅਤੇ ਨੇੜਲੇ ਨਿਵਾਸੀ ਮੌਕੇ 'ਤੇ ਪਹੁੰਚ ਗਏ। ਜ਼ਖਮੀ ਵਿਦਿਆਰਥੀਆਂ ਨੂੰ ਤੁਰੰਤ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ। ਉਨ੍ਹਾਂ ਵਿੱਚੋਂ ਦੋ, ਜਿਨ੍ਹਾਂ ਦੀ ਹਾਲਤ ਗੰਭੀਰ ਸੀ, ਨੂੰ ਸਥਾਨਕ ਡਾਕਟਰ ਨੇ ਤੁਰੰਤ SKMCH ਰੈਫਰ ਕਰ ਦਿੱਤਾ।
ਬਿਜਲੀ ਵਿਭਾਗ ਖ਼ਿਲਾਫ਼ ਫੁੱਟਿਆ ਪੇਂਡੂਆਂ ਦਾ ਰੋਹ
ਹਾਦਸੇ ਦੀ ਖ਼ਬਰ ਫੈਲਦਿਆਂ ਹੀ ਵੱਡੀ ਗਿਣਤੀ ਵਿੱਚ ਸਥਾਨਕ ਪੇਂਡੂ ਅਤੇ ਬੱਚਿਆਂ ਦੇ ਪਰਿਵਾਰਕ ਮੈਂਬਰ ਸਕੂਲ ਕੰਪਲੈਕਸ ਵਿੱਚ ਇਕੱਠੇ ਹੋ ਗਏ। ਬਿਜਲੀ ਵਿਭਾਗ ਦੀ ਭਾਰੀ ਲਾਪਰਵਾਹੀ ਨੂੰ ਲੈ ਕੇ ਲੋਕਾਂ ਵਿੱਚ ਭਾਰੀ ਗੁੱਸਾ ਹੈ।
ਪੇਂਡੂਆਂ ਦਾ ਦੋਸ਼ ਹੈ ਕਿ ਸਕੂਲ ਵਰਗੀ ਸੰਵੇਦਨਸ਼ੀਲ ਜਗ੍ਹਾ ਕੋਲੋਂ ਲੰਘ ਰਹੀਆਂ ਹਾਈ-ਟੇਂਸ਼ਨ ਤਾਰਾਂ ਨੂੰ ਲੈ ਕੇ ਵਿਭਾਗ ਨੂੰ ਕਈ ਵਾਰ ਸੁਚੇਤ ਕੀਤਾ ਗਿਆ ਸੀ ਪਰ ਅਧਿਕਾਰੀਆਂ ਨੇ ਸਮੇਂ ਸਿਰ ਕੋਈ ਸੁਰੱਖਿਆਤਮਕ ਕਦਮ ਨਹੀਂ ਚੁੱਕਿਆ। ਗੁੱਸੇ ’ਚ ਆਏ ਲੋਕ ਬਿਜਲੀ ਵਿਭਾਗ ਦੇ ਲਾਪਰਵਾਹ ਅਧਿਕਾਰੀਆਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਕਰ ਰਹੇ ਹਨ।
ਅਧਿਆਪਕ ਪਾਂਡਵ ਰਾਏ ਨੇ ਦੱਸਿਆ ਕਿ ਬੱਚੀਆਂ ਸਕੂਲ ਦੀ ਛੱਤ 'ਤੇ ਚੜ੍ਹੀਆਂ ਸਨ, ਇਸੇ ਦੌਰਾਨ ਉਹ ਕਰੰਟ ਦੀ ਲਪੇਟ ਵਿੱਚ ਆ ਗਈਆਂ। ਜ਼ਿਲ੍ਹਾ ਸਿੱਖਿਆ ਅਧਿਕਾਰੀ SKMCH ਪਹੁੰਚ ਕੇ ਬੱਚੀਆਂ ਦੀ ਸਥਿਤੀ ਦੀ ਜਾਣਕਾਰੀ ਲੈ ਰਹੇ ਹਨ।