- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕਾਲੇ ਧਨ ਦੀ ਜਾਂਚ : ਆਜ਼ਮ ਖਾਨ ਦੇ ਜੌਹਰ ਟਰੱਸਟ 'ਤੇ ED ਦਾ ਸ਼ਿਕੰਜਾ, 494 ਕਰੋੜ ਦਾ ਹਿਸਾਬ ਦੇਣ 'ਚ ਅਸਫਲ
ਸਮਾਜਵਾਦੀ ਪਾਰਟੀ (ਸਪਾ) ਦੇ ਆਗੂ ਆਜ਼ਮ ਖਾਨ ਦਾ ਜੌਹਰ ਟਰੱਸਟ ਇਨਕਮ ਟੈਕਸ ਵਿਭਾਗ ਨੂੰ ਯੂਨੀਵਰਸਿਟੀ ਦੇ ਨਿਰਮਾਣ 'ਚ ਅਰਬਾਂ ਰੁਪਏ ਖਰਚਣ ਦਾ ਵੇਰਵਾ ਨਹੀਂ ਦੇ ਪਾ ਰਿਹਾ ਹੈ। ਇਸ 'ਚ ਵੱਡੀ ਮਾਤਰਾ 'ਚ ਕਾਲੇ ਧਨ ਦੀ ਵਰਤੋਂ ਕੀਤੇ ਜਾਣ ਦਾ ਸ਼ੱਕ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਸੇ ਦੀ ਜਾਂਚ-ਪੜਤਾਲ ਲਈ ਈਡੀ ਨੇ ਛਾਪੇਮਾਰੀ ਕੀਤੀ ਹੈ।
Posted By Sunita
Publish Date: Wed, 19 Aug 2026 10:38 AM (IST)
Updated Date: Wed, 19 Aug 2026 10:39 AM (IST)
ਜਾਗਰਣ ਸੰਵਾਦਦਾਤਾ, ਰਾਮਪੁਰ : ਸਮਾਜਵਾਦੀ ਪਾਰਟੀ (ਸਪਾ) ਦੇ ਆਗੂ ਆਜ਼ਮ ਖਾਨ ਦਾ ਜੌਹਰ ਟਰੱਸਟ ਇਨਕਮ ਟੈਕਸ ਵਿਭਾਗ ਨੂੰ ਯੂਨੀਵਰਸਿਟੀ ਦੇ ਨਿਰਮਾਣ 'ਚ ਅਰਬਾਂ ਰੁਪਏ ਖਰਚਣ ਦਾ ਵੇਰਵਾ ਨਹੀਂ ਦੇ ਪਾ ਰਿਹਾ ਹੈ। ਇਸ 'ਚ ਵੱਡੀ ਮਾਤਰਾ 'ਚ ਕਾਲੇ ਧਨ ਦੀ ਵਰਤੋਂ ਕੀਤੇ ਜਾਣ ਦਾ ਸ਼ੱਕ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਸੇ ਦੀ ਜਾਂਚ-ਪੜਤਾਲ ਲਈ ਈਡੀ ਨੇ ਛਾਪੇਮਾਰੀ ਕੀਤੀ ਹੈ।
ਦੋ ਪੈਨ ਕਾਰਡ ਮਾਮਲੇ 'ਚ ਰਾਮਪੁਰ ਦੀ ਜੇਲ੍ਹ 'ਚ ਦੱਸ ਸਾਲ ਕੈਦ ਦੀ ਸਜ਼ਾ ਕੱਟ ਰਹੇ ਸਪਾ ਦੇ ਰਾਸ਼ਟਰੀ ਜਨਰਲ ਸਕੱਤਰ ਮੁਹੰਮਦ ਆਜ਼ਮ ਖਾਨ ਦੇ ਖਿਲਾਫ ਇਨਕਮ ਟੈਕਸ ਵਿਭਾਗ ਤੋਂ ਬਾਅਦ ਇਨਫੋਰਸਮੈਂਟ ਡਾਇਰੈਕਟੋਰੇਟ (ED) ਨੇ ਵੀ ਸ਼ਿਕੰਜਾ ਕੱਸ ਦਿੱਤਾ ਹੈ।
ਈਡੀ ਨੇ ਜੁਲਾਈ 'ਚ ਪੁਲਿਸ-ਪ੍ਰਸ਼ਾਸਨ ਤੋਂ ਆਜ਼ਮ ਖਾਨ ਉੱਤੇ ਦਰਜ ਸਾਰੇ ਮੁਕੱਦਮਿਆਂ ਦਾ ਵੇਰਵਾ ਮੰਗ ਲਿਆ ਸੀ। ਉਦੋਂ ਤੋਂ ਹੀ ਖਦਸ਼ਾ ਜਤਾਇਆ ਜਾ ਰਿਹਾ ਸੀ ਕਿ ਈਡੀ ਕਦੇ ਵੀ ਰਾਮਪੁਰ 'ਚ ਛਾਪੇਮਾਰੀ ਕਰ ਸਕਦੀ ਹੈ। ਇਸੇ ਲੜੀ ਤਹਿਤ ਬੁੱਧਵਾਰ ਨੂੰ ਸਵੇਰੇ ਲਗਭਗ ਸੱਤ ਵਜੇ ਈਡੀ ਨੇ ਆਜ਼ਮ ਖਾਨ ਦੇ ਜੇਲ੍ਹ ਰੋਡ ਸਥਿਤ ਰਿਹਾਇਸ਼, ਜੌਹਰ ਯੂਨੀਵਰਸਿਟੀ ਸਮੇਤ ਉਨ੍ਹਾਂ ਦੇ ਕੁਝ ਕਰੀਬੀਆਂ ਦੇ ਟਿਕਾਣਿਆਂ ਉੱਤੇ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਹੈ।
ਟਰੱਸਟ ਦੀ ਰਜਿਸਟ੍ਰੇਸ਼ਨ ਹੋ ਚੁੱਕੀ ਹੈ ਰੱਦ
ਆਜ਼ਮ ਖਾਨ ਦਾ ਮੌਲਾਨਾ ਮੁਹੰਮਦ ਅਲੀ ਜੌਹਰ ਟਰੱਸਟ ਜੌਹਰ ਯੂਨੀਵਰਸਿਟੀ ਦੇ ਨਿਰਮਾਣ ਉੱਤੇ ਅਨੁਮਾਨਿਤ ਖਰਚ 494 ਕਰੋੜ ਰੁਪਏ ਦਾ ਵੇਰਵਾ ਮੁਹੱਈਆ ਕਰਵਾਉਣ 'ਚ ਹੁਣ ਤੱਕ ਅਸਫਲ ਰਿਹਾ ਹੈ। ਇਨਕਮ ਟੈਕਸ ਵਿਭਾਗ 23 ਜੂਨ ਨੂੰ ਆਮਦਨ ਅਤੇ ਖਰਚ ਦਾ ਵੇਰਵਾ ਨਾ ਦੇ ਸਕਣ ਸਮੇਤ ਹੋਰ ਬੇਨਿਯਮੀਆਂ ਦੇ ਦੋਸ਼ 'ਚ ਟਰੱਸਟ ਦੀ ਰਜਿਸਟ੍ਰੇਸ਼ਨ ਰੱਦ ਕਰ ਚੁੱਕਾ ਹੈ।
ਟਰੱਸਟ ਨਹੀਂ ਦੇ ਪਾ ਰਿਹਾ ਵੇਰਵਾ
ਇਸ ਤੋਂ ਬਾਅਦ ਇਨਕਮ ਟੈਕਸ ਵਿਭਾਗ ਨੇ ਜੌਹਰ ਟਰੱਸਟ ਨੂੰ ਨੋਟਿਸ ਜਾਰੀ ਕਰਕੇ ਸਾਲ 2015 ਤੋਂ 2020 ਤੱਕ ਟਰੱਸਟ ਨੂੰ ਹੋਈ ਆਮਦਨ ਅਤੇ ਖਰਚ ਦੇ ਨਾਲ ਜੌਹਰ ਯੂਨੀਵਰਸਿਟੀ ਲਈ ਜ਼ਮੀਨ ਖਰੀਦ, ਇਨਫਰਾਸਟਰਕਚਰ ਅਤੇ ਨਿਰਮਾਣ ਉੱਤੇ ਖਰਚ ਕੀਤੀ ਗਈ ਧਨਰਾਸ਼ੀ ਦਾ ਸਬੂਤਾਂ ਸਮੇਤ ਵੇਰਵਾ ਦੇਣ ਦੇ ਨਿਰਦੇਸ਼ ਦਿੱਤੇ ਸਨ।
ਦੂਜੇ ਨੋਟਿਸ 'ਚ ਦਾਨ ਦੇ ਨਾਮ ਉੱਤੇ ਟਰੱਸਟ ਨੂੰ ਕਰੋੜਾਂ ਰੁਪਏ ਦੇਣ ਵਾਲੀਆਂ 11 ਸ਼ੱਕੀ ਫਰਮਾਂ ਦਾ ਰਿਕਾਰਡ ਵੀ ਮੰਗਿਆ ਸੀ। ਟਰੱਸਟ ਇਹ ਵੇਰਵਾ ਨਹੀਂ ਦੇ ਪਾ ਰਿਹਾ ਹੈ। ਉਸਨੇ ਇਨਕਮ ਟੈਕਸ ਵਿਭਾਗ ਤੋਂ ਕੁਝ ਹੋਰ ਸਮਾਂ ਦੇਣ ਦੀ ਮੰਗ ਕੀਤੀ ਸੀ।
2022 'ਚ ਵੀ ਜਾਂਚ ਕਰਨ ਆਈ ਸੀ ਈਡੀ
ਜੌਹਰ ਯੂਨੀਵਰਸਿਟੀ ਦੇ ਨਿਰਮਾਣ 'ਚ ਕਾਲੇ ਧਨ ਦੀ ਵਰਤੋਂ ਹੋਣ ਦੇ ਸ਼ੱਕ ਕਾਰਨ ਹੁਣ ਈਡੀ ਸਰਗਰਮ ਹੋ ਗਈ ਹੈ। ਇਸ ਤੋਂ ਪਹਿਲਾਂ ਸਾਲ 2022 'ਚ ਈਡੀ ਦੀ ਇੱਕ ਟੀਮ ਜੌਹਰ ਯੂਨੀਵਰਸਿਟੀ ਨਾਲ ਜੁੜੇ ਮਾਮਲਿਆਂ ਦੀ ਮੁੱਢਲੀ ਪੜਤਾਲ ਕਰਨ ਆਈ ਸੀ।
ਆਜ਼ਮ ਖਾਨ ਦੇ ਹੁਣ ਤੱਕ 16 ਮੁਕੱਦਮਿਆਂ 'ਚ ਆ ਚੁੱਕਾ ਹੈ ਫੈਸਲਾ, ਅੱਠ 'ਚ ਹੋਈ ਸਜ਼ਾ
ਹੁਣ ਤੱਕ ਮੁਹੰਮਦ ਆਜ਼ਮ ਖਾਨ ਦੇ 16 ਮੁਕੱਦਮਿਆਂ 'ਚ ਅਦਾਲਤ ਨੇ ਫੈਸਲਾ ਸੁਣਾਇਆ ਹੈ, ਜਿਨ੍ਹਾਂ 'ਚੋਂ ਅੱਠ 'ਚ ਸਜ਼ਾ ਹੋਈ ਹੈ ਜਦਕਿ, ਬਾਕੀ ਅੱਠ 'ਚ ਕਲੀਨ ਚਿੱਟ ਮਿਲੀ ਹੈ। ਪ੍ਰਦੇਸ਼ 'ਚ ਭਾਜਪਾ ਦੀ ਸਰਕਾਰ ਆਉਣ ਉੱਤੇ ਆਜ਼ਮ ਖਾਨ ਦੇ ਖਿਲਾਫ 84 ਮੁਕੱਦਮੇ ਦਰਜ ਹੋਏ ਸਨ।
ਮੁਕੱਦਮਾ ਦਰਜ ਕਰਵਾਉਣ ਵਾਲੇ 90 ਫੀਸਦੀ ਪੀੜਤ ਮੁਸਲਮਾਨ ਹੀ ਹਨ। ਮੌਜੂਦਾ ਸਮੇਂ 'ਚ ਆਜ਼ਮ ਖਾਨ ਰਾਮਪੁਰ ਜੇਲ੍ਹ 'ਚ ਆਪਣੇ ਛੋਟੇ ਪੁੱਤਰ ਅਬਦੁੱਲਾ ਆਜ਼ਮ ਨਾਲ ਸਜ਼ਾ ਕੱਟ ਰਹੇ ਹਨ। ਆਜ਼ਮ ਨੂੰ ਸਭ ਤੋਂ ਵੱਧ ਦੱਸ-ਦੱਸ ਸਾਲਾਂ ਦੀ ਸਜ਼ਾ ਡੂੰਗਰਪੁਰ ਅਤੇ ਦੋ ਪੈਨ ਕਾਰਡ ਮਾਮਲੇ 'ਚ ਹੋਈ ਹੈ।
ਹਾਲ ਹੀ 'ਚ ਰਾਮਪੁਰ ਵਿਕਾਸ ਅਥਾਰਟੀ ਦੇ ਜੌਹਰ ਯੂਨੀਵਰਸਿਟੀ 'ਚ ਬਿਨਾਂ ਨਕਸ਼ਾ ਪਾਸ ਕਰਵਾਏ ਬਣਾਏ ਗਏ 38 ਭਵਨਾਂ ਨੂੰ ਢਾਹੁਣ ਦੇ ਆਦੇਸ਼ ਨੂੰ ਲੈ ਕੇ ਆਜ਼ਮ ਖਾਨ ਫਿਰ ਸੁਰਖੀਆਂ 'ਚ ਰਹੇ। ਹਾਲਾਂਕਿ, ਕਮਿਸ਼ਨਰ ਨੇ ਢਾਹੁਣ ਦੇ ਆਦੇਸ਼ ਉੱਤੇ ਅੰਤਰਿਮ ਰੋਕ ਲਗਾ ਕੇ ਉਨ੍ਹਾਂ ਨੂੰ ਥੋੜੀ ਰਾਹਤ ਦੇ ਦਿੱਤੀ ਹੈ।