ਹਨੀਮੂਨ ਦੌਰਾਨ Period ਆਉਣ 'ਤੇ ਪਤਨੀ ਨਾਲ ਹੈਵਾਨੀਅਤ, ਪਤੀ ਨੇ ਇੰਝ ਦਿੱਤੇ ਤਸੀਹੇ; ਧੀ ਨੂੰ ਵੇਖ ਪਰਿਵਾਰ ਦੀਆਂ ਨਿਕਲੀਆਂ ਧਾਹਾਂ

ਪੀੜਤਾ ਮੁਤਾਬਕ, ਉਸ ਦਾ ਵਿਆਹ ਦਿੱਲੀ ਦੇ ਰਹਿਣ ਵਾਲੇ ਨਿਖਿਲ ਮਿਸ਼ਰਾ ਨਾਲ ਹੋਇਆ ਸੀ। ਵਿਆਹ ਦੇ ਇੱਕ ਮਹੀਨੇ ਬਾਅਦ ਦੋਵੇਂ ਅੰਡਮਾਨ-ਨਿਕੋਬਾਰ ਹਨੀਮੂਨ 'ਤੇ ਗਏ ਸਨ। ਉੱਥੇ ਅਚਾਨਕ ਪੀਰੀਅਡਜ਼ ਸ਼ੁਰੂ ਹੋਣ 'ਤੇ ਉਸ ਦੇ ਪੇਟ 'ਚ ਅਸਹਿ ਦਰਦ ਹੋਣ ਲੱਗਾ। ਜਦੋਂ ਉਹ ਦਰਦ ਨਾਲ ਰੋਣ ਲੱਗੀ ਤਾਂ ਪਤੀ ਅਚਾਨਕ ਆਪਾ ਖੋਹ ਬੈਠਾ ਅਤੇ ਮਾਰਕੁੱਟ ਕਰਨ ਲੱਗਾ। ਕਮਰੇ 'ਚੋਂ ਚੀਕ-ਚਿਹਾੜਾ ਸੁਣ ਕੇ ਹੋਟਲ ਦੇ ਕਰਮਚਾਰੀਆਂ ਨੇ ਦਰਵਾਜ਼ਾ ਖੜకా ਕੇ ਕਿਸੇ ਤਰ੍ਹਾਂ ਯੁਵਤੀ ਦੀ ਜਾਨ ਬਚਾਈ। ਇਸ ਤੋਂ ਬਾਅਦ ਪਤੀ ਨੇ ਲੜਕੀ ਦੇ ਪਿਤਾ ਨੂੰ ਫ਼ੋਨ 'ਤੇ ਗਾਲ੍ਹਾਂ ਕੱਢੀਆਂ। ਜਦੋਂ ਪੀੜਤਾ ਕਿਸੇ ਤਰ੍ਹਾਂ ਦਿੱਲੀ ਸਥਿਤ ਆਪਣੇ ਸਹੁਰੇ ਘਰ ਪਹੁੰਚੀ ਅਤੇ ਸੱਸ ਸੰਜੂ ਮਿਸ਼ਰਾ ਤੇ ਨਣਦ ਨੇਹਾ ਪਾਂਡੇ ਨੂੰ ਆਪਣੀ ਹੱਡੀ ਬੀਤੀ ਸੁਣਾਈ ਤਾਂ ਉਨ੍ਹਾਂ ਨੇ ਵੀ ਹਮਦਰਦੀ ਜਤਾਉਣ ਦੀ ਬਜਾਏ ਉਸ ਨੂੰ ਤੰਗ-ਪ੍ਰੇਸ਼ਾਨ ਕਰਨਾ ਸ਼ੁਰੂ ਕਰ ਦਿੱਤਾ।