ਟਾਈਗਰ ਸ਼ਰਾਫ 'ਤੇ ਹਮਲੇ ਦਾ ਖ਼ੁਲਾਸਾ: 10 ਦਿਨਾਂ ਤੱਕ ਕੀਤੀ ਘਰ ਤੇ ਜਿਮ ਦੀ ਰੇਕੀ, ਫੁੱਟਬਾਲ ਮੈਦਾਨ ਤੋਂ ਨਿਕਲਦਿਆਂ ਹੀ ਚਲਾਈਆਂ ਗੋਲੀਆਂ

ਪੰਜਵੀਂ ਗੋਲੀ ਚਲਾਉਣ ਤੋਂ ਬਾਅਦ, ਪੈਸੈਂਜਰ ਸਾਈਡ ਦੀ ਖਿੜਕੀ ਕੋਲ ਖੜ੍ਹਾ ਇੱਕ ਹਮਲਾਵਰ ਕਾਰ ਦੇ ਬੇਹੱਦ ਕੋਲ ਆ ਗਿਆ ਅਤੇ ਉਸ ਨੇ ਬਹੁਤ ਨੇੜਿਓਂ ਟਾਈਗਰ ਸ਼ਰਾਫ 'ਤੇ ਗੋਲੀ ਚਲਾਉਣ ਦੀ ਕੋਸ਼ਿਸ਼ ਕੀਤੀ। ਪਰ ਮੌਕੇ 'ਤੇ ਉਸ ਦੀ ਪਿਸਤੌਲ ਜਾਮ ਹੋ ਗਈ, ਜਿਸ ਨਾਲ ਅਦਾਕਾਰ ਦੀ ਜਾਨ ਵਾਲ-ਵਾਲ ਬਚ ਗਈ।

ਇਸ ਸਨਸਨੀਖੇਜ਼ ਹਮਲੇ ਦੀ ਜ਼ਿੰਮੇਵਾਰੀ ਲਾਰੈਂਸ ਬਿਸ਼ਨੋਈ ਗੈਂਗ ਨੇ ਲਈ।

ਹੈਂਡਲਰਾਂ ਦੇ ਸੰਪਰਕ ਵਿੱਚ ਸਨ ਦੋਸ਼ੀ

ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਦੋਸ਼ੀ ਵਟਸਐਪ ਅਤੇ ਸਿਗਨਲ ਵਰਗੇ ਐਨਕ੍ਰਿਪਟਡ ਐਪਸ ਰਾਹੀਂ ਲਗਾਤਾਰ ਆਪਣੇ ਹੈਂਡਲਰਾਂ ਦੇ ਸੰਪਰਕ ਵਿੱਚ ਸਨ। ਇਨ੍ਹਾਂ ਹੀ ਐਪਸ ਦੇ ਮਾਧਿਅਮ ਨਾਲ ਉਨ੍ਹਾਂ ਨੂੰ ਘਟਨਾ ਵਾਲੀ ਥਾਂ ਦੀ ਸਟੀਕ ਲੋਕੇਸ਼ਨ ਭੇਜੀ ਗਈ ਸੀ। ਹਮਲੇ ਤੋਂ ਬਾਅਦ ਦੋਸ਼ੀ ਪਹਿਲਾਂ ਤੋਂ ਤੈਅ ਰੂਟ, SV ਰੋਡ ਹੁੰਦੇ ਹੋਏ ਵਿਲੇ ਪਾਰਲੇ ਅਤੇ ਅੰਧੇਰੀ ਵੱਲ ਭੱਜੇ।

ਉਨ੍ਹਾਂ ਨੇ ਅੰਧੇਰੀ ਵੈਸਟ ਰੇਲਵੇ ਸਟੇਸ਼ਨ ਕੋਲ ਆਪਣੀ ਮੋਟਰਸਾਈਕਲ ਛੱਡੀ ਅਤੇ ਬੋਰੀਵਲੀ ਜਾਣ ਵਾਲੀ ਲੋਕਲ ਟਰੇਨ ਵਿੱਚ ਸਵਾਰ ਹੋ ਗਏ। ਇਸ ਤੋਂ ਬਾਅਦ ਟਰੇਨ ਵਿੱਚ ਸਵਾਰ ਹੋ ਕੇ, ਉਹ ਜੈਪੁਰ ਪਹੁੰਚ ਕੇ ਉੱਥੋਂ ਬੱਸ ਫੜ ਕੇ ਦਿੱਲੀ ਅਤੇ ਫਿਰ ਦਿੱਲੀ ਤੋਂ ਨੇਪਾਲ ਭੱਜਣ ਦੀ ਫਿਰਾਕ ਵਿੱਚ ਸਨ। ਪਰ ਪੁਲਿਸ ਨੇ ਉਨ੍ਹਾਂ ਨੂੰ ਕੋਟਾ ਤੋਂ ਗ੍ਰਿਫ਼ਤਾਰ ਕਰ ਲਿਆ।

ਕੋਟਾ ਤੋਂ ਤਿੰਨੋਂ ਦੋਸ਼ੀ ਗ੍ਰਿਫ਼ਤਾਰ

ਮੁੰਬਈ ਪੁਲਿਸ ਤੋਂ ਮਿਲੇ ਪੁਖਤਾ ਇਨਪੁਟਸ ਦੇ ਆਧਾਰ 'ਤੇ ਰਾਜਸਥਾਨ ਏ.ਜੀ.ਟੀ.ਐੱਫ. (AGTF) ਅਤੇ ਕੋਟਾ ਸਿਟੀ ਪੁਲਿਸ ਦੀ ਸਾਂਝੀ ਟੀਮ ਨੇ ਕਾਰਵਾਈ ਕਰਦੇ ਹੋਏ ਤਿੰਨੋਂ ਸ਼ੂਟਰਾਂ ਨੂੰ ਪੁਣੇ-ਜੈਪੁਰ ਐਕਸਪ੍ਰੈੱਸ ਤੋਂ ਗ੍ਰਿਫ਼ਤਾਰ ਕਰ ਲਿਆ।

ਫੜੇ ਗਏ ਦੋਸ਼ੀਆਂ ’ਚ ਰਿਤਿਕ ਕੁਮਾਰ ਉਰਫ਼ ਰੋਸ਼ਨ (22 ਸਾਲ), ਮੂਲ ਰੂਪ ਵਿੱਚ ਪਿਪਰਾਈ, ਜ਼ਿਲ੍ਹਾ ਬੇਗੂਸਰਾਏ (ਬਿਹਾਰ) ਦਾ ਰਹਿਣ ਵਾਲਾ ਹੈ। ਮੌਜੂਦਾ ਸਮੇਂ ਵਿੱਚ ਉਹ ਮੁੰਬਈ ਦੇ ਅੰਧੇਰੀ ਵੈਸਟ ਵਿੱਚ ਰਹਿ ਕੇ ਰੈਪਿਡੋ ਰਾਈਡਰ ਵਜੋਂ ਕੰਮ ਕਰ ਰਿਹਾ ਸੀ।

ਦੂਜਾ ਦੋਸ਼ੀ ਰੇਹਾਨ (18 ਸਾਲ), ਈਦਗਾਹ ਕਾਲੋਨੀ, ਥਾਣਾ ਸਦਰ, ਜ਼ਿਲ੍ਹਾ ਸੋਨੀਪਤ (ਹਰਿਆਣਾ) ਦਾ ਨਿਵਾਸੀ ਹੈ। ਇੱਕ ਦੋਸ਼ੀ ਨਾਬਾਲਗ ਹੈ, ਇਹ ਵੀ ਹਰਿਆਣਾ ਦੇ ਸੋਨੀਪਤ ਦਾ ਰਹਿਣ ਵਾਲਾ ਹੈ।