ਦਿੱਲੀ 'ਚ ਜ਼ਹਿਰੀਲੀ ਹੋਈ ਹਵਾ ! PM 2.5 ਦਾ ਪੱਧਰ 3,000 ਤੋਂ ਪਾਰ, 36 ਸਟੇਸ਼ਨਾਂ ਦਾ ਡਾਟਾ ਗਾਇਬ ਹੋਣ 'ਤੇ ਮਾਹਿਰ ਚਿੰਤਤ

ਰਾਜ ਬਿਊਰੋ, ਨਵੀਂ ਦਿੱਲੀ - ਦੀਵਾਲੀ ਦੀ ਰਾਤ ਦਿੱਲੀ ਦੇ ਜ਼ਿਆਦਾਤਰ ਪ੍ਰਦੂਸ਼ਣ ਨਿਗਰਾਨੀ ਸਟੇਸ਼ਨਾਂ ਤੋਂ ਅੰਕੜੇ ਗਾਇਬ ਹੋ ਗਏ ਸਨ। ਇਸ ਨੂੰ ਲੈ ਕੇ ਨਿਗਰਾਨੀ ਕੇਂਦਰਾਂ ਦੀ ਭਰੋਸੇਯੋਗਤਾ 'ਤੇ ਸਵਾਲ ਖੜ੍ਹੇ ਹੋ ਰਹੇ ਸਨ। ਦਿੱਲੀ ਪ੍ਰਦੂਸ਼ਣ ਕੰਟਰੋਲ ਕਮੇਟੀ (DPCC) ਵੱਲੋਂ ਘੱਟੋ-ਘੱਟ ਅੰਕੜੇ ਜਾਰੀ ਕੀਤੇ ਗਏ ਹਨ, ਜਿਨ੍ਹਾਂ ਤੋਂ ਪਤਾ ਲੱਗਦਾ ਹੈ ਕਿ ਸੋਮਵਾਰ ਤੜਕੇ ਪਾਰਟੀਕੁਲੇਟ ਮੈਟਰ (PM) ਦੀ ਮਾਤਰਾ ਨਿਰਧਾਰਤ ਹੱਦ ਤੋਂ ਕਈ ਗੁਣਾ ਵੱਧ ਗਈ ਸੀ।

PM 2.5 ਦੀ ਮਨਜ਼ੂਰਸ਼ੁਦਾ ਹੱਦ 60 ਮਾਈਕ੍ਰੋਗ੍ਰਾਮ ਪ੍ਰਤੀ ਘਣ ਮੀਟਰ ਅਤੇ PM 10 ਦੀ ਹੱਦ 100 ਮਾਈਕ੍ਰੋਗ੍ਰਾਮ ਪ੍ਰਤੀ ਘਣ ਮੀਟਰ ਹੈ। ਇਸ ਦੇ ਮੁਕਾਬਲੇ ਪ੍ਰਦੂਸ਼ਣ ਦਾ ਪੱਧਰ 3,000 ਤੱਕ ਪਹੁੰਚ ਗਿਆ ਸੀ।