- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਦਿੱਲੀ ਨੂੰ ਮਿਲੀ 'ਨਿਊ ਸੁਪਰ ਫੈਟੀ ਹੈਵੀਵੇਟ ਚੈਂਪੀਅਨ', 'ਗੂਗੂ' ਨੂੰ ਹਰਾਉਣ ਵਾਲੀ 'ਗੋਲਾ' ਨੂੰ ਮਿਲੀਆਂ 66,954 ਵੋਟਾਂ; ਜਿੱਤ ਤੋਂ ਪਹਿਲਾਂ ਹੋਈ ਮੌਤ
ਦਿੱਲੀ ਨੂੰ ਆਪਣੀ 'ਨਵੀਂ ਸੁਪਰ ਹੈਵੀਵੇਟ ਚੈਂਪੀਅਨ' ਗੋਲਾ ਮਿਲੀ ਹੈ, ਜਿਸ ਨੇ ਸਭ ਤੋਂ ਫੈਟ ਡੌਗ ਮੁਕਾਬਲੇ ’ਚ 66,954 ਵੋਟਾਂ ਹਾਸਲ ਕਰਕੇ ਜਿੱਤ ਦਰਜ ਕੀਤੀ। ਹੌਜ਼ ਖਾਸ ਦੀ ਲੋਕਪ੍ਰਿਯ ਸਟ੍ਰੀਟ ਡੌਗ ਗੋਲਾ ਨੇ ਸਾਕੇਤ ਦੇ ਗੂਗੂ ਨੂੰ ਪਛਾੜ ਕੇ ਇਹ ਖਿਤਾਬ ਜਿੱਤਿਆ।
Posted By Paramjit Kaur
Publish Date: Fri, 02 Oct 2026 04:57 PM (IST)
Updated Date: Fri, 02 Oct 2026 05:00 PM (IST)
ਗੌਰੀ ਸ਼ਰਮਾ, ਨਵੀਂ ਦਿੱਲੀ : ਦਿਲਵਾਲਿਆਂ ਦੇ ਸ਼ਹਿਰ ਦਿੱਲੀ ਨੂੰ ਇੱਕ 'ਨਵੀਂ ਸੁਪਰ ਹੈਵੀਵੇਟ ਚੈਂਪੀਅਨ' ਮਿਲੀ ਹੈ। ਇਸ ਦਾ ਨਾਮ ਗੋਲਾ ਹੈ। ਹਾਲਾਂਕਿ, ਵਜ਼ਨੀ ਕੁੱਤਿਆਂ ਦੀ ਇਸ ਪ੍ਰਤੀਯੋਗਿਤਾ ਨੂੰ ਜਿੱਤਣ ਤੋਂ ਪਹਿਲਾਂ ਹੀ ਉਸ ਦੀ ਮੌਤ ਹੋ ਗਈ। ਆਨਲਾਈਨ ਤੇ ਆਫਲਾਈਨ ਹੋਏ ਮੁਕਾਬਲੇ ’ਚ ਗੋਲਾ ਨੂੰ ਕੁੱਲ 66,954 ਵੋਟਾਂ ਮਿਲੀਆਂ। ਉੱਥੇ ਹੀ ਰਨਰ-ਅੱਪ ਰਹੇ ਗੂਗੂ ਨੂੰ 27,046 ਵੋਟਾਂ ਮਿਲੀਆਂ। ਇਸ ਤਰ੍ਹਾਂ ਗੋਲਾ ਨੇ 39,908 ਵੋਟਾਂ ਦੇ ਵੱਡੇ ਫਰਕ ਨਾਲ ਜਿੱਤ ਦਰਜ ਕੀਤੀ।
ਬੇਹੱਦ ਲੋਕਪ੍ਰਿਯ ਸਟ੍ਰੀਟ ਡੌਗ ਸੀ ਗੋਲਾ
ਰਾਜਧਾਨੀ ਦੇ ਹੌਜ਼ ਖਾਸ ਸਥਿਤ ਐਸਡੀਏ ਮਾਰਕੀਟ ’ਚ ਇਨ੍ਹੀਂ ਦਿਨੀਂ ਇੱਕ ਸਟ੍ਰੀਟ ਡੌਗ ਦਾ ਨਾਮ ਹਰ ਜ਼ੁਬਾਨ ’ਤੇ ਹੈ। ਦਿੱਲੀ ਦੇ 'ਸਭ ਤੋਂ ਫੈਟ ਡੌਗ' ਦਾ ਖਿਤਾਬ ਜਿੱਤਣ ਲਈ ਕਰਵਾਏ ਗਏ ਇੱਕ ਬੇਹੱਦ ਅਨੋਖੇ ਮੁਕਾਬਲੇ ’ਚ 'ਗੋਲਾ' ਨਾਮ ਦੀ ਸਟ੍ਰੀਟ ਡੌਗ ਨੇ ਬਾਜ਼ੀ ਮਾਰ ਲਈ। ਲਗਭਗ 75 ਕਿਲੋ ਵਜ਼ਨ ਵਾਲੀ ਗੋਲਾ ਇਲਾਕੇ ਦੀ ਬੇਹੱਦ ਲੋਕਪ੍ਰਿਯ ਸਟ੍ਰੀਟ ਡੌਗ ਸੀ, ਜਿਸ ਨੇ ਸਾਕੇਤ ਦੇ ਧਾਕੜ ਦਾਅਵੇਦਾਰ 'ਗੂਗੂ' ਨੂੰ ਸਖ਼ਤ ਮੁਕਾਬਲੇ ’ਚ ਪਛਾੜ ਕੇ ਇਹ ਟਰਾਫੀ ਆਪਣੇ ਨਾਮ ਕਰ ਲਈ।
ਡਿਜੀਟਲ ਤੋਂ ਲੈ ਕੇ ਸੜਕਾਂ ਤੱਕ ਚੱਲਿਆ ਚੋਣ ਪ੍ਰਚਾਰ
ਇਸ ਮਜ਼ੇਦਾਰ ਤੇ ਅਨੋਖੇ ਮੁਕਾਬਲੇ ’ਚ ਪੂਰੀ ਦਿੱਲੀ ਤੋਂ ਵੱਖ-ਵੱਖ ਨਸਲਾਂ ਤੇ ਇਲਾਕਿਆਂ ਦੇ ਕੁੱਲ 64 ਡੌਗੀਜ਼ ਨੂੰ ਮੈਦਾਨ ’ਚ ਉਤਾਰਿਆ ਗਿਆ ਸੀ। ਗੋਲਾ ਨੂੰ ਚੈਂਪੀਅਨ ਬਣਾਉਣ ਲਈ ਉਸ ਦੇ ਪ੍ਰਸ਼ੰਸਕਾਂ ਨੇ ਕੋਈ ਕਸਰ ਨਹੀਂ ਛੱਡੀ। ਸਮਰਥਕਾਂ ਨੇ ਇੰਟਰਨੈੱਟ ’ਤੇ ਮੀਮਜ਼, ਪੋਸਟਾਂ ਤੇ ਅਪੀਲਾਂ ਰਾਹੀਂ ਜ਼ੋਰਦਾਰ ਪ੍ਰਚਾਰ ਕੀਤਾ। ਦੇਖਦੇ ਹੀ ਦੇਖਦੇ ਪੂਰਾ ਮੁਕਾਬਲਾ ਵਾਇਰਲ ਹੋ ਗਿਆ। ਮੁਕਾਬਲਾ ਇੰਨਾ ਦਿਲਚਸਪ ਰਿਹਾ ਕਿ ਫਾਈਨਲ ਰਾਊਂਡ ’ਚ ਗੋਲਾ ਨੂੰ ਰਿਕਾਰਡ ਤੋੜ 66,954 ਵੋਟਾਂ ਮਿਲੀਆਂ।
ਆਨਲਾਈਨ-ਆਫਲਾਈਨ ਵੋਟਿੰਗ ਨਾਲ ਹੋਇਆ ਫੈਸਲਾ ![naidunia_image]()
ਇਸ ਮੁਕਾਬਲੇ ਦੀ ਖਾਸ ਗੱਲ ਇਹ ਰਹੀ ਕਿ ਜੇਤੂ ਦੀ ਚੋਣ ਸਿਰਫ਼ ਸੋਸ਼ਲ ਮੀਡੀਆ ਤੱਕ ਸੀਮਿਤ ਨਹੀਂ ਸੀ। ਆਯੋਜਕਾਂ ਨੇ ਆਨਲਾਈਨ ਵੋਟਿੰਗ ਦੇ ਨਾਲ-ਨਾਲ ਦਿੱਲੀ ਦੇ ਵਸੰਤ ਵਿਹਾਰ, ਕਮਲਾ ਨਗਰ ਤੇ ਪੰਜਾਬੀ ਬਾਗ ਦੇ ਕੈਫੇ ’ਚ ਪੋਲਿੰਗ ਬੂਥ ਵੀ ਬਣਾਏ ਸਨ। ਗੋਲਾ ਦੀ ਇਸ ਧਮਾਕੇਦਾਰ ਜਿੱਤ ਤੋਂ ਬਾਅਦ ਐਸਡੀਏ ਮਾਰਕੀਟ ’ਚ ਉਸ ਦੇ ਚਾਹੁਣ ਵਾਲੇ ਖੁਸ਼ੀ ਜ਼ਾਹਰ ਕਰ ਰਹੇ ਹਨ। ਹਾਲਾਂਕਿ, ਨਤੀਜੇ ਆਉਣ ਤੋਂ ਪਹਿਲਾਂ ਹੀ ਗੋਲਾ ਦੀ ਮੌਤ ਹੋ ਜਾਣ ਕਾਰਨ ਹਰ ਕੋਈ ਅਫਸੋਸ ਵੀ ਜ਼ਾਹਰ ਕਰ ਰਿਹਾ ਹੈ।
ਗੂਗੂ ਨੇ ਤਾਰਾ ਨੂੰ ਦਿੱਤੀ ਸੀ ਮਾਤ
ਦੱਸ ਦੇਈਏ ਕਿ ਮੁਕਾਬਲੇ ਦੌਰਾਨ ਆਪਣੀ ਮੌਤ ਦੇ ਬਾਵਜੂਦ ਗੋਲਾ ਮੁਕਾਬਲੇ ’ਚ ਬਣੀ ਰਹੀ ਤੇ ਆਖ਼ਰਕਾਰ ਖਿਤਾਬ ਆਪਣੇ ਨਾਮ ਕਰ ਲਿਆ। ਗੂਗੂ ਨੇ ਸਖ਼ਤ ਮੁਕਾਬਲੇ ਵਾਲੇ ਸੈਮੀਫਾਈਨਲ ’ਚ ਤਾਰਾ ਨੂੰ ਹਰਾ ਕੇ ਫਾਈਨਲ ’ਚ ਜਗ੍ਹਾ ਬਣਾਈ।