ਪਤਨੀ 'ਤੇ ਐਸਿਡ ਸੁੱਟਣ ਵਾਲੇ ਪਤੀ ਨੂੰ 14 ਸਾਲ ਦੀ ਕੈਦ, ਦਿੱਲੀ ਅਦਾਲਤ ਨੇ ਲਾਇਆ 1 ਲੱਖ ਦਾ ਜੁਰਮਾਨਾ

ਦੱਸਿਆ ਗਿਆ ਕਿ ਪਤੀ-ਪਤਨੀ ਦੋਵੇਂ ਅੱਡ-ਅੱਡ ਰਹਿ ਰਹੇ ਸਨ, ਇਸੇ ਦੌਰਾਨ ਔਰਤ 'ਤੇ 8 ਅਗਸਤ, 2022 ਨੂੰ ਤੇਜ਼ਾਬ ਨਾਲ ਹਮਲਾ ਹੋਇਆ ਸੀ। ਉਹ ਆਪਣੇ ਪਤੀ ਨੂੰ ਮਿਲਣ ਗਈ ਸੀ ਅਤੇ ਉਨ੍ਹਾਂ ਵਿਚਕਾਰ ਝਗੜਾ ਹੋ ਗਿਆ ਸੀ। ਸ਼ਾਮ ਲਗਪਗ 5.30 ਵਜੇ ਘਰ ਪਰਤਣ ਤੋਂ ਬਾਅਦ, ਪਤੀ ਤੇਜ਼ਾਬ ਲੈ ਕੇ ਆਇਆ ਅਤੇ ਉਸ 'ਤੇ ਸੁੱਟ ਦਿੱਤਾ। ਇਸ ਤੋਂ ਬਾਅਦ ਮਾਂ ਅਤੇ ਇੱਕ ਗੁਆਂਢੀ ਔਰਤ ਨੂੰ ਹਸਪਤਾਲ ਲੈ ਕੇ ਗਏ। ਔਰਤ ਦਾ ਚਿਹਰਾ ਅਤੇ ਕੰਨ ਬੁਰੀ ਤਰ੍ਹਾਂ ਝੁਲਸ ਗਏ ਸਨ। ਇੰਨਾ ਹੀ ਨਹੀਂ, ਤੇਜ਼ਾਬ ਦੀਆਂ ਬੂੰਦਾਂ ਨਾਲ ਕੋਲ ਖੇਡ ਰਹੇ ਬੱਚੇ ਵੀ ਜ਼ਖ਼ਮੀ ਹੋ ਗਏ ਸਨ।