Delhi CJP Protest : 'ਹੁਣ ਦੀਪਕੇ ਤੈਅ ਕਰਨ ਕਿ ਉਨ੍ਹਾਂ ਨੇ ਘਰ ਪਰਤਣਾ ਹੈ ਜਾਂ...', ਦਿੱਲੀ ਪੁਲਿਸ ਨੇ ਅਭਿਜੀਤ ਨੂੰ ਦਿੱਤੇ ਦੋ ਆਪਸ਼ਨ

ਦਿੱਲੀ ਆਉਣ ਅਤੇ ਦਿੱਲੀ ਜਾਣ ਵਾਲੀਆਂ 150 ਤੋਂ ਵੱਧ ਟ੍ਰੇਨਾਂ ਰੱਦ ਕਰਨ ਦੇ ਨਾਲ ਹੀ ਦਿੱਲੀ ਮੈਟਰੋ ਦੇ 45 ਮੈਟਰੋ ਸਟੇਸ਼ਨ ਵੀ ਬੰਦ ਕਰ ਦਿੱਤੇ ਗਏ ਹਨ। ਇਸ ਦੇ ਨਾਲ ਹੀ ਸਾਰੇ ਰਸਤਿਆਂ ਅਤੇ ਦਿੱਲੀ ਦੀਆਂ ਸਰਹੱਦਾਂ 'ਤੇ ਸਖ਼ਤ ਨਿਗਰਾਨੀ ਹੈ। ਸੀ.ਜੇ.ਪੀ. ਪ੍ਰਦਰਸ਼ਨ ਲਈ ਕਾਫ਼ੀ ਗਿਣਤੀ ਵਿੱਚ ਲੋਕ ਕਨਾਟ ਪਲੇਸ (CP) ਅਤੇ ਆਲੇ-ਦੁਆਲੇ ਪਹੁੰਚੇ, ਜਿਨ੍ਹਾਂ ਨੂੰ ਪੁਲਿਸ ਨੇ ਹਿਰਾਸਤ ਵਿੱਚ ਲੈ ਲਿਆ।

• Facebook
• Twitter
• Whatsapp

ਡਿਜੀਟਲ ਡੈਸਕ, ਨਵੀਂ ਦਿੱਲੀ। ਸੀ.ਜੇ.ਪੀ. (CJP) ਦੇ 10 ਅਕਤੂਬਰ ਯਾਨੀ ਅੱਜ ਪ੍ਰਸਤਾਵਿਤ ਪ੍ਰਦਰਸ਼ਨ ਨੂੰ ਦੇਖਦਿਆਂ ਦਿੱਲੀ ਪੁਲਿਸ ਨੇ ਪੂਰੀ ਤਿਆਰੀ ਕਰ ਲਈ ਹੈ। ਆਪਣੇ ਪੁਰਾਣੇ ਤਜ਼ਰਬੇ ਤੋਂ ਸਬਕ ਲੈਂਦਿਆਂ ਦਿੱਲੀ ਪੁਲਿਸ ਨੇ ਇਸ ਪ੍ਰਦਰਸ਼ਨ ਨੂੰ ਲੈ ਕੇ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਕੀਤੇ ਹਨ। ਇੱਕ ਪਾਸੇ ਜਿੱਥੇ ਪੁਲਿਸ ਨੇ ਐੱਨ.ਡੀ.ਐੱਮ.ਸੀ. (NDMC) ਖੇਤਰ ਦੀ ਕਿਲ੍ਹਾਬੰਦੀ ਕਰ ਦਿੱਤੀ ਹੈ, ਉੱਥੇ ਹੀ ਰਾਜਧਾਨੀ ਦੀ ਹਰ ਸਰਹੱਦ 'ਤੇ ਵੀ ਕੜਾ ਪਹਿਰਾ ਹੈ।

ਦਿੱਲੀ ਆਉਣ ਅਤੇ ਦਿੱਲੀ ਜਾਣ ਵਾਲੀਆਂ 150 ਤੋਂ ਵੱਧ ਟ੍ਰੇਨਾਂ ਰੱਦ ਕਰਨ ਦੇ ਨਾਲ ਹੀ ਦਿੱਲੀ ਮੈਟਰੋ ਦੇ 45 ਮੈਟਰੋ ਸਟੇਸ਼ਨ ਵੀ ਬੰਦ ਕਰ ਦਿੱਤੇ ਗਏ ਹਨ। ਇਸ ਦੇ ਨਾਲ ਹੀ ਸਾਰੇ ਰਸਤਿਆਂ ਅਤੇ ਦਿੱਲੀ ਦੀਆਂ ਸਰਹੱਦਾਂ 'ਤੇ ਸਖ਼ਤ ਨਿਗਰਾਨੀ ਹੈ।

ਸੀ.ਜੇ.ਪੀ. ਪ੍ਰਦਰਸ਼ਨ ਲਈ ਕਾਫ਼ੀ ਗਿਣਤੀ ਵਿੱਚ ਲੋਕ ਕਨਾਟ ਪਲੇਸ (CP) ਅਤੇ ਆਲੇ-ਦੁਆਲੇ ਪਹੁੰਚੇ, ਜਿਨ੍ਹਾਂ ਨੂੰ ਪੁਲਿਸ ਨੇ ਹਿਰਾਸਤ ਵਿੱਚ ਲੈ ਲਿਆ।

ਦਿੱਲੀ ਪੁਲਿਸ ਨੇ ਦੀਪਕੇ ਨੂੰ ਦਾਦੀ ਦੇ ਦੇਹਾਂਤ ਬਾਰੇ ਦੱਸਿਆ

ਦਿੱਲੀ ਪੁਲਿਸ ਨੇ ਦੱਸਿਆ ਹੈ ਕਿ ਉਨ੍ਹਾਂ ਨੇ ਅਭਿਜੀਤ ਦੀਪਕੇ ਨੂੰ ਉਨ੍ਹਾਂ ਦੀ ਦਾਦੀ ਦੇ ਦੇਹਾਂਤ ਬਾਰੇ ਜਾਣਕਾਰੀ ਦੇ ਦਿੱਤੀ ਹੈ। ਹੁਣ ਇਹ ਉਨ੍ਹਾਂ ਨੇ ਤੈਅ ਕਰਨਾ ਹੈ ਕਿ ਉਹ ਘਰ ਪਰਤਣਾ ਚਾਹੁੰਦੇ ਹਨ ਜਾਂ ਇੱਥੇ ਹੀ ਰਹਿਣਾ ਚਾਹੁੰਦੇ ਹਨ।

ਸੀ.ਜੇ.ਪੀ. ਦੇ ਧਰਨੇ-ਪ੍ਰਦਰਸ਼ਨ ਨਾਲ ਦਿੱਲੀ ’ਚ 2000 ਕਰੋੜ ਦਾ ਕਾਰੋਬਾਰ ਠੱਪ

ਪ੍ਰਮੁੱਖ ਬਾਜ਼ਾਰਾਂ ਜਿਵੇਂ ਕਿ ਸਦਰ ਬਾਜ਼ਾਰ, ਚਾਂਦਨੀ ਚੌਕ, ਚਾਵੜੀ ਬਾਜ਼ਾਰ, ਕਨਾਟ ਪਲੇਸ, ਕਰੋਲ ਬਾਗ਼, ਲਾਜਪਤ ਰਾਏ ਮਾਰਕੀਟ ਅਤੇ ਭਾਗੀਰਥ ਪਲੇਸ ਦੇ ਬੰਦ ਹੋਣ ਦੇ ਨਾਲ-ਨਾਲ ਹੋਰ ਬਾਜ਼ਾਰਾਂ ਵਿੱਚ ਵੀ ਕੰਮਕਾਜ ਨਾ ਮਾਤਰ ਹੀ ਰਿਹਾ। ਦਿੱਲੀ ਤੋਂ ਬਾਹਰੋਂ ਰੋਜ਼ਾਨਾ ਤਿੰਨ-ਚਾਰ ਲੱਖ ਲੋਕ ਖ਼ਰੀਦਦਾਰੀ ਲਈ ਆਉਂਦੇ ਹਨ ਪਰ ਅੱਜ ਉਹ ਲੋਕ ਦਿੱਲੀ ਨਹੀਂ ਆਏ। ਸੁਰੱਖਿਆ ਅਤੇ ਜਾਮ ਦੇ ਡਰੋਂ ਦਿੱਲੀ ਦੇ ਲੋਕ ਵੀ ਅੱਜ ਖ਼ਰੀਦਦਾਰੀ ਲਈ ਨਹੀਂ ਨਿੱਕਲੇ।

ਜ਼ਿਆਦਾਤਰ ਪ੍ਰਮੁੱਖ ਮੈਟਰੋ ਸਟੇਸ਼ਨ ਬੰਦ ਹਨ, ਜਿਸ ਨਾਲ ਆਵਾਜਾਈ ਠੱਪ ਹੈ। ਅੱਜ ਪੈਟਰੋਲ ਪੰਪਾਂ 'ਤੇ ਵੀ ਭੀੜ ਨਹੀਂ ਹੋਵੇਗੀ। ਹੋਟਲਾਂ, ਰੈਸਟੋਰੈਂਟਾਂ, ਸਿਨੇਮਾ ਹਾਲਾਂ, ਬਿਊਟੀ ਪਾਰਲਰਾਂ ਅਤੇ ਸੈਲੂਨਾਂ ਵਿੱਚ ਬੁਕਿੰਗਾਂ ਰੱਦ ਹੋਈਆਂ ਹਨ।