- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
6 ਵੱਡੇ ਹਸਪਤਾਲਾਂ ਦੀ ਵੱਡੀ ਲਾਪਰਵਾਹੀ, ਪੀਣ ਵਾਲੇ ਪਾਣੀ 'ਚ ਮਿਲੇ ਮਲ-ਮੂਤਰ ਵਾਲੇ ਖ਼ਤਰਨਾਕ ਕੀਟਾਣੂ; NABL ਦੀ ਜਾਂਚ ਰਿਪੋਰਟ 'ਚ ਵੱਡਾ ਖੁਲਾਸਾ
ਮੱਧ ਪ੍ਰਦੇਸ਼ ਦੇ ਇੰਦੌਰ ਸ਼ਹਿਰ 'ਚ ਸਥਿਤ ਪ੍ਰਮੁੱਖ ਸਰਕਾਰੀ ਮੈਡੀਕਲ ਸੰਸਥਾਵਾਂ 'ਚ ਪੀਣ ਵਾਲੇ ਪਾਣੀ ਦੀ ਗੁਣਵੱਤਾ ਨੂੰ ਲੈ ਕੇ ਇੱਕ ਵਿਸਤ੍ਰਿਤ ਪੜਤਾਲ ਕੀਤੀ ਗਈ ਹੈ। NABL ਦੁਆਰਾ ਪ੍ਰਮਾਣਿਤ ਪ੍ਰਯੋਗਸ਼ਾਲਾ 'ਚ ਕਰਵਾਏ ਗਏ ਪਾਣੀ ਦੀ ਜਾਂਚ ਦੇ ਨਤੀਜਿਆਂ 'ਚ ਇੱਕ ਵੱਡਾ ਖੁਲਾਸਾ ਹੋਇਆ ਹੈ।
Posted By Sunita
Publish Date: Sat, 22 Aug 2026 11:05 AM (IST)
Updated Date: Sat, 22 Aug 2026 11:08 AM (IST)
ਡਿਜੀਟਲ ਡੈਸਕ, ਇੰਦੌਰ - ਮੱਧ ਪ੍ਰਦੇਸ਼ ਦੇ ਇੰਦੌਰ ਸ਼ਹਿਰ 'ਚ ਸਥਿਤ ਪ੍ਰਮੁੱਖ ਸਰਕਾਰੀ ਮੈਡੀਕਲ ਸੰਸਥਾਵਾਂ 'ਚ ਪੀਣ ਵਾਲੇ ਪਾਣੀ ਦੀ ਗੁਣਵੱਤਾ ਨੂੰ ਲੈ ਕੇ ਇੱਕ ਵਿਸਤ੍ਰਿਤ ਪੜਤਾਲ ਕੀਤੀ ਗਈ ਹੈ। NABL ਦੁਆਰਾ ਪ੍ਰਮਾਣਿਤ ਪ੍ਰਯੋਗਸ਼ਾਲਾ 'ਚ ਕਰਵਾਏ ਗਏ ਪਾਣੀ ਦੀ ਜਾਂਚ ਦੇ ਨਤੀਜਿਆਂ 'ਚ ਇੱਕ ਵੱਡਾ ਖੁਲਾਸਾ ਹੋਇਆ ਹੈ।
ਰਿਪੋਰਟ ਦੇ ਅਨੁਸਾਰ, ਛੇ ਹਸਪਤਾਲਾਂ ਦੇ ਪੀਣ ਵਾਲੇ ਪਾਣੀ ਦੇ ਨਮੂਨਿਆਂ 'ਚ ਮਨੁੱਖਾਂ ਅਤੇ ਪਸ਼ੂਆਂ ਦੇ ਮਲ-ਮੂਤਰ 'ਚ ਪਾਏ ਜਾਣ ਵਾਲੇ ਖ਼ਤਰਨਾਕ ਜੀਵਾਣੂ ਈ-ਕੋਲਾਏ (E. coli) ਅਤੇ ਕਾਲੀਫਾਰਮ (Coliform) ਪਾਏ ਗਏ ਹਨ।
ਇਨ੍ਹਾਂ ਹਸਪਤਾਲਾਂ ਦੇ ਪਾਣੀ 'ਚ ਪਾਏ ਗਏ ਖ਼ਤਰਨਾਕ ਜੀਵਾਣੂ
ਐੱਮ.ਵਾਈ. ਹਸਪਤਾਲ, ਪੀ.ਸੀ. ਸੇਠੀ, ਚਾਚਾ ਨਹਿਰੂ (ਬਾਲ ਚਿਕਿਤਸਾਲਿਆ), ਸੁਪਰ ਸਪੈਸ਼ਲਿਟੀ, ਮੈਂਟਲ ਹਸਪਤਾਲ ਅਤੇ ਜ਼ਿਲ੍ਹਾ ਹਸਪਤਾਲ ਦੇ ਪੀਣ ਵਾਲੇ ਪਾਣੀ 'ਚ ਗੰਭੀਰ ਪੱਧਰ ਦਾ ਜੈਵਿਕ ਪ੍ਰਦੂਸ਼ਣ ਦਰਜ ਹੋਇਆ ਹੈ। 'ਸੰਵੇਦਨਾ ਐੱਨ.ਜੀ.ਓ.' ਦੁਆਰਾ ਚਲਾਏ ਜਾਣ ਵਾਲੇ 1000 ਲੀਟਰ ਸਮਰੱਥਾ ਵਾਲੇ ਸ਼ੋਧਨ ਤੰਤਰ ਦੇ ਬਾਵਜੂਦ ਨਮੂਨਿਆਂ 'ਚ ਈ-ਕੋਲਾਏ ਦੀ ਪੁਸ਼ਟੀ ਹੋਈ ਹੈ।
ਕੂਲਰਾਂ ਦੇ ਕੋਲ ਗੰਦਗੀ ਅਤੇ ਐਮਰਜੈਂਸੀ ਯੂਨਿਟਾਂ 'ਚ ਪ੍ਰਣਾਲੀਆਂ ਦਾ ਬੰਦ ਹੋਣਾ ਪ੍ਰਮੁੱਖ ਸਮੱਸਿਆ ਪਾਈ ਗਈ ਹੈ। ਚਾਚਾ ਨਹਿਰੂ ਬਾਲ ਚਿਕਿਤਸਾਲਿਆ 'ਚ ਨਵਜਾਤ ਬੱਚਿਆਂ ਦੇ ਇਲਾਜ ਵਾਲੇ ਇਸ ਸੰਸਥਾਨ 'ਚ ਵਾਟਰ ਕੂਲਰ ਦੇ ਆਸ-ਪਾਸ ਅਸਵੱਛਤਾ ਪਾਈ ਗਈ ਅਤੇ ਨਮੂਨਿਆਂ 'ਚ ਇਨਫੈਕਸ਼ਨ ਫੈਲਿਆ ਪਾਇਆ ਗਿਆ। ਉੱਥੇ ਹੀ, ਮੈਂਟਲ ਹਸਪਤਾਲ ਅਤੇ ਜ਼ਿਲ੍ਹਾ ਹਸਪਤਾਲ ਦੇ ਵਾਟਰ ਕੂਲਰ ਖ਼ਰਾਬ ਹੋਣ ਕਾਰਨ ਮਟਕਿਆਂ ਜਾਂ ਲੋਟਿਆਂ ਜ਼ਰੀਏ ਅਸੁਰੱਖਿਅਤ ਪਾਣੀ ਵੰਡਿਆ ਜਾ ਰਿਹਾ ਹੈ, ਜਿਸ ਨਾਲ ਇਨਫੈਕਸ਼ਨ ਦਾ ਜੋਖਮ ਬਣਿਆ ਹੋਇਆ ਹੈ। ਪੂਰੇ ਅਧਿਐਨ ਦੌਰਾਨ ਸਿਰਫ਼ ਐੱਮ.ਟੀ.ਐੱਚ., ਬਾਣਗੰਗਾ ਅਤੇ ਐੱਮ.ਆਰ.ਟੀ.ਬੀ. ਹਸਪਤਾਲ ਦਾ ਪਾਣੀ ਹੀ ਮਨੁੱਖੀ ਵਰਤੋਂ ਦੇ ਅਨੁਕੂਲ ਪਾਇਆ ਗਿਆ।
ਸਰੀਰ ਲਈ ਖ਼ਤਰਨਾਕ ਹੈ ਈ-ਕੋਲਾਏ ਅਤੇ ਕਾਲੀਫਾਰਮ
ਚਿਕਿਤਸਾ ਮਾਹਿਰਾਂ ਅਨੁਸਾਰ, ਈ-ਕੋਲਾਏ ਅਤੇ ਕਾਲੀਫਾਰਮ ਯੁਕਤ ਪਾਣੀ ਨਾਲ ਨਵਜਾਤ ਬੱਚਿਆਂ, ਆਈ.ਸੀ.ਯੂ. 'ਚ ਦਾਖ਼ਲ ਮਰੀਜ਼ਾਂ ਅਤੇ ਆਪ੍ਰੇਸ਼ਨ ਕਰਵਾਉਣ ਵਾਲੇ ਵਿਅਕਤੀਆਂ 'ਚ ਜਾਨਲੇਵਾ ਅੰਦਰੂਨੀ ਇਨਫੈਕਸ਼ਨ ਫੈਲ ਸਕਦਾ ਹੈ।
ਕੀ ਬੋਲੇ ਅਧਿਕਾਰੀ?
ਮਾਮਲੇ ਉੱਤੇ ਐੱਮ.ਜੀ.ਐੱਮ. ਮੈਡੀਕਲ ਕਾਲਜ ਦੇ ਨੋਡਲ ਅਧਿਕਾਰੀ ਡਾ. ਆਸ਼ੂਤੋਸ਼ ਸ੍ਰੀਵਾਸਤਵ ਨੇ ਸਪੱਸ਼ਟ ਕੀਤਾ ਕਿ ਹਸਪਤਾਲ ਇਨਫੈਕਸ਼ਨ ਕੰਟਰੋਲ ਕਮੇਟੀ (HICC) ਦੁਆਰ ਨਿਯਮਤ ਅੰਤਰਾਲਾਂ ਉੱਤੇ ਪਾਣੀ ਦੇ ਨਮੂਨਿਆਂ ਦੀ ਜਾਂਚ ਕਰਵਾਈ ਜਾਂਦੀ ਹੈ। ਕਿਸੇ ਵੀ ਕਿਸਮ ਦੀ ਕਮੀ ਸਾਹਮਣੇ ਆਉਣ ਉੱਤੇ ਸਬੰਧਤ ਹਸਪਤਾਲ ਪ੍ਰਬੰਧਕਾਂ ਨੂੰ ਤੁਰੰਤ ਸੁਧਾਰਾਤਮਕ ਕਾਰਵਾਈ ਦੇ ਨਿਰਦੇਸ਼ ਦਿੱਤੇ ਜਾਂਦੇ ਹਨ।