Court Decision : ‘ਬਾਲਗ ਜੋੜੇ ਨੂੰ ਜ਼ਿੰਦਗੀ ਦੇ ਫ਼ੈਸਲੇ ਕਰਨ ਦਾ ਹੱਕ’, ਅਦਾਲਤ ਨੇ ਲਿਵ ਇਨ ’ਚ ਰਹਿੰਦੇ ਬਾਲਿਗ ਜੋੜੇ ਨੂੰ ਇਕੱਠੇ ਰਹਿਣ ਦੀ ਦਿੱਤੀ ਪ੍ਰਵਾਨਗੀ

ਕਾਨੂੰਨੀ ਪ੍ਰਤੀਨਿਧ, ਜਾਗਰਣ, ਸ਼ਿਮਲਾ: ਹਿਮਾਚਲ ਪ੍ਰਦੇਸ਼ ਹਾਈ ਕੋਰਟ ਨੇ ਲਿਵ ਇਨ ਸਬੰਧਾਂ ਤਹਿਤ ਇਕੱਠੇ ਰਹਿੰਦੇ ਬਾਲਗ ਜੋੜੇ ਨੂੰ ਮਰਜ਼ੀ ਨਾਲ ਰਹਿਣ ਦੀ ਆਗਿਆ ਦੇ ਦਿੱਤੀ ਹੈ। ਕੋਰਟ ਨੇ ਸਪੱਸ਼ਟ ਕੀਤਾ ਕਿ ਜਦੋਂ ਨੌਜਵਾਨ ਅਤੇ ਔਰਤ ਦੋਵੇਂ ਬਾਲਗ ਹਨ, ਤਾਂ ਉਨ੍ਹਾਂ ਨੂੰ ਆਪਣੀ ਜ਼ਿੰਦਗੀ ਦੇ ਫ਼ੈਸਲੇ ਕਰਨ ਦਾ ਹੱਕ ਹੈ। ਇਹ ਹੁਕਮ ਮੁੱਖ ਜੱਜ ਜੀਐੱਸ ਸੰਧਾਵਾਲੀਆ ਅਤੇ ਜੱਜ ਬਿਪਿਨ ਸੀ ਨੇਗੀ ਦੇ ਬੈਂਚ ਨੇ ਪਟੀਸ਼ਨ ਦਾ ਨਿਪਟਾਰਾ ਕਰਦੇ ਹੋਏ ਕੀਤਾ ਹੈ।

ਪਟੀਸ਼ਨ ਮੁਤਾਬਕ ਇਹ ਜੋੜਾ ਜਨਵਰੀ 2026 ਤੋਂ ਲਿਵ ਇਨ ਰਿਲੇਸ਼ਨਸ਼ਿਪ ਵਿਚ ਹਨ ਤੇ ਵੱਖ-ਵੱਖ ਕੰਪਨੀਆਂ ਵਿਚ ਕੰਮ ਕਰਦੇ ਸਨ। ਨੌਜਵਾਨ ਦੇ ਮਾਪੇ ਇਸ ਰਿਸ਼ਤੇ ਦੇ ਖ਼ਿਲਾਫ਼ ਸਨ। ਉਹ ਪੁੱਤਰ ਨੂੰ ਜਬਰਦਸਤੀ ਕਾਂਗੜਾ ਸਥਿਤ ਆਪਣੇ ਘਰ ਲੈ ਗਏ, ਜਿੱਥੇ ਉਸ ਨੂੰ ਖ਼ਿਲਾਫ਼ ਬੰਧਕ ਬਣਾ ਕੇ ਰੱਖਿਆ ਗਿਆ ਅਤੇ ਕੁੱਟਮਾਰ ਕੀਤੀ ਗਈ।

ਮਾਮਲੇ ਦਾ ਨੋਟਿਸ ਲੈਂਦੇ ਹੋਏ ਅਦਾਲਤ ਨੇ ਪੁਲਿਸ ਨੂੰ ਹੁਕਮ ਕੀਤਾ ਕਿ ਨੌਜਵਾਨ ਨੂੰ ਅਦਾਲਤ ਵਿਚ ਨਿੱਜੀ ਤੌਰ ’ਤੇ ਪੇਸ਼ ਕੀਤਾ ਜਾਵੇ। ਅਦਾਲਤ ਨੇ ਨੌਜਵਾਨ ਦੇ ਮਾਤਾ-ਪਿਤਾ ਨਾਲ ਗੱਲਬਾਤ ਕੀਤੀ। ਇਸ ਤੋਂ ਬਾਅਦ ਨੌਜਵਾਨ ਤੇ ਔਰਤ ਨੂੰ ਆਪਸ ਵਿਚ ਗੱਲਬਾਤ ਕਰ ਕੇ ਭਵਿੱਖ ਦਾ ਫੈਸਲਾ ਕਰਨ ਲਈ ਕਾਫੀ ਸਮਾਂ ਦਿੱਤਾ ਗਿਆ। ਬੈਂਚ ਨੇ ਨੌਜਵਾਨ ਜੋੜੇ ਦੀ ਕੌਂਸਲਿੰਗ ਕੀਤੀ ਅਤੇ ਖ਼ਾਸਕਰ ਨੌਜਵਾਨ ਨੂੰ ਪੜ੍ਹਾਈ ਅਤੇ ਭਵਿੱਖ ਨੂੰ ਲੈ ਕੇ ਗੰਭੀਰ ਰਹਿਣ ਦੀ ਸਲਾਹ ਦਿੱਤੀ।