ਨਸ਼ੇ ਦੀ ਗ੍ਰਿਫ਼ਤ ’ਚ ਬਚਪਨ! CJI ਸੂਰਯਕਾਂਤ ਦੀ ਵੱਡੀ ਚਿੰਤਾ, ਬੋਲੇ- ਸੁਰੱਖਿਅਤ ਭਵਿੱਖ ਜ਼ਰੂਰੀ; ਰਾਜਪਾਲ ਨੇ ਦੱਸਿਆ ਪੁਨਰਵਾਸ ਦਾ ਰਸਤਾ

ਉਨ੍ਹਾਂ ਕਿਹਾ ਕਿ ਨਸ਼ੇ ਦੀ ਲਪੇਟ ’ਚ ਆਏ ਬੱਚੇ ਸ਼ੋਸ਼ਣ, ਹਿੰਸਾ, ਤਸਕਰੀ ਤੇ ਹੋਰ ਤਰ੍ਹਾਂ ਦੇ ਦੁਰਵਿਵਹਾਰ ਪ੍ਰਤੀ ਵਧੇਰੇ ਸੰਵੇਦਨਸ਼ੀਲ ਹੋ ਜਾਂਦੇ ਹਨ। ਇੱਕ ਅਧਿਐਨ ਦਾ ਹਵਾਲਾ ਦਿੰਦਿਆਂ ਮੁੱਖ ਜੱਜ ਨੇ ਕਿਹਾ ਕਿ ਭਾਰਤ ’ਚ ਪੰਜ ਵਿੱਚੋਂ ਇੱਕ ਤੋਂ ਵੱਧ ਕਿਸ਼ੋਰਾਂ ’ਚ ਮਾਦਕ ਪਦਾਰਥਾਂ ਦੀ ਵਰਤੋਂ ਦਾ ਦਰਮਿਆਨੇ ਤੋਂ ਉੱਚ ਪੱਧਰ ਤੱਕ ਖ਼ਤਰਾ ਪਾਇਆ ਗਿਆ ਹੈ। ਬੱਚਿਆਂ ਦੇ ਨਸ਼ੇ ਵੱਲ ਜਾਣ ਦੇ ਕਾਰਨ ਵੱਖ-ਵੱਖ ਹੋ ਸਕਦੇ ਹਨ, ਜਿਵੇਂ ਸਾਥੀਆਂ ਦਾ ਪ੍ਰਭਾਵ, ਅਣਦੇਖੀ, ਦੁਰਵਿਵਹਾਰ, ਸਕੂਲ ਛੱਡਣਾ, ਪਰਿਵਾਰਕ ਹਾਲਾਤ ਤੇ ਅਸੁਰੱਖਿਅਤ ਮਾਹੌਲ। ਇਸ ਲਈ ਹਰ ਬੱਚੇ ਲਈ ਇੱਕੋ ਜਿਹਾ ਇਲਾਜ ਨਹੀਂ ਹੋ ਸਕਦਾ। ਬੱਚੇ ਦੀ ਉਮਰ, ਪਰਿਵਾਰਕ ਸਥਿਤੀ ਤੇ ਨਸ਼ੇ ਦੀ ਸ਼ੁਰੂਆਤ ਦੇ ਕਾਰਨਾਂ ਨੂੰ ਸਮਝਣਾ ਜ਼ਰੂਰੀ ਹੈ। ਉਨ੍ਹਾਂ ਕਿਹਾ ਕਿ ਪੁਨਰਵਾਸ ਦਾ ਅਰਥ ਸਿਰਫ਼ ਬੱਚੇ ਨੂੰ ਨਸ਼ੇ ਤੋਂ ਦੂਰ ਕਰਨਾ ਨਹੀਂ, ਸਗੋਂ ਉਸ ਨੂੰ ਮੁੜ ਸਿੱਖਿਆ, ਖੇਡਾਂ, ਰਿਸ਼ਤਿਆਂ, ਭਰੋਸੇ ਤੇ ਸੁਰੱਖਿਅਤ ਮਾਹੌਲ ਨਾਲ ਜੋੜਨਾ ਹੈ। ਮੁੱਖ ਜੱਜ ਨੇ ਸਿੱਖਿਆ ਨੂੰ ਪੁਨਰਵਾਸ ਦਾ ਕੇਂਦਰੀ ਹਿੱਸਾ ਦੱਸਿਆ, ਕਿਉਂਕਿ ਸਕੂਲ ਬੱਚੇ ਨੂੰ ਸਥਿਰਤਾ, ਰਿਸ਼ਤੇ, ਸਹਿਯੋਗ ਤੇ ਭਵਿੱਖ ਦੀ ਕਲਪਨਾ ਕਰਨ ਦਾ ਮੌਕਾ ਦਿੰਦਾ ਹੈ।