- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਚੰਬਾ ਭਿਆਨਕ ਬੱਸ ਹਾਦਸਾ : ਸੀਟਾਂ ਹੇਠ ਦੱਬੀਆਂ ਸਵਾਰੀਆਂ ਰਹੀਆਂ ਸਨ ਤੜਫ਼, ਲੋਹਾ ਕੱਟ ਕੇ ਕੱਢੀਆਂ 7 ਲਾਸ਼ਾਂ ਤੇ 11 ਜ਼ਖ਼ਮੀ
ਹਿਮਾਚਲ ਪ੍ਰਦੇਸ਼ ਦੇ ਚੰਬਾ ਜ਼ਿਲ੍ਹੇ 'ਚ ਸ਼ਨੀਵਾਰ ਸਵੇਰੇ ਹੀ ਚੀਖ-ਚਿਹਾੜਾ ਮਚ ਗਿਆ। ਚੁਰਾਹ ਘਾਟੀ ਦੇ ਦੂਰ-ਦੁਰਾਡੇ ਖੇਤਰ ਬੈਰਾਗੜ੍ਹ ਤੋਂ ਚੰਬਾ ਲਈ ਸਵੇਰੇ ਕਰੀਬ 6:30 ਵਜੇ ਨਿਕਲੀ ਸ਼ਰਮਾ ਟਰੈਵਲਜ਼ ਦੀ ਬੱਸ ਮਹਿਜ਼ ਤਿੰਨ ਕਿਲੋਮੀਟਰ ਅੱਗੇ ਚਾਲੁਜ ਮੋੜ ਦੇ ਕੋਲ ਅਚਾਨਕ ਬੇਕਾਬੂ ਹੋ ਗਈ ਅਤੇ ਕਰੀਬ 100 ਫੁੱਟ ਹੇਠਾਂ ਦੂਜੀ ਸੜਕ 'ਤੇ ਜਾ ਡਿੱਗੀ। ਮੌਕੇ 'ਤੇ ਚੀਖ-ਚਿਹਾੜਾ ਮਚ ਗਿਆ ਅਤੇ ਬੱਸ ਪਲਟਣ ਨਾਲ ਸਵਾਰੀਆਂ ਹੇਠਾਂ ਦੱਬੀਆਂ ਗਈਆਂ ਸਨ।
Posted By Sunita
Publish Date: Sat, 08 Aug 2026 02:16 PM (IST)
Updated Date: Sat, 08 Aug 2026 02:17 PM (IST)
ਸ਼ਕੂਰ ਅਹਿਮਦ, ਚੰਬਾ - ਹਿਮਾਚਲ ਪ੍ਰਦੇਸ਼ ਦੇ ਚੰਬਾ ਜ਼ਿਲ੍ਹੇ 'ਚ ਸ਼ਨੀਵਾਰ ਸਵੇਰੇ ਹੀ ਚੀਖ-ਚਿਹਾੜਾ ਮਚ ਗਿਆ। ਚੁਰਾਹ ਘਾਟੀ ਦੇ ਦੂਰ-ਦੁਰਾਡੇ ਖੇਤਰ ਬੈਰਾਗੜ੍ਹ ਤੋਂ ਚੰਬਾ ਲਈ ਸਵੇਰੇ ਕਰੀਬ 6:30 ਵਜੇ ਨਿਕਲੀ ਸ਼ਰਮਾ ਟਰੈਵਲਜ਼ ਦੀ ਬੱਸ ਮਹਿਜ਼ ਤਿੰਨ ਕਿਲੋਮੀਟਰ ਅੱਗੇ ਚਾਲੁਜ ਮੋੜ ਦੇ ਕੋਲ ਅਚਾਨਕ ਬੇਕਾਬੂ ਹੋ ਗਈ ਅਤੇ ਕਰੀਬ 100 ਫੁੱਟ ਹੇਠਾਂ ਦੂਜੀ ਸੜਕ 'ਤੇ ਜਾ ਡਿੱਗੀ। ਮੌਕੇ 'ਤੇ ਚੀਖ-ਚਿਹਾੜਾ ਮਚ ਗਿਆ ਅਤੇ ਬੱਸ ਪਲਟਣ ਨਾਲ ਸਵਾਰੀਆਂ ਹੇਠਾਂ ਦੱਬੀਆਂ ਗਈਆਂ ਸਨ।
ਬੱਸ ਦੇ ਹੇਠੋਂ ਚੀਖਾਂ ਆ ਰਹੀਆਂ ਸਨ ਪਰ ਲੋਕ ਬੇਵੱਸ ਸਨ। ਕੁਝ ਦੇਰ 'ਚ ਮੌਕੇ 'ਤੇ ਕਾਫ਼ੀ ਜ਼ਿਆਦਾ ਲੋਕ ਪਹੁੰਚ ਗਏ ਤਾਂ ਉਨ੍ਹਾਂ ਨੇ ਮਸ਼ੀਨ ਦੀ ਉਡੀਕ ਕਰਨ ਦੀ ਬਜਾਏ ਇੱਕਠੇ ਜ਼ੋਰ ਲਾ ਕੇ ਬੱਸ ਨੂੰ ਥੋੜ੍ਹਾ ਜਿਹਾ ਉੱਪਰ ਚੁੱਕ ਕੇ ਜ਼ਖ਼ਮੀਆਂ ਨੂੰ ਬਾਹਰ ਕੱਢਣਾ ਸ਼ੁਰੂ ਕਰ ਦਿੱਤਾ। ਕਾਫ਼ੀ ਦੇਰ ਬਾਅਦ ਮਸ਼ੀਨ ਆਈ ਤਾਂ ਵਿਚਕਾਰ ਫਸੇ ਲੋਕਾਂ ਨੂੰ ਵੀ ਬਾਹਰ ਕੱਢਿਆ ਜਾ ਸਕਿਆ। ਲੋਹੇ ਨੂੰ ਕੱਟ ਕੇ ਸਵਾਰੀਆਂ ਨੂੰ ਗੰਭੀਰ ਹਾਲਤ 'ਚ ਬਾਹਰ ਕੱਢਿਆ ਗਿਆ। ਇਹ ਮੰਜ਼ਰ ਦੇਖ ਕੇ ਹਰੇਕ ਦਾ ਦਿਲ ਪਸੀਜ ਗਿਆ। ਹਾਦਸੇ 'ਚ 11 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ 6 ਦੀ ਹਾਲਤ ਗੰਭੀਰ ਹੈ, ਜਿਨ੍ਹਾਂ ਨੂੰ ਚੰਬਾ ਮੈਡੀਕਲ ਕਾਲਜ ਅਤੇ ਹਸਪਤਾਲ ਰੈਫ਼ਰ ਕਰ ਦਿੱਤਾ ਗਿਆ ਹੈ।
ਬੱਸ ਦੇ ਉੱਡੇ ਪਰਖੱਚੇ
ਸੰਨਾਟੇ ਨੂੰ ਚੀਰਦੀ ਹੋਈ ਬੱਸ ਦੇ ਡਿੱਗਣ ਦੀ ਖੌਫ਼ਨਾਕ ਆਵਾਜ਼ ਅਤੇ ਯਾਤਰੀਆਂ ਦੀਆਂ ਚੀਕਾਂ ਨਾਲ ਪੂਰਾ ਖੇਤਰ ਦਹਿਲ ਉੱਠਿਆ। ਹਾਦਸਾ ਇੰਨਾ ਭਿਆਨਕ ਸੀ ਕਿ ਬੱਸ ਦੇ ਪਰਖੱਚੇ ਉੱਡ ਗਏ। ਘਟਨਾ ਦਾ ਪਤਾ ਲੱਗਦਿਆਂ ਹੀ ਆਸ-ਪਾਸ ਦੇ ਲੋਕ ਆਪਣੇ ਸਾਰੇ ਕੰਮ-ਕਾਰ ਛੱਡ ਕੇ ਬਿਨਾਂ ਇੱਕ ਪਲ ਗੁਆਏ ਘਟਨਾ ਸਥਾਨ ਵੱਲ ਦੌੜ ਪਏ।
ਤਾਂ ਕੀ ਸਟੀਅਰਿੰਗ ਫ੍ਰੀ ਹੋਣ ਨਾਲ ਹੋਇਆ ਹਾਦਸਾ?
ਦੱਸਿਆ ਜਾ ਰਿਹਾ ਹੈ ਕਿ ਬੱਸ ਦਾ ਸਟੀਅਰਿੰਗ ਫ੍ਰੀ ਹੋਣ ਕਾਰਨ ਇਹ ਹਾਦਸਾ ਹੋਇਆ ਹੈ। ਹਾਲਾਂਕਿ ਇਸ ਦੀ ਅਜੇ ਤੱਕ ਪੁਸ਼ਟੀ ਨਹੀਂ ਹੋ ਸਕੀ ਹੈ। ਬੱਸ ਦਾ ਐਂਡ ਉਹ ਉਪਕਰਣ ਹੁੰਦਾ ਹੈ, ਜੋ ਸਟੀਅਰਿੰਗ ਸਿਸਟਮ ਦਾ ਇੱਕ ਮੁੱਖ ਬਾਲ-ਜੁਆਇੰਟ ਹੈ, ਜੋ ਸਟੀਅਰਿੰਗ ਵ੍ਹੀਲ ਦੇ ਘੁੰਮਣ ਦੀ ਤਾਕਤ ਨੂੰ ਬੱਸ ਦੇ ਪਹੀਆਂ ਤੱਕ ਪਹੁੰਚਾ ਕੇ ਉਨ੍ਹਾਂ ਨੂੰ ਮੋੜਨ ਦਾ ਕੰਮ ਕਰਦਾ ਹੈ। ਐਂਡ ਟੁੱਟਣ 'ਤੇ ਉਸ ਪਹੀਏ ਦਾ ਸਟੀਅਰਿੰਗ ਨਾਲ ਸੰਪਰਕ ਪੂਰੀ ਤਰ੍ਹਾਂ ਕੱਟ ਜਾਂਦਾ ਹੈ, ਜਿਸ ਨਾਲ ਬੱਸ ਨੂੰ ਮੋੜਨਾ ਜਾਂ ਸੰਭਾਲਣਾ ਅਸੰਭਵ ਹੋ ਜਾਂਦਾ ਹੈ। ਅਜਿਹੇ 'ਚ ਚੱਲਦੀ ਬੱਸ ਦਾ ਪਹੀਆ ਅਚਾਨਕ ਕਿਸੇ ਵੀ ਦਿਸ਼ਾ 'ਚ ਘੁੰਮ ਸਕਦਾ ਹੈ, ਜਿਸ ਨਾਲ ਬੱਸ ਤੁਰੰਤ ਬੇਕਾਬੂ ਹੋ ਕੇ ਪਲਟ ਸਕਦੀ ਹੈ ਜਾਂ ਟਕਰਾ ਸਕਦੀ ਹੈ।
7 ਸਵਾਰੀਆਂ ਦੀ ਮੌਤ, 11 ਲੋਕ ਗੰਭੀਰ ਜ਼ਖ਼ਮੀ
ਸਵੇਰੇ ਜਿੱਥੇ ਘਰਾਂ 'ਚ ਚਹਿਲ-ਪਹਿਲ ਸੀ, ਉੱਥੇ ਪਲਕ ਝਪਕਦਿਆਂ ਹੀ ਸੰਨਾਟਾ ਅਤੇ ਮਾਤਮ ਪਸਰ ਗਿਆ। ਇਸ ਖੌਫ਼ਨਾਕ ਹਾਦਸੇ 'ਚ ਬੱਸ ਦੇ ਡਰਾਈਵਰ ਅਤੇ ਕੰਡਕਟਰ ਸਮੇਤ ਕੁੱਲ ਸੱਤ ਲੋਕਾਂ ਦੀ ਦਰਦਨਾਕ ਮੌਤ ਹੋ ਗਈ, ਜਦਕਿ ਚਾਰ ਮਾਸੂਮ ਬੱਚਿਆਂ ਅਤੇ ਇੱਕ ਸੈਲਾਨੀ ਔਰਤ ਸਮੇਤ 11 ਲੋਕ ਗੰਭੀਰ ਰੂਪ 'ਚ ਜ਼ਖ਼ਮੀ ਹੋ ਗਏ। ਮ੍ਰਿਤਕਾਂ 'ਚੋਂ ਬਹੁਤ ਸਾਰੇ ਲੋਕ ਆਪਸ 'ਚ ਗੁਆਂਢੀ ਅਤੇ ਰਿਸ਼ਤੇਦਾਰ ਸਨ, ਜਿਸ ਕਾਰਨ ਦੇਵੀਕੋਠੀ ਅਤੇ ਬਾਲਹਾ ਖੇਤਰ ਦੇ ਹਰ ਘਰ 'ਚ ਮਾਤਮ ਛਾਇਆ ਹੋਇਆ ਹੈ।
ਇਨ੍ਹਾਂ ਲੋਕਾਂ ਦੀ ਹਾਦਸੇ 'ਚ ਗਈ ਜਾਨ
50 ਸਾਲਾ ਜਗਦੇਵ ਸ਼ਰਮਾ ਪੁੱਤਰ ਧਰਮ ਸਿੰਘ ਪਿੰਡ ਬਾਲਹਾ ਡਾਕਘਰ ਦੇਵੀਕੋਠੀ, 35 ਸਾਲਾ ਦੇਸ ਰਾਜ ਪੁੱਤਰ ਤ੍ਰਿਲੋਚਨ ਪਿੰਡ ਬਾਲਹਾ ਡਾਕਘਰ ਦੇਵੀਕੋਠੀ ਤਹਿਸੀਲ ਚੁਰਾਹ, 39 ਸਾਲਾ ਕੰਡਕਟਰ ਤੇਜ ਸਿੰਘ ਪੁੱਤਰ ਪਿਆਰੇ ਲਾਲ ਪਿੰਡ ਸਤਿਆਸ ਡਾਕਘਰ ਤਰੇਲਾ ਤਹਿਸੀਲ ਚੁਰਾਹ, 24 ਸਾਲਾ ਜਗਦੇਈ ਪੁੱਤਰੀ ਹਰੀ ਲਾਲ ਪਿੰਡ ਬਾਲਹਾ ਡਾਕਘਰ ਦੇਵੀਕੋਠੀ, 43 ਸਾਲਾ ਹਰਦੇਈ ਪਤਨੀ ਜਗਦੇਵ ਪਿੰਡ ਬਾਲਹਾ ਡਾਕਘਰ ਦੇਵੀਕੋਠੀ, 34 ਸਾਲਾ ਨੀਲਮ ਪਤਨੀ ਮੋਤੀ ਸਿੰਘ ਪਿੰਡ ਦੇਵੀਕੋਠੀ ਅਤੇ 35 ਸਾਲਾ ਡਰਾਈਵਰ ਰੂਪ ਸਿੰਘ ਪੁੱਤਰ ਰਾਧਾ ਰਾਮ ਪਿੰਡ ਚਿੱਲੀ ਡਾਕਘਰ ਥੱਲੀ ਤਹਿਸੀਲ ਚੁਰਾਹ, ਸਾਰੇ ਜ਼ਿਲ੍ਹਾ ਚੰਬਾ ਦੇ ਨਿਵਾਸੀ ਸਨ।