ਥਾਣੇ 'ਚ ਸੰਘ ਪ੍ਰਚਾਰਕ ਦੀ ਕੁੱਟਮਾਰ ਦਾ ਮਾਮਲਾ, ਗੁੱਸੇ 'ਚ ਆਏ ਲੋਕਾਂ ਦਾ 6 ਘੰਟੇ ਘਿਰਾਓ; ਥਾਣਾ ਇੰਚਾਰਜ ਸਣੇ 6 ਮੁਅੱਤਲ

ਜਾਸ, ਜੈਪੁਰ : ਜੈਪੁਰ ਜ਼ਿਲ੍ਹੇ ਦੇ ਨਰੈਨਾ ਵਿਚ ਸ਼ਨੀਵਾਰ ਰਾਤ ਸੰਘ ਦੇ ਜ਼ਿਲ੍ਹਾ ਪ੍ਰਚਾਰਕ ਕ੍ਰਿਸ਼ਨ ਅਵਤਾਰ ਨਾਲ ਥਾਣੇ ਵਿਚ ਬੇਰਹਿਮੀ ਨਾਲ ਕੁੱਟਮਾਰ ਕੀਤੀ ਗਈ। ਗੰਭੀਰ ਹਾਲਤ ਵਿਚ ਉਸ ਨੂੰ ਜੈਪੁਰ ਦੇ ਐੱਸਐੱਮਐੱਸ ਹਸਪਤਾਲ ਭੇਜਿਆ ਗਿਆ। ਘਟਨਾ ਤੋਂ ਗੁੱਸੇ ਵਿਚ ਆਏ ਸੰਘ ਦੇ ਅਹੁਦੇਦਾਰਾਂ ਅਤੇ ਪਿੰਡ ਵਾਸੀਆਂ ਨੇ ਛੇ ਘੰਟਿਆਂ ਤੱਕ ਥਾਣੇ ਦਾ ਘਿਰਾਓ ਕੀਤਾ। ਬਾਜ਼ਾਰ ਵੀ ਬੰਦ ਰਹੇ। ਇਸ ਤੋਂ ਬਾਅਦ ਜੈਪੁਰ ਦਿਹਾਤੀ ਦੇ ਐੱਸਪੀ ਹਨੂੰਮਾਨ ਸਹਾਏ ਮੌਕੇ ’ਤੇ ਪਹੁੰਚੇ ਅਤੇ ਲੋਕਾਂ ਨੂੰ ਸ਼ਾਂਤ ਕਰਵਾਇਆ। ਥਾਣਾ ਇੰਚਾਰਜ ਉਮਰਾਓ ਸਿੰਘ ਸਮੇਤ ਛੇ ਪੁਲਿਸ ਮੁਲਾਜ਼ਮਾਂ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਮੁਲਜ਼ਮਾਂ ਖ਼ਿਲਾਫ਼ ਕੁੱਟਮਾਰ ਅਤੇ ਹੋਰ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।