- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕਪਤਾਨ ਸਾਹਿਬ! 'ਮੁੰਨਾ' ਨੂੰ ਵਾਪਸ ਦਿਵਾਓ, ਗੁੰਮ ਹੋਏ ਝੋਟੇ ਲਈ ਪਿੰਡ ਵਾਸੀਆਂ ਨੇ SP ਅੱਗੇ ਲਾਈ ਗੁਹਾਰ
ਰਾਜੇਂਦਰ ਸਿੰਘ ਤਿੰਨ ਸਾਲ ਪਹਿਲਾਂ ਪਿੰਡ ਵਾਸੀਆਂ ਤੋਂ ਚੰਦਾ ਇਕੱਠਾ ਕਰਕੇ ਹਰਿਆਣਾ ਦੇ ਰੋਹਤਕ ਤੋਂ ਇੱਕ ਝੋਟਾ ਖ਼ਰੀਦ ਕੇ ਲਿਆਏ ਸਨ। ਪਿੰਡ ਵਾਸੀਆਂ ਨੇ ਉਸ ਦਾ ਨਾਂ 'ਮੁੰਨਾ' ਰੱਖਿਆ। ਕੁਝ ਦਿਨਾਂ ਤੱਕ ਰਾਜੇਂਦਰ ਨੇ ਉਸ ਨੂੰ ਆਪਣੇ ਕੋਲ ਰੱਖਣ ਤੋਂ ਬਾਅਦ ਪਿੰਡ ਵਿੱਚ ਖੁੱਲ੍ਹਾ ਛੱਡ ਦਿੱਤਾ ਸੀ।
Posted By Anuradha Bains
Publish Date: Tue, 08 Sep 2026 12:38 PM (IST)
Updated Date: Tue, 08 Sep 2026 12:42 PM (IST)
ਜਾਗਰਣ ਸੰਵਾਦਦਾਤਾ, ਮੈਨਪੁਰੀ। Mainpuri News: ਤਿੰਨ ਦਿਨਾਂ ਤੋਂ ਗੁੰਮ ਹੋਏ ਝੋਟੇ (ਮੁੰਨਾ) ਦੀ ਬਰਾਮਦਗੀ ਲਈ ਪਿੰਡ ਵਾਸੀ ਪਰੇਸ਼ਾਨ ਹਨ। ਪਿੰਡ ਵਾਸੀਆਂ ਨੇ ਐੱਸ.ਪੀ. ਦਫ਼ਤਰ ਵਿੱਚ ਸ਼ਿਕਾਇਤ ਦੇ ਕੇ ਮੁੰਨਾ ਦੀ ਸਹੀ-ਸਲਾਮਤ ਬਰਾਮਦਗੀ ਦੀ ਮੰਗ ਕੀਤੀ ਹੈ। ਗੁੰਮ ਹੋਏ ਝੋਟੇ ਨੂੰ ਪਿੰਡ ਵਾਸੀਆਂ ਨੇ ਤਿੰਨ ਸਾਲ ਪਹਿਲਾਂ ਉਗਰਾਹੀ (ਚੰਦਾ) ਇਕੱਠੀ ਕਰਕੇ ਖ਼ਰੀਦਿਆ ਸੀ। ਪਿੰਡ ਵਾਸੀਆਂ ਨੇ ਉਸ ਨੂੰ 1.20 ਲੱਖ ਰੁਪਏ ਵਿੱਚ ਵੇਚਣ ਦਾ ਵੀ ਦੋਸ਼ ਲਗਾਇਆ ਹੈ।
ਰਾਜੇਂਦਰ ਸਿੰਘ ਤਿੰਨ ਸਾਲ ਪਹਿਲਾਂ ਪਿੰਡ ਵਾਸੀਆਂ ਤੋਂ ਚੰਦਾ ਇਕੱਠਾ ਕਰਕੇ ਹਰਿਆਣਾ ਦੇ ਰੋਹਤਕ ਤੋਂ ਇੱਕ ਝੋਟਾ ਖ਼ਰੀਦ ਕੇ ਲਿਆਏ ਸਨ। ਪਿੰਡ ਵਾਸੀਆਂ ਨੇ ਉਸ ਦਾ ਨਾਂ 'ਮੁੰਨਾ' ਰੱਖਿਆ। ਕੁਝ ਦਿਨਾਂ ਤੱਕ ਰਾਜੇਂਦਰ ਨੇ ਉਸ ਨੂੰ ਆਪਣੇ ਕੋਲ ਰੱਖਣ ਤੋਂ ਬਾਅਦ ਪਿੰਡ ਵਿੱਚ ਖੁੱਲ੍ਹਾ ਛੱਡ ਦਿੱਤਾ ਸੀ।
ਚੰਦੇ ਨਾਲ ਖ਼ਰੀਦ ਕੇ ਲਿਆਏ ਸਨ, 1.20 ਲੱਖ ਰੁਪਏ ਵਿੱਚ ਵੇਚਣ ਦਾ ਲਗਾਇਆ ਦੋਸ਼
ਬੀਤੀ 2 ਸਤੰਬਰ ਨੂੰ ਗੁਆਂਢੀ ਪਿੰਡ ਦੇ ਸ਼ਰਾਰਤੀ ਅਨਸਰਾਂ ਨੇ ਪੱਠਿਆਂ ਵਿੱਚ ਮੁੰਨਾ ਨੂੰ ਕੋਈ ਨਸ਼ੀਲੀ ਚੀਜ਼ ਖਵਾ ਦਿੱਤੀ। ਬੇਹੋਸ਼ ਹੋਣ ਤੋਂ ਬਾਅਦ ਉਸ ਨੂੰ 1.20 ਲੱਖ ਰੁਪਏ ਵਿੱਚ ਵੇਚ ਦਿੱਤਾ ਗਿਆ। ਤਦ ਤੋਂ ਹੀ ਮੁੰਨਾ ਗੁੰਮ ਹੈ। ਕਾਫ਼ੀ ਭਾਲ ਕਰਨ ਤੋਂ ਬਾਅਦ ਵੀ ਮੁੰਨਾ ਦਾ ਕੋਈ ਥਾਂ-ਪਤਾ ਨਹੀਂ ਲੱਗਿਆ।
ਐੱਸ.ਪੀ. ਦਫ਼ਤਰ ਪਹੁੰਚੇ ਪਿੰਡ ਵਾਸੀ
ਸੋਮਵਾਰ ਨੂੰ ਪਿੰਡ ਵਾਸੀਆਂ ਨੇ ਐੱਸ.ਪੀ. ਦਫ਼ਤਰ ਪਹੁੰਚ ਕੇ ਸ਼ਿਕਾਇਤ ਪੱਤਰ ਦੇ ਕੇ ਕਾਰਵਾਈ ਦੀ ਮੰਗ ਕੀਤੀ ਹੈ। ਇਸ ਦੌਰਾਨ ਪਿੰਡ ਵਾਸੀਆਂ ਅਤੇ ਦੂਜੇ ਪਿੰਡ ਦੇ ਲੋਕਾਂ ਵਿਚਾਲੇ ਗੱਲਬਾਤ ਹੋਈ ਤਾਂ ਉਨ੍ਹਾਂ ਨੇ ਤਿੰਨ ਦਿਨਾਂ ਦੇ ਅੰਦਰ ਮੁੰਨਾ ਨੂੰ ਸਹੀ-ਸਲਾਮਤ ਵਾਪਸ ਲਿਆਉਣ ਦੀ ਗੱਲ ਕਹੀ। ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਜੇਕਰ ਮੁੰਨਾ ਬੁੱਧਵਾਰ ਤੱਕ ਸਹੀ-ਸਲਾਮਤ ਵਾਪਸ ਨਾ ਆਇਆ ਤਾਂ ਧਰਨਾ ਪ੍ਰਦਰਸ਼ਨ ਕੀਤਾ ਜਾਵੇਗਾ।