- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕੈਪਟਨ ਦਾ ਡੋਪ ਟੈਸਟ ਪੌਜ਼ੀਟਿਵ ਹੋਣ ਦਾ ਦਾਅਵਾ, ਟਰਬੂਲੈਂਸ ਦੀ ਲਪੇਟ 'ਚ ਆਈ ਸੀ ਫੁਕੇਟ-ਦਿੱਲੀ ਉਡਾਣ; 17 ਯਾਤਰੀ ਹੋਏ ਸਨ ਜ਼ਖ਼ਮੀ
ਥਾਈਲੈਂਡ ਦੇ ਫੁਕੇਟ ਤੋਂ ਰਾਜਧਾਨੀ ਦਿੱਲੀ ਆ ਰਹੀ ਉਡਾਣ (ਫਲਾਈਟ) ਦੇ ਕੈਪਟਨ ਦਾ ਸਾਈਕੋਐਕਟਿਵ ਸਬਸਟੈਂਸ ਲਈ ਕੀਤੇ ਗਏ ਡੋਪ ਟੈਸਟ 'ਚ ਸੈਂਪਲ ਪੌਜ਼ੀਟਿਵ ਆਉਣ ਦਾ ਦਾਅਵਾ ਕੀਤਾ ਗਿਆ ਹੈ। ਹਾਲਾਂਕਿ, ਏਅਰ ਇੰਡੀਆ ਨੇ ਸੈਂਪਲ ਪੌਜ਼ੀਟਿਵ ਆਉਣ ਦੇ ਦਾਅਵੇ ਦੀ ਪੁਸ਼ਟੀ ਨਹੀਂ ਕੀਤੀ ਹੈ।
Posted By Sunita
Publish Date: Sun, 09 Aug 2026 10:59 AM (IST)
Updated Date: Sun, 09 Aug 2026 11:00 AM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਥਾਈਲੈਂਡ ਦੇ ਫੁਕੇਟ ਤੋਂ ਰਾਜਧਾਨੀ ਦਿੱਲੀ ਆ ਰਹੀ ਉਡਾਣ (ਫਲਾਈਟ) ਦੇ ਕੈਪਟਨ ਦਾ ਸਾਈਕੋਐਕਟਿਵ ਸਬਸਟੈਂਸ ਲਈ ਕੀਤੇ ਗਏ ਡੋਪ ਟੈਸਟ 'ਚ ਸੈਂਪਲ ਪੌਜ਼ੀਟਿਵ ਆਉਣ ਦਾ ਦਾਅਵਾ ਕੀਤਾ ਗਿਆ ਹੈ। ਹਾਲਾਂਕਿ, ਏਅਰ ਇੰਡੀਆ ਨੇ ਸੈਂਪਲ ਪੌਜ਼ੀਟਿਵ ਆਉਣ ਦੇ ਦਾਅਵੇ ਦੀ ਪੁਸ਼ਟੀ ਨਹੀਂ ਕੀਤੀ ਹੈ।
ਦਰਅਸਲ, 4 ਅਗਸਤ ਨੂੰ ਫੁਕੇਟ ਤੋਂ ਦਿੱਲੀ ਆ ਰਹੀ ਏਅਰ ਇੰਡੀਆ ਦੀ ਫਲਾਈਟ ਅਸਮਾਨ 'ਚ ਭਿਆਨਕ ਟਰਬੂਲੈਂਸ (ਹਵਾ ਦੇ ਤੇਜ਼ ਘੁੰਮਣ/ਝੱਖੜ) ਦੀ ਲਪੇਟ 'ਚ ਆ ਗਈ ਸੀ। ਲੈਂਡਿੰਗ ਤੋਂ ਕੁਝ ਦੇਰ ਪਹਿਲਾਂ ਟਰਬੂਲੈਂਸ ਕਾਰਨ ਏਅਰਬੱਸ ਏ320 ਜਹਾਜ਼ ਅਚਾਨਕ ਕਰੀਬ 300 ਫੁੱਟ ਹੇਠਾਂ ਆ ਗਿਆ ਅਤੇ ਜ਼ੋਰਦਾਰ ਝਟਕਿਆਂ ਨਾਲ 13 ਯਾਤਰੀ ਅਤੇ ਚਾਰ ਕਰੂ ਮੈਂਬਰ ਜ਼ਖ਼ਮੀ ਹੋ ਗਏ ਸਨ।
ਮੱਚ ਗਈ ਸੀ ਚੀਕ-ਚਿਹਾੜਾ
ਇਸ ਦੌਰਾਨ ਕਈ ਯਾਤਰੀ ਆਪਣੀਆਂ ਸੀਟਾਂ ਤੋਂ ਉਛਲ ਕੇ ਕੈਬਿਨ ਦੀ ਛੱਤ ਅਤੇ ਆਸ-ਪਾਸ ਦੇ ਹਿੱਸਿਆਂ ਨਾਲ ਜਾ ਟਕਰਾਏ, ਜਿਸ ਨਾਲ ਚੀਕ-ਚਿਹਾੜਾ ਮੱਚ ਗਿਆ। ਹਾਲਾਂਕਿ, ਪਾਇਲਟਾਂ ਨੇ ਜਹਾਜ਼ ਨੂੰ ਸੰਭਾਲ ਲਿਆ ਅਤੇ ਸਵੇਰੇ ਕਰੀਬ 11 ਵਜੇ ਆਈ.ਜੀ.ਆਈ. (IGI) ਹਵਾਈ ਅੱਡੇ 'ਤੇ ਸੁਰੱਖਿਅਤ ਉਤਾਰ ਲਿਆ ਸੀ।