- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮਾਸੂਮ ਬੱਚੀ ਨਾਲ ਦਰਿੰਦਗੀ ਮਗਰੋਂ ਬੇਰਹਿਮੀ ਨਾਲ ਕਤਲ, ਕੈਬ ਡਰਾਈਵਰ ਦਾ ਲਾਇਸੈਂਸ ਬਣਿਆ ਅਹਿਮ ਸਬੂਤ; ਪੁਲਿਸ ਨੇ ਦਾਖ਼ਲ ਕੀਤੀ ਚਾਰਜਸ਼ੀਟ
ਦੱਖਣੀ ਦਿੱਲੀ ਦੇ ਮਹਿਰੌਲੀ ਥਾਣਾ ਖੇਤਰ 'ਚ 10 ਸਾਲਾ ਬੱਚੀ ਨੂੰ ਅਗਵਾ ਕਰਕੇ ਉਸ ਨਾਲ ਦੁਰਵਿਵਹਾਰ ਅਤੇ ਫਿਰ ਕਤਲ ਕਰਨ ਦੇ ਮਾਮਲੇ 'ਚ ਪੁਲਿਸ ਨੇ 1,500 ਤੋਂ ਵੱਧ ਪੰਨਿਆਂ ਦਾ ਦੋਸ਼ ਪੱਤਰ ਦਾਖ਼ਲ ਕੀਤਾ ਹੈ। ਇਸ 'ਚ ਮੁਲਜ਼ਮ ਕੈਬ ਡਰਾਈਵਰ ਦੀਆਂ ਹਰਕਤਾਂ ਅਤੇ ਉਸ ਦੀਆਂ ਗਤੀਵਿਧੀਆਂ ਦਾ ਵਿਸਥਾਰ ਨਾਲ ਬਿਓਰਾ ਦਰਜ ਕੀਤਾ ਗਿਆ ਹੈ।
Posted By Sunita
Publish Date: Sat, 12 Sep 2026 12:46 PM (IST)
Updated Date: Sat, 12 Sep 2026 12:47 PM (IST)
ਜਾਗਰਣ ਸੰਵਾਦਦਾਤਾ, ਦੱਖਣੀ ਦਿੱਲੀ - ਦੱਖਣੀ ਦਿੱਲੀ ਦੇ ਮਹਿਰੌਲੀ ਥਾਣਾ ਖੇਤਰ 'ਚ 10 ਸਾਲਾ ਬੱਚੀ ਨੂੰ ਅਗਵਾ ਕਰਕੇ ਉਸ ਨਾਲ ਦੁਰਵਿਵਹਾਰ ਅਤੇ ਫਿਰ ਕਤਲ ਕਰਨ ਦੇ ਮਾਮਲੇ 'ਚ ਪੁਲਿਸ ਨੇ 1,500 ਤੋਂ ਵੱਧ ਪੰਨਿਆਂ ਦਾ ਦੋਸ਼ ਪੱਤਰ ਦਾਖ਼ਲ ਕੀਤਾ ਹੈ। ਇਸ 'ਚ ਮੁਲਜ਼ਮ ਕੈਬ ਡਰਾਈਵਰ ਦੀਆਂ ਹਰਕਤਾਂ ਅਤੇ ਉਸ ਦੀਆਂ ਗਤੀਵਿਧੀਆਂ ਦਾ ਵਿਸਥਾਰ ਨਾਲ ਬਿਓਰਾ ਦਰਜ ਕੀਤਾ ਗਿਆ ਹੈ।
ਲਾਸ਼ ਨੂੰ ਲੁਕਾਉਣ ਦੀ ਕੋਸ਼ਿਸ਼ ਦੌਰਾਨ ਮੁਲਜ਼ਮ ਦਾ ਡਰਾਈਵਿੰਗ ਲਾਇਸੈਂਸ ਉੱਥੇ ਡਿੱਗ ਗਿਆ ਸੀ। ਬਾਅਦ 'ਚ ਇਹ ਲਾਇਸੈਂਸ ਮੁਲਜ਼ਮ ਖ਼ਿਲਾਫ਼ ਇੱਕ ਮਹੱਤਵਪੂਰਨ ਭੌਤਿਕ ਸਬੂਤ ਬਣਿਆ। ਦੋਸ਼ ਪੱਤਰ ਮੁਤਾਬਕ, ਮੁਲਜ਼ਮ ਨੇ ਕਈ ਘੰਟਿਆਂ ਤੱਕ ਇਲਾਕੇ 'ਚ ਗੱਡੀ ਘੁਮਾਈ, ਦੋ ਰਾਈਡ ਰੱਦ ਕੀਤੀਆਂ ਅਤੇ ਫਿਰ ਛਤਰਪੁਰ 100 ਫੁੱਟਾ ਲਾਲ ਬੱਤੀ ਨੇੜੇ ਵਾਪਸ ਆਇਆ, ਜਿੱਥੇ 10 ਸਾਲਾ ਬੱਚੀ ਆਪਣੇ ਮਾਤਾ-ਪਿਤਾ ਦੇ ਵਿਚਕਾਰ ਸੁੱਤੀ ਹੋਈ ਸੀ।
ਵੱਡੇ ਪੱਥਰਾਂ ਹੇਠ ਲਾਸ਼ ਲੁਕਾਉਣ ਦੀ ਕੋਸ਼ਿਸ਼
ਪੁਲਿਸ ਮੁਤਾਬਕ, ਬੱਚੀ ਨਾਲ ਦੁਰਵਿਵਹਾਰ ਅਤੇ ਕਤਲ ਕਰਨ ਤੋਂ ਬਾਅਦ ਮੁਲਜ਼ਮ ਨੇ ਗੁਰੂਗ੍ਰਾਮ ਦੇ ਜੰਗਲ 'ਚ ਜਿਸ ਥਾਂ ’ਤੇ ਬੱਚੀ ਦੀ ਲਾਸ਼ ਸੁੱਟ ਕੇ ਉਸ ਨੂੰ ਤਿੰਨ ਵੱਡੇ ਪੱਥਰਾਂ ਹੇਠ ਲੁਕਾਉਣ ਦੀ ਕੋਸ਼ਿਸ਼ ਕੀਤੀ ਸੀ, ਉੱਥੋਂ ਮਿਲਿਆ ਡਰਾਈਵਿੰਗ ਲਾਇਸੈਂਸ ਮਾਮਲੇ 'ਚ ਮਹੱਤਵਪੂਰਨ ਭੌਤਿਕ ਸਬੂਤ ਵਜੋਂ ਸ਼ਾਮਲ ਕੀਤਾ ਗਿਆ ਹੈ।
ਮੁਲਜ਼ਮ ਬਾਸ਼ੂ ਕੁਮਾਰ ਸਿੰਘ ਬੱਚੀ ਨੂੰ ਅਗਵਾ ਕਰਨ ਤੋਂ ਕਰੀਬ ਇੱਕ ਘੰਟਾ ਪਹਿਲਾਂ ਛਤਰਪੁਰ ਐਕਸਟੈਂਸ਼ਨ ਪਹੁੰਚਿਆ ਸੀ। ਸ਼ੁਰੂ 'ਚ ਉਹ ਉਸ ਫੁੱਟਪਾਥ ਦੇ ਨੇੜਿਓਂ ਗੱਡੀ ਲੈ ਕੇ ਲੰਘਿਆ ਸੀ, ਜਿੱਥੇ ਬੱਚੀ ਆਪਣੇ ਮਾਤਾ-ਪਿਤਾ ਅਤੇ ਤਿੰਨ ਛੋਟੇ ਭੈਣ-ਭਰਾਵਾਂ ਨਾਲ ਸੁੱਤੀ ਹੋਈ ਸੀ।
89 ਪੰਨਿਆਂ ਦਾ ਮੁੱਖ ਵੇਰਵਾ
ਦੋਸ਼ ਪੱਤਰ 'ਚ 89 ਪੰਨਿਆਂ ਦਾ ਮੁੱਖ ਵੇਰਵਾ ਸ਼ਾਮਲ ਹੈ। ਇਸ 'ਚ ਮੁਲਜ਼ਮ ਦੀ ਕਾਰ ਦੀਆਂ ਤਸਵੀਰਾਂ, ਬੱਚੀ ਦੇ ਪਰਿਵਾਰ ਦੀਆਂ ਫੁੱਟਪਾਥ ’ਤੇ ਸੌਂਦੇ ਸਮੇਂ ਦੀਆਂ ਤਸਵੀਰਾਂ, ਮੁਲਜ਼ਮ ਦੇ ਆਉਣ-ਜਾਣ ਵਾਲੇ ਰਸਤੇ ਦਾ ਵੇਰਵਾ ਅਤੇ ਜੰਗਲ ਵਾਲੇ ਇਲਾਕੇ 'ਚ ਲਾਸ਼ ਮਿਲਣ ਵਾਲੀ ਥਾਂ ਦੀਆਂ ਤਸਵੀਰਾਂ ਸ਼ਾਮਲ ਹਨ।
ਇਸ 'ਚ ਮੁਲਜ਼ਮ ਦੀ ਕਾਰ ਦੀਆਂ ਆਟੋਮੈਟਿਕ ਨੰਬਰ ਪਲੇਟ ਰਿਕੋਗਨਿਸ਼ਨ ਸਿਸਟਮ (ANPR) ਕੈਮਰਿਆਂ ਤੋਂ ਮਿਲੀਆਂ ਤਸਵੀਰਾਂ ਵੀ ਸ਼ਾਮਲ ਕੀਤੀਆਂ ਗਈਆਂ ਹਨ। ਪੁਲਿਸ ਮੁਤਾਬਕ, ਇਨ੍ਹਾਂ ਤਸਵੀਰਾਂ 'ਚ ਸਹੀ ਸਮਾਂ ਦਰਜ ਹੈ, ਜਿਸ ਨਾਲ ਜਾਂਚਕਰਤਾਵਾਂ ਨੂੰ ਅਪਰਾਧ ਤੋਂ ਪਹਿਲਾਂ ਅਤੇ ਬਾਅਦ 'ਚ ਮੁਲਜ਼ਮ ਦੀਆਂ ਗਤੀਵਿਧੀਆਂ ਦਾ ਪਤਾ ਲਗਾਉਣ 'ਚ ਮਦਦ ਮਿਲੀ।
ਮਦਦ ਲਈ ਚੀਕੀ ਸੀ ਬੱਚੀ
ਦੋਸ਼ ਪੱਤਰ ਮੁਤਾਬਕ, ਗੁਰੂਗ੍ਰਾਮ ਤੋਂ ਆਉਣ ਤੋਂ ਬਾਅਦ ਮੁਲਜ਼ਮ ਸੰਗਮ ਵਿਹਾਰ 'ਚ ਇੱਕ ਯਾਤਰੀ ਨੂੰ ਛੱਡ ਚੁੱਕਾ ਸੀ ਅਤੇ ਕਰੀਬ ਢਾਈ ਘੰਟਿਆਂ ਦੇ ਅੰਦਰ ਉਸ ਨੇ ਦੋ ਹੋਰ ਰਾਈਡਾਂ ਰੱਦ ਕਰ ਦਿੱਤੀਆਂ ਸਨ। ਇਸ ਦੌਰਾਨ ਉਹ ਦੂਜੀ ਸਵਾਰੀ ਲੈਣ ਦੀ ਬਜਾਏ ਉਸੇ ਇਲਾਕੇ 'ਚ ਘੁੰਮਦਾ ਰਿਹਾ, ਜਿੱਥੋਂ ਬਾਅਦ 'ਚ ਉਸ ਨੇ ਬੱਚੀ ਨੂੰ ਚੁੱਕਿਆ।
ਅਗਵਾ ਕਰਨ ਤੋਂ ਕਰੀਬ ਇੱਕ ਘੰਟਾ ਪਹਿਲਾਂ ਉਹ ਘਟਨਾ ਵਾਲੀ ਥਾਂ ’ਤੇ ਪਹੁੰਚ ਗਿਆ ਸੀ। ਉੱਥੇ ਮੌਕੇ ਦੀ ਉਡੀਕ ਕਰਨ ਤੋਂ ਬਾਅਦ ਤੜਕੇ ਕਰੀਬ 4 ਵੱਜ ਕੇ 15 ਮਿੰਟ ’ਤੇ ਉਹ ਬੱਚੀ ਨੂੰ ਚੁੱਕ ਕੇ ਲੈ ਗਿਆ। ਇਸ ਦੌਰਾਨ ਬੱਚੀ ਮਦਦ ਲਈ ਚੀਕੀ, ਜਿਸ ਕਾਰਨ ਉਸ ਦੇ ਪਿਤਾ ਦੀ ਨੀਂਦ ਖੁੱਲ੍ਹ ਗਈ। ਪਿਤਾ ਨੇ ਕੁਝ ਦੂਰ ਤੱਕ ਵਾਹਨ ਦਾ ਪਿੱਛਾ ਕੀਤਾ, ਪਰ ਉਹ ਉਸ ਨੂੰ ਫੜ ਨਹੀਂ ਸਕੇ।
ਲਾਸ਼ ਨੂੰ ਜੰਗਲ 'ਚ ਲੁਕਾਇਆ
ਦੋਸ਼ ਪੱਤਰ ਮੁਤਾਬਕ, ਮੁਲਜ਼ਮ ਨੇ ਮੰਡੀ ਪਿੰਡ ਨੇੜੇ ਵਾਹਨ 'ਚ ਬੱਚੀ ਨਾਲ ਦੁਰਵਿਵਹਾਰ ਕੀਤਾ। ਇਸ ਤੋਂ ਬਾਅਦ ਉਹ ਗੁਰੂਗ੍ਰਾਮ-ਫਰੀਦਾਬਾਦ ਰੋਡ ਵੱਲ ਗਿਆ, ਜਿੱਥੇ ਬੱਚੀ ਦਾ ਕਤਲ ਕਰਕੇ ਉਸ ਦੀ ਲਾਸ਼ ਨੂੰ ਜੰਗਲ 'ਚ ਲੁਕਾ ਦਿੱਤਾ।
ਦੋਸ਼ ਪੱਤਰ 'ਚ ਮੌਤ ਦਾ ਕਾਰਨ ਗਲਾ ਘੁੱਟਣਾ ਅਤੇ ਮੂੰਹ ਦਬਾਉਣਾ ਦੱਸਿਆ ਗਿਆ ਹੈ। ਪੁਲਿਸ ਮੁਤਾਬਕ, ਮੁਲਜ਼ਮ ਨੇ ਗਮਛੇ ਨਾਲ ਬੱਚੀ ਦਾ ਗਲਾ ਘੁੱਟਿਆ ਸੀ, ਜਿਸ ਨੂੰ ਬਾਅਦ 'ਚ ਘਟਨਾ ਵਾਲੀ ਥਾਂ ਤੋਂ ਬਰਾਮਦ ਕਰ ਲਿਆ ਗਿਆ।