ਬ੍ਰੇਕਅੱਪ ਤੋਂ ਬਾਅਦ ਪ੍ਰੇਮੀ ਨੇ ਪੱਥਰ ਨਾਲ ਕੁਚਲ ਕੇ ਕੀਤਾ ਪ੍ਰੇਮਿਕਾ ਦਾ ਕਤਲ, ਲਾਸ਼ ਨੂੰ ਲਾਈ ਅੱਗ

ਪੁਲਿਸ ਅਨੁਸਾਰ, ਦੋਵੇਂ ਸਾਲ 2023 ਤੋਂ ਰਿਸ਼ਤੇ ’ਚ ਸਨ, ਪਰ ਬਾਅਦ ’ਚ ਉਨ੍ਹਾਂ ਦਾ ਬ੍ਰੇਕਅੱਪ ਹੋ ਗਿਆ ਸੀ। ਦੋਸ਼ ਹੈ ਕਿ ਨਿਸ਼ਾਂਤ ਨੇ ਨਿਤਿਆ ਨਾਲ ਸੰਪਰਕ ਕੀਤਾ ਅਤੇ ਆਪਣੇ ਰਿਸ਼ਤੇ ਬਾਰੇ ਗੱਲ ਕਰਨ ਦੇ ਬਹਾਨੇ ਉਸ ਨੂੰ ਪੂਪਾਰਾ ’ਚ ਮਿਲਣ ਲਈ ਬੁਲਾਇਆ। ਨਿਸ਼ਾਂਤ ਦੇ ਸੱਦੇ ’ਤੇ ਨਿਤਿਆ ਉਸ ਨੂੰ ਮਿਲਣ ਲਈ ਰਾਜ਼ੀ ਹੋ ਗਈ ਅਤੇ ਉੱਥੇ ਪਹੁੰਚ ਗਈ। 11 ਅਕਤੂਬਰ ਨੂੰ ਦੁਪਹਿਰ ਕਰੀਬ 2:30 ਵਜੇ ਦੋਵੇਂ ਪੂਪਾਰਾ ਦੇ ਇੱਕ ਚਾਹ ਦੇ ਬਾਗ਼ ’ਚ ਮਿਲੇ। ਗੱਲਬਾਤ ਦੌਰਾਨ ਦੋਵਾਂ ਵਿਚਾਲੇ ਤਿੱਖੀ ਬਹਿਸ ਸ਼ੁਰੂ ਹੋ ਗਈ। ਇਸੇ ਦੌਰਾਨ ਨਿਸ਼ਾਂਤ ਨੇ ਨਿਤਿਆ ਦਾ ਗਲਾ ਘੁੱਟ ਦਿੱਤਾ ਅਤੇ ਫਿਰ ਪੱਥਰ ਨਾਲ ਕਈ ਵਾਰ ਹਮਲਾ ਕਰਕੇ ਉਸ ਦਾ ਕਤਲ ਕਰ ਦਿੱਤਾ।