- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਬੱਲੇ ਨਾਲ ਕੁੱਟਿਆ, ਕਰੀਅਰ ਬਰਬਾਦ ਕਰਨ ਦੀ ਦਿੱਤੀ ਧਮਕੀ... ਕ੍ਰਿਕਟ ਕੋਚ ਖ਼ਿਲਾਫ਼ FIR ਦਰਜ, ਮਜਿਸਟਰੇਟ ਦੇ ਹੁਕਮਾਂ ਤੋਂ ਬਾਅਦ ਵੱਡੀ ਕਾਰਵਾਈ
ਅੱਠ ਮਹੀਨੇ ਪਹਿਲਾਂ ਵੈਂਕਟਰਮਨ 'ਤੇ ਕਥਿਤ ਤੌਰ 'ਤੇ ਤਿੰਨ ਕ੍ਰਿਕਟਰਾਂ ਨੇ ਹਮਲਾ ਕਰ ਦਿੱਤਾ ਸੀ। ਰਾਜ ਦੀ ਅੰਡਰ-19 ਟੀਮ ਦੇ ਕੋਚ ਨੇ ਇਸ ਮਾਮਲੇ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਸੀ। ਉਸੇ ਦਿਨ ਖਿਡਾਰੀਆਂ ਨੇ ਵੀ ਵੈਂਕਟਰਮਨ ਖ਼ਿਲਾਫ਼ ਪੁਲਿਸ ’ਚ ਸ਼ਿਕਾਇਤ ਦਿੱਤੀ ਸੀ, ਜਿਸ 'ਤੇ ਅੱਠ ਮਹੀਨੇ ਬਾਅਦ ਮਜਿਸਟਰੇਟ ਦੇ ਹੁਕਮਾਂ ਤੋਂ ਬਾਅਦ ਐੱਫ.ਆਈ.ਆਰ. ਦਰਜ ਹੋਈ ਹੈ।
Posted By Anuradha Bains
Publish Date: Tue, 11 Aug 2026 04:12 PM (IST)
Updated Date: Tue, 11 Aug 2026 04:16 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਪੁਡੂਚੇਰੀ ਅੰਡਰ-19 ਕ੍ਰਿਕਟ ਟੀਮ ਦੇ ਕੋਚ ਐੱਸ. ਵੈਂਕਟਰਮਨ ਖ਼ਿਲਾਫ਼ ਖਿਡਾਰੀਆਂ ਦੀ ਕੁੱਟਮਾਰ ਕਰਨ ਅਤੇ ਕੈਰੀਅਰ ਬਰਬਾਦ ਕਰਨ ਦੀ ਧਮਕੀ ਦੇਣ ਦੇ ਦੋਸ਼ ’ਚ ਐੱਫ.ਆਈ.ਆਰ. (FIR) ਦਰਜ ਹੋ ਗਈ ਹੈ। ਇਹ ਐੱਫ.ਆਈ.ਆਰ. ਜੁਡੀਸ਼ੀਅਲ ਮਜਿਸਟਰੇਟ ਦੇ ਹੁਕਮਾਂ ਤੋਂ ਬਾਅਦ ਦਰਜ ਕੀਤੀ ਗਈ ਹੈ।
ਅੱਠ ਮਹੀਨੇ ਪਹਿਲਾਂ ਵੈਂਕਟਰਮਨ 'ਤੇ ਕਥਿਤ ਤੌਰ 'ਤੇ ਤਿੰਨ ਕ੍ਰਿਕਟਰਾਂ ਨੇ ਹਮਲਾ ਕਰ ਦਿੱਤਾ ਸੀ। ਰਾਜ ਦੀ ਅੰਡਰ-19 ਟੀਮ ਦੇ ਕੋਚ ਨੇ ਇਸ ਮਾਮਲੇ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਸੀ। ਉਸੇ ਦਿਨ ਖਿਡਾਰੀਆਂ ਨੇ ਵੀ ਵੈਂਕਟਰਮਨ ਖ਼ਿਲਾਫ਼ ਪੁਲਿਸ ’ਚ ਸ਼ਿਕਾਇਤ ਦਿੱਤੀ ਸੀ, ਜਿਸ 'ਤੇ ਅੱਠ ਮਹੀਨੇ ਬਾਅਦ ਮਜਿਸਟਰੇਟ ਦੇ ਹੁਕਮਾਂ ਤੋਂ ਬਾਅਦ ਐੱਫ.ਆਈ.ਆਰ. ਦਰਜ ਹੋਈ ਹੈ।
ਇਹ ਹੈ ਪੂਰਾ ਮਾਮਲਾ
8 ਦਸੰਬਰ 2025 ਨੂੰ ਵੈਂਕਟਰਮਨ ਨੇ ਸੇਦਾਰਾਪੇਟ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਸੀ ਕਿ ਜਯਾਸੁੰਦਰਮ ਕਾਰਤੀਕੇਯਨ, ਏ. ਅਰਵਿੰਦਰਾਜ ਅਤੇ ਐੱਸ. ਸੰਤੋਸ਼ ਕੁਮਾਰਨ ਨੇ ਉਨ੍ਹਾਂ 'ਤੇ ਹਮਲਾ ਕੀਤਾ ਹੈ।
ਕ੍ਰਿਕਟ ਪੁਡੂਚੇਰੀ ਦੇ ਸੰਯੁਕਤ ਸਕੱਤਰ ਰਹਿ ਚੁੱਕੇ ਕੋਚ ਵੈਂਕਟਰਮਨ ਨੇ ਦੱਸਿਆ ਸੀ ਕਿ ਇਨ੍ਹਾਂ ਤਿੰਨਾਂ ਨੇ ਇਹ ਕਹਿੰਦਿਆਂ ਉਨ੍ਹਾਂ 'ਤੇ ਹਮਲਾ ਕੀਤਾ ਸੀ ਕਿ ਉਹ ਸਈਦ ਮੁਸ਼ਤਾਕ ਅਲੀ ਟਰਾਫੀ ’ਚ ਉਨ੍ਹਾਂ ਦੀ ਚੋਣ ਨਾ ਹੋਣ ਦੀ ਵਜ੍ਹਾ ਹਨ। ਹਮਲੇ ਤੋਂ ਬਾਅਦ ਉਨ੍ਹਾਂ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਸੀ। ਉਨ੍ਹਾਂ ਦੇ ਮੋਢੇ ਵਿੱਚ ਫ੍ਰੈਕਚਰ ਵੀ ਆ ਗਿਆ ਸੀ।
ਇਨ੍ਹਾਂ ਤਿੰਨਾਂ ਖਿਡਾਰੀਆਂ ਖ਼ਿਲਾਫ਼ ਐੱਫ.ਆਈ.ਆਰ. ਦਰਜ ਹੋ ਗਈ ਸੀ। ਉੱਥੇ ਹੀ ਉਸੇ ਦਿਨ ਕਾਰਤੀਕੇਯਨ ਨੇ ਵੀ ਕੋਚ ਖ਼ਿਲਾਫ਼ ਸ਼ਿਕਾਇਤ ਦਰਜ ਕਰਵਾਈ ਸੀ ਪਰ ਉਸ 'ਤੇ ਕੋਈ ਕਾਰਵਾਈ ਨਹੀਂ ਕੀਤੀ ਗਈ ਸੀ। ਕਾਰਤੀਕੇਯਨ ਦੇ ਵਕੀਲ ਐੱਮ. ਸਬਰੀ ਸੇਲਵਮ ਨੇ 'ਇੰਡੀਅਨ ਐਕਸਪ੍ਰੈੱਸ' ਨੂੰ ਦੱਸਿਆ ਕਿ ਉਹ ਅਤੇ ਉਨ੍ਹਾਂ ਦੇ ਦੋਸਤ ਕ੍ਰਿਕਟ ਪੁਡੂਚੇਰੀ ਦੀ ਇਨਡੋਰ ਫੈਸਿਲਿਟੀ ਵਿੱਚ ਟ੍ਰੇਨਿੰਗ ਕਰ ਰਹੇ ਸਨ ਕਿ ਉਦੋਂ ਹੀ ਵੈਂਕਟਰਮਨ ਆ ਗਏ ਅਤੇ ਉਨ੍ਹਾਂ ਨੂੰ ਗਾਲ੍ਹਾਂ ਕੱਢਣ ਲੱਗੇ ਅਤੇ ਨਾਲ ਹੀ ਉਨ੍ਹਾਂ 'ਤੇ ਬੈਟ ਨਾਲ ਹਮਲਾ ਕਰ ਦਿੱਤਾ। ਖਿਡਾਰੀਆਂ ਨੂੰ ਸੱਟਾਂ ਲੱਗੀਆਂ ਸਨ।
ਸੇਲਵਮ ਨੇ ਦੱਸਿਆ, "ਅਸੀਂ ਸੇਦਾਰਾਪੇਟ ਪੁਲਿਸ ਸਟੇਸ਼ਨ ਵਿੱਚ ਐੱਸ.ਐੱਚ.ਓ. ਅਤੇ ਐੱਸ.ਪੀ. (ਨਾਰਥ) ਨੂੰ ਸ਼ਿਕਾਇਤ ਕੀਤੀ ਸੀ ਪਰ ਪੁਲਿਸ ਨੇ ਸਿਰਫ਼ ਵੈਂਕਟਰਮਨ ਦੀ ਸ਼ਿਕਾਇਤ 'ਤੇ ਹੀ ਕਾਰਵਾਈ ਕੀਤੀ।"
ਦਾਇਰ ਕੀਤੀ ਪਟੀਸ਼ਨ
ਮਹੀਨਿਆਂ ਤੱਕ ਪੁਲਿਸ ਵੱਲੋਂ ਕੋਈ ਕਾਰਵਾਈ ਨਾ ਕੀਤੇ ਜਾਣ 'ਤੇ ਕਾਰਤੀਕੇਯਨ ਨੇ ਜੁਡੀਸ਼ੀਅਲ ਮਜਿਸਟਰੇਟ-IV ਕੋਲ ਪਟੀਸ਼ਨ ਦਾਇਰ ਕੀਤੀ, ਜਿਸ 'ਤੇ ਸੁਣਵਾਈ ਕਰਦਿਆਂ ਵੈਂਕਟਰਮਨ ਖ਼ਿਲਾਫ਼ ਵੀ ਐੱਫ.ਆਈ.ਆਰ. ਦਰਜ ਕਰਨ ਦੇ ਹੁਕਮ ਦਿੱਤੇ ਗਏ ਹਨ।
ਵਕੀਲ ਨੇ ਦੱਸਿਆ, "ਕੋਰਟ ਨੇ ਪਿਛਲੇ ਮਹੀਨੇ ਹੁਕਮ ਦਿੱਤਾ ਸੀ ਅਤੇ ਪਿਛਲੇ ਹਫ਼ਤੇ ਵੈਂਕਟਰਮਨ ਖ਼ਿਲਾਫ਼ ਐੱਫ.ਆਈ.ਆਰ. ਦਰਜ ਹੋਈ ਹੈ। ਅਸੀਂ ਬੀ.ਸੀ.ਸੀ.ਆਈ. (BCCI) ਅਤੇ ਸੀ.ਏ.ਪੀ. (CAP) ਤੋਂ ਜਾਂਚ ਦੀ ਮੰਗ ਕੀਤੀ ਹੈ ਅਤੇ ਵੈਂਕਟਰਮਨ ਨੂੰ ਤੁਰੰਤ ਪ੍ਰਭਾਵ ਨਾਲ ਸਸਪੈਂਡ ਕਰਨ ਦੀ ਅਪੀਲ ਕੀਤੀ ਹੈ।"