- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਅਯੁੱਧਿਆ: ਸੁਨਹਿਰੀ ਝੂਲੇ 'ਤੇ ਬਿਰਾਜਮਾਨ ਹੋ ਕੇ ਝੂਟਣਗੇ ਰਾਮ ਲਲਾ, ਸਾਵਣ ਗੀਤਾਂ ਤੇ ਕਜਰੀ ਨਾਲ ਗੂੰਜੇਗਾ ਮੰਦਰ ਪਰਿਸਰ
ਰਾਮ ਲਲਾ ਦੇ ਝੂਲਨ ਉਤਸਵ ਦੀਆਂ ਤਿਆਰੀਆਂ ਸ਼ੁਰੂ ਹੋ ਗਈਆਂ ਹਨ। ਇਸ ਵਾਰ ਟਰੱਸਟ ਇਸ ਉਤਸਵ ਨੂੰ ਖ਼ਾਸ ਬਣਾਉਣਾ ਚਾਹੁੰਦਾ ਹੈ, ਇਸ ਲਈ ਇਸ ਦੀ ਤਿਆਰੀ ਵੀ ਹੁਣੇ ਤੋਂ ਸ਼ੁਰੂ ਕਰ ਦਿੱਤੀ ਗਈ ਹੈ। ਧਾਰਮਿਕ ਉਤਸਵ ਨੂੰ ਨੇਪਰੇ ਚਾੜ੍ਹਨ ਦੇ ਮਕਸਦ ਨਾਲ ਗਠਿਤ ਧਰਮ ਕਮੇਟੀ ਇਨ੍ਹੀਂ ਦਿਨੀਂ ਸਾਵਣ ਉਤਸਵ ਦੀਆਂ ਤਿਆਰੀਆਂ 'ਚ ਰੁੱਝੀ ਹੋਈ ਹੈ। ਰਾਮ ਲਲਾ ਨੂੰ ਝੂਲੇ ’ਤੇ ਬਿਰਾਜਮਾਨ ਕਰਨ ਤੋਂ ਲੈ ਕੇ ਪ੍ਰੋਗਰਾਮ ਦੇ ਅੰਤ ਤੱਕ ਦਾ ਖਾਕਾ ਤਿਆਰ ਕੀਤਾ ਜਾ ਰਿਹਾ ਹੈ। ਇਸ਼ਟ ਦੇਵ ਨੂੰ ਸਵਰਨ (ਸੋਨੇ ਦੇ) ਝੂਲੇ 'ਚ ਬਿਠਾ ਕੇ ਝੁਲਾਇਆ ਜਾਂਦਾ ਹੈ। ਸ਼ਰਧਾਲੂ ਅਤੇ ਸੰਗੀਤਕਾਰ ਰੋਜ਼ ਸ਼ਾਮ ਨੂੰ ਉਨ੍ਹਾਂ ਨੂੰ ਸਾਵਣ ਦੇ ਗੀਤ, ਕਜਰੀ ਆਦਿ ਵੀ ਸੁਣਾਉਂਦੇ ਹਨ।
Posted By Sunita
Publish Date: Fri, 31 Jul 2026 09:16 AM (IST)
Updated Date: Fri, 31 Jul 2026 09:17 AM (IST)
ਜਾਗਰਣ ਪੱਤਰਕਾਰ, ਅਯੁੱਧਿਆ : ਰਾਮ ਲਲਾ ਦੇ ਝੂਲਨ ਉਤਸਵ ਦੀਆਂ ਤਿਆਰੀਆਂ ਸ਼ੁਰੂ ਹੋ ਗਈਆਂ ਹਨ। ਇਸ ਵਾਰ ਟਰੱਸਟ ਇਸ ਉਤਸਵ ਨੂੰ ਖ਼ਾਸ ਬਣਾਉਣਾ ਚਾਹੁੰਦਾ ਹੈ, ਇਸ ਲਈ ਇਸ ਦੀ ਤਿਆਰੀ ਵੀ ਹੁਣੇ ਤੋਂ ਸ਼ੁਰੂ ਕਰ ਦਿੱਤੀ ਗਈ ਹੈ। ਧਾਰਮਿਕ ਉਤਸਵ ਨੂੰ ਨੇਪਰੇ ਚਾੜ੍ਹਨ ਦੇ ਮਕਸਦ ਨਾਲ ਗਠਿਤ ਧਰਮ ਕਮੇਟੀ ਇਨ੍ਹੀਂ ਦਿਨੀਂ ਸਾਵਣ ਉਤਸਵ ਦੀਆਂ ਤਿਆਰੀਆਂ 'ਚ ਰੁੱਝੀ ਹੋਈ ਹੈ। ਰਾਮ ਲਲਾ ਨੂੰ ਝੂਲੇ ’ਤੇ ਬਿਰਾਜਮਾਨ ਕਰਨ ਤੋਂ ਲੈ ਕੇ ਪ੍ਰੋਗਰਾਮ ਦੇ ਅੰਤ ਤੱਕ ਦਾ ਖਾਕਾ ਤਿਆਰ ਕੀਤਾ ਜਾ ਰਿਹਾ ਹੈ। ਇਸ਼ਟ ਦੇਵ ਨੂੰ ਸਵਰਨ (ਸੋਨੇ ਦੇ) ਝੂਲੇ 'ਚ ਬਿਠਾ ਕੇ ਝੁਲਾਇਆ ਜਾਂਦਾ ਹੈ। ਸ਼ਰਧਾਲੂ ਅਤੇ ਸੰਗੀਤਕਾਰ ਰੋਜ਼ ਸ਼ਾਮ ਨੂੰ ਉਨ੍ਹਾਂ ਨੂੰ ਸਾਵਣ ਦੇ ਗੀਤ, ਕਜਰੀ ਆਦਿ ਵੀ ਸੁਣਾਉਂਦੇ ਹਨ। ਛੇਤੀ ਹੀ ਧਰਮ ਕਮੇਟੀ ਦੀ ਇੱਕ ਰਸਮੀ ਬੈਠਕ ਵੀ ਹੋ ਸਕਦੀ ਹੈ।
ਵੀਰਵਾਰ ਨੂੰ ਖ਼ਜ਼ਾਨਚੀ ਗੋਵਿੰਦ ਗਿਰੀ ਨੇ ਹੋਰ ਟਰੱਸਟੀਆਂ ਅਤੇ ਕਮੇਟੀ ਦੇ ਪ੍ਰਮੁੱਖ ਲੋਕਾਂ ਨਾਲ ਵਰਚੁਅਲ ਗੱਲਬਾਤ ਕੀਤੀ। ਉਨ੍ਹਾਂ ਨੇ ਇਸ ਉਤਸਵ ਨੂੰ ਇਤਿਹਾਸਕ ਬਣਾਉਣ ਦੀ ਅਪੀਲ ਕੀਤੀ ਹੈ। ਇਸ ਨੂੰ ਲੈ ਕੇ ਧਰਮ ਕਮੇਟੀ ਵੀ ਗੰਭੀਰ ਹੈ। ਟਰੱਸਟ ਦੇ ਅੰਤਰਿਮ ਜਨਰਲ ਸਕੱਤਰ ਕ੍ਰਿਸ਼ਨਮੋਹਨ ਵੀ ਇਸ ਨਾਲ ਜੁੜੇ ਲੋਕਾਂ ਨਾਲ ਸੰਪਰਕ ਕਰ ਰਹੇ ਹਨ। ਟਰੱਸਟੀ ਮਹੰਤ ਦਿਨੇਂਦਰ ਦਾਸ ਨੂੰ ਉਤਸਵ ਦੀ ਤਿਆਰੀ ਦਾ ਸੁਨੇਹਾ ਭੇਜਿਆ ਗਿਆ ਹੈ।
15 ਅਗਸਤ ਤੋਂ ਸ਼ੁਰੂ ਹੋਵੇਗਾ ਸਮਾਗਮ
ਇਸ ਵਾਰ ਅਯੁੱਧਿਆ ਦੇ ਮੰਦਰਾਂ 'ਚ 15 ਅਗਸਤ ਨੂੰ ਮਣੀ ਪਰਬਤ ਦੇ ਤਿਉਹਾਰ ਤੋਂ ਉਤਸਵ ਸ਼ੁਰੂ ਹੋਵੇਗਾ। ਇਸ਼ਟ ਦੇਵ ਨੂੰ ਝੂਲੇ ’ਤੇ ਬਿਰਾਜਮਾਨ ਕਰਵਾਇਆ ਜਾਵੇਗਾ। 17 ਅਗਸਤ ਨੂੰ ਨਾਗਪੰਚਮੀ ਅਤੇ 20 ਨੂੰ ਰੱਖੜੀ (ਰੱਖਿਆ ਬੰਧਨ) ਦਾ ਤਿਉਹਾਰ ਹੈ। ਰਾਮ ਮੰਦਰ 'ਚ ਨਾਗਪੰਚਮੀ ਤੋਂ ਲੈ ਕੇ ਪੂਰਨਮਾਸ਼ੀ ਤੱਕ ਭਗਵਾਨ ਨੂੰ ਝੂਲਾ ਝੁਲਾਇਆ ਜਾਂਦਾ ਹੈ।
ਇਸ ਵਾਰ ਤਾਂ ਰਾਮ ਲਲਾ ਤੋਂ ਇਲਾਵਾ ਹੋਰ ਪੂਰਕ ਮੰਦਰਾਂ 'ਚ ਵੀ ਉਤਸਵ ਦੀ ਧੂਮ ਰਹੇਗੀ। ਹਾਲਾਂਕਿ, ਧਰਮ ਕਮੇਟੀ ਦਾ ਖਾਕਾ ਜਨਤਕ ਹੋਣ ਤੋਂ ਬਾਅਦ ਇਹ ਹੋਰ ਵੀ ਸਪੱਸ਼ਟ ਹੋ ਜਾਵੇਗਾ। ਮੰਦਰ ਦੇ ਉਤਸਵ ਵਿਗ੍ਰਹ ਨੂੰ ਮਣੀ ਪਰਬਤ ’ਤੇ ਯਾਤਰਾ 'ਚ ਲਿਜਾਣ ਬਾਰੇ ਵੀ ਵਿਚਾਰ ਚੱਲ ਰਿਹਾ ਹੈ।
ਧਰਮ ਕਮੇਟੀ 'ਚ ਕੁੱਲ 9 ਸੰਤ ਸ਼ਾਮਲ
ਜੋਤਸ਼ੀ ਪੰਡਿਤ ਰਾਕੇਸ਼ ਕੁਮਾਰ ਤਿਵਾੜੀ ਨੇ ਕਿਹਾ ਕਿ ਧਰਮ ਕਮੇਟੀ ਰਾਮ ਮੰਦਰ ਦੇ ਸਾਵਣ ਉਤਸਵ ਨੂੰ ਜ਼ਰੂਰ ਖ਼ਾਸ ਬਣਾਵੇਗੀ। ਮਹੰਤ ਦਿਨੇਂਦਰ ਦਾਸ ਨੇ ਰੋਜ਼ ਦੀ ਤਰ੍ਹਾਂ ਵੀਰਵਾਰ ਨੂੰ ਵੀ ਮੰਦਰ ਦਾ ਦੌਰਾ ਕਰਕੇ ਵਿਵਸਥਾ ਦਾ ਜਾਇਜ਼ਾ ਲਿਆ। ਉਨ੍ਹਾਂ ਕਿਹਾ ਕਿ ਰਾਮ ਲਲਾ ਦੇ ਦਰਸ਼ਨ ਕਰਕੇ ਭਗਤ ਆਨੰਦ ਮਹਿਸੂਸ ਕਰ ਰਹੇ ਹਨ। ਧਰਮ ਕਮੇਟੀ 'ਚ ਹਨੂੰਮਤ ਨਿਵਾਸ ਦੇ ਮਹੰਤ ਮਿਥਿਲੇਸ਼ ਨੰਦਿਨੀ ਸ਼ਰਨ, ਸ਼੍ਰੀਰਾਮ ਬੱਲਭਾ ਕੁੰਜ ਦੇ ਅਧਿਕਾਰੀ ਰਾਜਕੁਮਾਰ ਦਾਸ, ਮਹੰਤ ਰਾਮਾਨੰਦ ਦਾਸ ਸਮੇਤ ਨੌ ਸੰਤ ਸ਼ਾਮਲ ਹਨ।