ਮਹਿਲਾ ਨਾਲ ਦਰਿੰਦਗੀ! ਪ੍ਰੇਮ-ਸਬੰਧ ਦੇ ਸ਼ੱਕ ’ਚ ਸਿਰ ਮੁੰਨਿਆ; ਪਿੰਡ ’ਚ ਨੰਗਾ ਘੁਮਾਉਣ ਦੀ ਦਿੱਤੀ ਧਮਕੀ

ਬਾਨਪੁਰ ਪਿੰਡ ਦੀ ਬੇਹਰਾਟੋਲੀ ਵਾਸੀ ਨਿਸ਼ਾ ਤਿਰਕੀ ਨੂੰ ਸ਼ੱਕ ਹੈ ਕਿ ਉਸ ਦੇ ਪਤੀ ਰਵੀੰਦਰ ਅਸੁਰ ਦਾ ਪਿੰਡ ਦੀ ਹੀ ਇੱਕ ਵਿਆਹੁਤਾ ਮਹਿਲਾ ਨਾਲ ਪ੍ਰੇਮ-ਸਬੰਧ ਚੱਲ ਰਿਹਾ ਹੈ। ਰਵੀੰਦਰ ਪੇਸ਼ੇ ਤੋਂ ਰਾਜਮਿਸਤਰੀ ਹੈ ਤੇ ਪੀੜਤਾ ਵੀ ਉਸ ਦੇ ਨਾਲ ਰੇਜ਼ਾ ਦਾ ਕੰਮ ਕਰਦੀ ਹੈ। ਸ਼ਨੀਵਾਰ ਨੂੰ ਇਸੇ ਸ਼ੱਕ ਦੇ ਆਧਾਰ ’ਤੇ ਨਿਸ਼ਾ ਤਿਰਕੀ ਆਪਣੀ ਮਾਂ ਮਨੀਸ਼ਾ ਤਿਰਕੀ ਤੇ ਵਾਰਡ ਮੈਂਬਰ ਮੁੰਨੀ ਤਿਰਕੀ ਦੇ ਨਾਲ ਪੀੜਤਾ ਦੇ ਘਰ ਪਹੁੰਚੀ। ਪੀੜਤਾ ਨੂੰ ਘਰ ਤੋਂ ਖਿੱਚ ਕੇ ਬਾਹਰ ਕੱਢਿਆ ਗਿਆ। ਤਿੰਨਾਂ ਨੇ ਉਸ ਦੀ ਜਮ ਕੇ ਕੁੱਟਮਾਰ ਕੀਤੀ ਤੇ ਉਸ ਦੇ ਵਾਲ ਮੁੰਨ ਦਿੱਤੇ। ਘਰ ਦੇ ਸਾਹਮਣੇ ਇਹ ਸਾਰੀ ਘਟਨਾ ਹੁੰਦੀ ਰਹੀ। ਇਸ ਦੌਰਾਨ ਕਈ ਲੋਕ ਉੱਥੋਂ ਲੰਘੇ, ਪਰ ਕਿਸੇ ਨੇ ਵੀ ਪੀੜਤਾ ਨੂੰ ਬਚਾਉਣ ਦੀ ਹਿੰਮਤ ਨਹੀਂ ਕੀਤੀ। ਜਾਂਦੇ ਸਮੇਂ ਪੀੜਤਾ ਨੂੰ ਧਮਕੀ ਦਿੱਤੀ ਗਈ ਕਿ ਜੇਕਰ ਇਸ ਘਟਨਾ ਬਾਰੇ ਕਿਸੇ ਨੂੰ ਦੱਸਿਆ ਤਾਂ ਉਸ ਨੂੰ ਪੂਰੇ ਪਿੰਡ ’ਚ ਨੰਗਾ ਘੁਮਾਇਆ ਜਾਵੇਗਾ।