- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
AI ਰਾਹੀਂ ਖਿਡਾਰੀਆਂ ਦੇ ਸਿਰਾਂ ਤੋਂ ਵਾਲ ਗਾਇਬ ਕਰ ਤਸਵੀਰ ਕੀਤੀ ਵਾਇਰਲ, ਲੋਹਰਦਗਾ ’ਚ ਤਣਾਅ; ਲਾਠੀਆਂ ਤੇ ਕੁਹਾੜੀਆਂ ਲੈ ਕੇ ਆਹਮੋ-ਸਾਹਮਣੇ ਹੋਏ ਦੋ ਪਿੰਡ
ਲੋਹਰਦਗਾ ਦੇ ਕੈਰੋ ’ਚ ਗੋਪਾਲਗੰਜ ਤੇ ਮਹੂਵਰੀ ਪਿੰਡਾਂ ਵਿਚਾਲੇ ਖੇਡ ਮੈਦਾਨ ਨੂੰ ਲੈ ਕੇ ਹੋਇਆ ਵਿਵਾਦ ਸ਼ੁੱਕਰਵਾਰ ਨੂੰ ਹਿੰਸਕ ਰੂਪ ਧਾਰਨ ਕਰ ਗਿਆ। ਪੁਲਿਸ ਦੀ ਮੁਸਤੈਦੀ ਕਾਰਨ ਲਾਠੀਆਂ-ਡੰਡੇ ਲੈ ਕੇ ਪਹੁੰਚੇ ਪਿੰਡ ਵਾਸੀਆਂ ਵਿਚਾਲੇ ਵੱਡੀ ਘਟਨਾ ਹੋਣ ਤੋਂ ਟਲ ਗਈ। ਮਾਮਲੇ ਦੀ ਜਾਂਚ ਜਾਰੀ ਹੈ।
Posted By Paramjit Kaur
Publish Date: Fri, 16 Oct 2026 03:42 PM (IST)
Updated Date: Fri, 16 Oct 2026 03:46 PM (IST)
ਸੰਵਾਦ ਸੂਤਰ, ਕੈਰੋ (ਲੋਹਰਦਗਾ)। ਲੋਹਰਦਗਾ ਜ਼ਿਲ੍ਹੇ ਦੇ ਕੈਰੋ ਥਾਣਾ ਖੇਤਰ ਅਧੀਨ ਆਉਂਦੇ ਗੋਪਾਲਗੰਜ ਪਿੰਡ ਦਾ ਖੇਡ ਮੈਦਾਨ ਸ਼ੁੱਕਰਵਾਰ ਨੂੰ ਜੰਗ ਦੇ ਮੈਦਾਨ ’ਚ ਬਦਲ ਗਿਆ। ਮੈਦਾਨ ’ਚ ਸੈਂਕੜੇ ਪਿੰਡ ਵਾਸੀ ਲਾਠੀਆਂ-ਡੰਡੇ ਤੇ ਕੁਹਾੜੀਆਂ ਲੈ ਕੇ ਪਹੁੰਚ ਗਏ। ਮਹੂਵਰੀ ਤੇ ਗੋਪਾਲਗੰਜ ਪਿੰਡਾਂ ਦੇ ਲੋਕਾਂ ਵਿਚਾਲੇ ਧੱਕਾ-ਮੁੱਕੀ ਤੇ ਤੂੰ-ਤੂੰ, ਮੈਂ-ਮੈਂ ਸ਼ੁਰੂ ਹੋ ਗਈ। ਹਾਲਾਂਕਿ, ਪੁਲਿਸ ਦੀ ਮੁਸਤੈਦੀ ਕਾਰਨ ਵੱਡੀ ਘਟਨਾ ਵਾਪਰਨ ਤੋਂ ਪਹਿਲਾਂ ਹੀ ਸਥਿਤੀ ਨੂੰ ਸੰਭਾਲ ਲਿਆ ਗਿਆ। ਪਿੰਡ ਵਾਸੀਆਂ ਦੇ ਹੱਥਾਂ ’ਚ ਲਾਠੀਆਂ-ਡੰਡੇ ਸਨ।
ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਕੈਰੋ ਥਾਣਾ ਇੰਚਾਰਜ ਰਵੀ ਰੰਜਨ ਕੁਮਾਰ, ਐੱਸਆਈ ਅਮਿਤ ਕੁਮਾਰ ਮੁਰਮੂ, ਏਐੱਸਆਈ ਰੰਜਨ ਸਿੰਘ, ਗੁੱਡੂ ਸ਼ਰਮਾ ਤੇ ਦਿਲੀਪ ਸਿੰਘ ਪੁਲਿਸ ਬਲ ਸਮੇਤ ਮੌਕੇ ’ਤੇ ਪਹੁੰਚੇ। ਇਸ ਤੋਂ ਬਾਅਦ ਪਿੰਡ ਵਾਸੀਆਂ ਨਾਲ ਗੱਲਬਾਤ ਕਰਕੇ ਮਾਮਲੇ ਨੂੰ ਸ਼ਾਂਤ ਕਰਵਾਇਆ ਗਿਆ।
ਮਹੂਵਰੀ ਪਿੰਡ ਦੇ ਲੋਕਾਂ ਦਾ ਕਹਿਣਾ ਹੈ ਕਿ ਖੇਡ ਮੈਦਾਨ ਵਾਲੀ ਜ਼ਮੀਨ ਉਨ੍ਹਾਂ ਦੀ ਹੈ, ਜਦਕਿ ਗੋਪਾਲਗੰਜ ਦੇ ਪਿੰਡ ਵਾਸੀ ਇਸ ਜ਼ਮੀਨ ’ਤੇ ਆਪਣਾ ਹੱਕ ਜਤਾ ਰਹੇ ਹਨ। ਇਸ ਨੂੰ ਲੈ ਕੇ ਦੋਵਾਂ ਪਿੰਡਾਂ ਵਿਚਾਲੇ ਪਿਛਲੇ ਕਈ ਸਾਲਾਂ ਤੋਂ ਵਿਵਾਦ ਚੱਲ ਰਿਹਾ ਹੈ। ਇਸ ਤੋਂ ਪਹਿਲਾਂ ਵੀ ਖੇਡ ਮੈਦਾਨ ਨੂੰ ਲੈ ਕੇ ਮਹੂਵਰੀ ਤੇ ਗੋਪਾਲਗੰਜ ਦੇ ਪਿੰਡ ਵਾਸੀਆਂ ਵਿਚਾਲੇ ਕਈ ਵਾਰ ਛੋਟੇ-ਮੋਟੇ ਝਗੜੇ ਹੋ ਚੁੱਕੇ ਹਨ।
ਮਾਮਲੇ ਸਬੰਧੀ ਕੈਰੋ ਥਾਣਾ ਇੰਚਾਰਜ ਰਵੀ ਰੰਜਨ ਕੁਮਾਰ ਨੇ ਦੱਸਿਆ ਕਿ ਸਾਰੇ ਪਹਿਲੂਆਂ ਤੋਂ ਜਾਂਚ ਕੀਤੀ ਜਾ ਰਹੀ ਹੈ। ਅੰਚਲ ਦਫ਼ਤਰ ਤੋਂ ਖੇਡ ਮੈਦਾਨ ਦੀ ਜ਼ਮੀਨ ਬਾਰੇ ਜਾਣਕਾਰੀ ਲਈ ਜਾ ਰਹੀ ਹੈ। ਖੇਡ ਮੈਦਾਨ ਨੂੰ ਮਹੂਵਰੀ ਦੇ ਪਿੰਡ ਵਾਸੀਆਂ ਵੱਲੋਂ ਟਰੈਕਟਰ ਨਾਲ ਵਾਹੁਣ ਦੀ ਸ਼ਿਕਾਇਤ ਵੀ ਸਾਹਮਣੇ ਆਈ ਹੈ। ਇਸ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਜਾਂਚ ਪੂਰੀ ਹੋਣ ਤੋਂ ਬਾਅਦ ਦੋਸ਼ੀਆਂ ਖ਼ਿਲਾਫ਼ ਯਕੀਨੀ ਤੌਰ ’ਤੇ ਕਾਰਵਾਈ ਕੀਤੀ ਜਾਵੇਗੀ।
ਵਿਵਾਦ ਵਧਣ ਦਾ ਕੀ ਸੀ ਕਾਰਨ?
ਕੈਰੋ ਥਾਣਾ ਖੇਤਰ ਦੇ ਗੋਪਾਲਗੰਜ ਪਿੰਡ ’ਚ ਪਿਛਲੇ ਵੀਰਵਾਰ ਨੂੰ ਫੁੱਟਬਾਲ ਮੁਕਾਬਲੇ ਦਾ ਫਾਈਨਲ ਮੈਚ ਖੇਡਿਆ ਗਿਆ ਸੀ। ਇਸ ’ਚ ਮਹੂਵਰੀ ਪਿੰਡ ਦੇ ਖਿਡਾਰੀਆਂ ਨੇ ਵੀ ਹਿੱਸਾ ਲਿਆ ਸੀ। ਮਹੂਵਰੀ ਪਿੰਡ ਦੇ ਲੋਕਾਂ ਤੇ ਖਿਡਾਰੀਆਂ ਦਾ ਦੋਸ਼ ਹੈ ਕਿ ਗੋਪਾਲਗੰਜ ਦੇ ਕੁਝ ਨੌਜਵਾਨਾਂ ਨੇ ਏਆਈ ਦੀ ਮਦਦ ਨਾਲ ਕੁਝ ਖਿਡਾਰੀਆਂ ਦੇ ਸਿਰਾਂ ਤੋਂ ਵਾਲ ਗਾਇਬ ਕਰਕੇ ਉਨ੍ਹਾਂ ਦੀਆਂ ਤਸਵੀਰਾਂ ਵਾਇਰਲ ਕਰ ਦਿੱਤੀਆਂ। ਇਸ ਤੋਂ ਬਾਅਦ ਮਹੂਵਰੀ ਪਿੰਡ ਦੇ ਸੈਂਕੜੇ ਗੁੱਸੇ ’ਚ ਆਏ ਲੋਕਾਂ ਨੇ ਸ਼ੁੱਕਰਵਾਰ ਨੂੰ ਖੇਡ ਮੈਦਾਨ ਦੀ ਜ਼ਮੀਨ ਵਾਹ ਦਿੱਤੀ। ![naidunia_image]()
ਮਹੂਵਰੀ ਪਿੰਡ ਦੇ ਲੋਕਾਂ ਦਾ ਦਾਅਵਾ ਹੈ ਕਿ ਖੇਡ ਮੈਦਾਨ ਦੀ ਜ਼ਮੀਨ ਉਨ੍ਹਾਂ ਦੀ ਹੈ। ਦੂਜੇ ਪਾਸੇ, ਅੰਚਲ ਅਮੀਨ ਦਿਨੇਸ਼ ਕੁਮਾਰ ਨੇ ਦੱਸਿਆ ਕਿ ਖੇਡ ਮੈਦਾਨ ਦੀ ਜ਼ਮੀਨ ਗੈਰ-ਆਬਾਦ ਬਿਹਾਰ ਸਰਕਾਰ ਦੀ ਜ਼ਮੀਨ ਵਜੋਂ ਦਰਜ ਹੈ। ਇਹ ਮਹੂਵਰੀ ਮੌਜਾ ਦੇ ਖਾਤਾ ਨੰਬਰ 135 ਤੇ ਪਲਾਟ ਨੰਬਰ 105 ’ਚ ਦਰਜ ਹੈ।