ਚਮਤਕਾਰ ਜਾਂ ਕੁਦਰਤ ਦਾ ਖੇਲ? ਨੈਨੀਤਾਲ 'ਚ ਪਹਾੜੀ ਤੋਂ ਵਗੀ ਦੁੱਧ ਦੀ ਧਾਰ, ਦਰਸ਼ਨਾਂ ਲਈ ਉਮੜੀ ਸ਼ਰਧਾਲੂਆਂ ਦੀ ਭੀੜ

ਸ਼ਨੀਵਾਰ ਨੂੰ ਬੇਤਾਲਘਾਟ ਮੁੱਖ ਬਾਜ਼ਾਰ ਦੇ ਨੇੜੇ ਪਹਾੜੀ ਤੋਂ ਅਚਾਨਕ ਦੁੱਧ ਵਗਦਾ ਦੇਖ ਕੇ ਉੱਥੋਂ ਲੰਘ ਰਹੇ ਲੋਕ ਹੈਰਾਨ ਰਹਿ ਗਏ। ਦੇਖਦੇ ਹੀ ਦੇਖਦੇ ਇਹ ਖ਼ਬਰ ਪੂਰੇ ਇਲਾਕੇ 'ਚ ਫੈਲ ਗਈ। ਕੁਝ ਹੀ ਸਮੇਂ 'ਚ ਲੋਕਾਂ ਨੇ ਵੀਡੀਓ ਬਣਾਕੇ ਇੰਟਰਨੈੱਟ ਪਲੇਟਫਾਰਮ ਰਾਹੀਂ ਇਸ ਘਟਨਾ ਨੂੰ ਵਾਇਰਲ ਕਰ ਦਿੱਤਾ। ਇਲਾਕੇ ਦੇ ਕਈ ਲੋਕ ਮੌਕੇ 'ਤੇ ਵੀ ਪਹੁੰਚ ਗਏ। ਲੋਕਾਂ ਨੇ ਇਸ ਘਟਨਾ ਨੂੰ ਆਸਥਾ ਨਾਲ ਜੋੜਦਿਆਂ ਇਸ ਨੂੰ ਚਮਤਕਾਰ ਕਰਾਰ ਦੇ ਦਿੱਤਾ। ਕੁਝ ਲੋਕਾਂ ਨੇ ਕਿਹਾ ਕਿ ਪਹਾੜੀ 'ਤੇ ਸਥਿਤ ਦੁਰਗਾਪੁਰੀ ਮੰਦਰ ਤੋਂ ਦੁੱਧ ਰਿਸ ਕੇ ਇੱਥੇ ਆ ਰਿਹਾ ਹੈ, ਜਿਸ ਨਾਲ ਇਸ ਘਟਨਾ ਨੂੰ ਲੈ ਕੇ ਚੱਲ ਰਹੀਆਂ ਕਈ ਤਰ੍ਹਾਂ ਦੀਆਂ ਚਰਚਾਵਾਂ 'ਤੇ ਵਿਰਾਮ ਲੱਗ ਗਿਆ।